تخيلو لو انقلب الوضع...اماكن الحريم صارت شباب..كيف راح تكون الحال

يقولون التفكير جميل..والخيال اجمل...
فهذا موضوعي الجزء الثاني من موضوع اهل الرياض وش يسون..اللي ماقراه يحصله في منتدى العام للالعاب..
وايضا تشجيع لكم يا الاعضاء لكي نترك المواضيع المنقوله...فشغلو خيالكم..

فتعالو خلونا نتخيل وش بيصر في الرياض..لو انقلبت الاسواق والشوارع والملاهي وصارت بدال ماهي عوايل وحريم..تصير عوايل وشباب..

تعالو نشوف..
((جميع الاماكن المذكوره ادناه في مدينة الرياض وهي حريم فقط))
------------------------------------------------

سعيدان قم انهض وش تحتري الساعه وحده الظهر الحين..
يمه يرحم امك دقيقه بس..بكمل الحلم..

اقول انهض قم اخوياك ماواعدتهم على الغدا..

الا والله نسيت القايز..((يعني طعميه بالاسباني)) وين الموبايل بكلم العيال..الو
هلا ابرهيم وينكم فيه..اووف جوا السوق في المطعم..اصبرو واللي يرحم والديكم لاتتغدون خلوني لين ما اجيكم..والله متى ماتلحق تعال منب فاضين لك..
اقول ابراهيم اليوم مدخلين بنات ولا شباب بس..
لا اليوم شباب بس..
يالله انا في الطريق..

((وانا في الطريق مشغل ذيك الاغنيه علشان اقهر البنات اللي تقول..ياشمس ياشمس لالا لا تغيبي ))لأن بعد المغيب يصير السوق شباب.

وانا اللي اوصل للسوق والمح ذاك الموقف وانطلها بجلنط واشمع في المحطه اللي قدام الفيصليه شي طبيعي لو تروحون هناك تلقاهم معلقين اصطبات سيارتي عندهم ذكرى..!!
المهم وانزل..الا وانا اكرها ضحك ههههههههه
لمحت لكم بنات جالسين يترجون السكيرتي واللي يرحم امك دخلنا والله بنتغدى وبنطلع
((السكيرتي))
والله اليوم ممنوع من الاداره مشددين علينا..

الا وانا اجيهن بروح ادخل مع الباب والشعر يفرفر يمين ويسار واعطيها ذيك السعبوله اللي تلصق الشعر ...
الا والبنات يشوفنني وينهبلن ويقومن يزاعقن ويصارخن وهن يقولن..

وعععععععع وش هالشين اللي نشوفه..لا طالعو هالشامه اللي في جبهته
..!!
شامه..! ماخبرت ان في جبهتي شامه الشامه عندي في...((عيب انت وياه))
وانا اللي احط اصبعي الكبير على جبهتي اتحسس هالشامه واثره ثلاث نملات لزقو مع السعبوله..!!
وانا ارد وكلي شموخ وهيبه وفي شي اخضر مصفر اللون حتى الان الدراسه مازالة جاريه لتحقق منه طالع من الخشم..

الشين بيدخل السوق الحين وانتو ملحطين..
وانا ادخل السوق والقى الربع متغدين وفلوها وانا لحقت على طعميه قبل الصلاه..!!

والله وانا ويا الربع ها وين بتطلعون علمونا الين مارسينا على ستار سيتي((ملاهي على الدائري))..قلنا خلاص الوعد الساعه 7 الليل..
ولا اطلع من السوق والقى الكفر مبنشر..اي والله البلشه وش اسوي لازم ارجع بسرعه ابي اتروش واغير هالسناوي اللي له اسبوعين علي لين غدا لونه اخضر..
ياسعيدان وش تسوي والله مالك الا تكلم اهلك يرسلون لك الشغاله تجيبك..وادق على الوالده وترسل لي الشغاله ماقصرت ..
واالله وادخل البيت..كالعاده توني داخل الا ولوحة الترحيب لازقه في وجهي من الوالد مفادها((يالجربان يالصايع وين كنت هالحزه الناس راقدين وانت تدور في انصاص الليالي))
يابو نوره روق المنجا..((عادي ابوي امون عليه)) توها الساعه 6 المغرب الحين اي انصاص الليالي..الا والمح في قفى الوالد علامة تعجب ونقطة عرق نازله..
ايه عارف بس اختبر ذكائك..!!
..
والله اطلع لغرفتي واروح لدولابي اللي من الاساس مفتوح 24 ساعه ادراجه مخلعه..!! واطلع لكم ذاك الشورت الاحمر وذاك التي شيرت الاصفر علشان تناسق الوان..!!
كالعاده قبل لا اخذ اي دش حمام..افتح البلكونه حقتي اشم هوا نقي واطل على عش الحمام حق جيرانا الذي يذكرني بالاطلال

بعــــد مــــــرور ساعتيـــن

والله واطق على الشغاله واخليها تودييني انا والسواق..((يقاله ولد شيوخ رايح بسواقهم))
والله والقى الربع عند الباب وذا الحريم قطعن قلبي مساكين مغير جايين مع شغالاتهن الملاهي يحطن عيالهن ويروحن ممنوع بس شباب الدخول..مساكين وين يروحون مصيرهن ينطقون قدام الباب لين مانخلص..!!

وانا توني بدخل الا السكيرتي جايني ..

يابو الشباب ممنوع دخول الحمام..!!
اي حمام((بشد الميم وبطح الاف وترفيس الحاء)) الله يهديك..
ذا اللي زابنه في اباطك..
الله يهديك هذا شعر اباطي وش فيك انت يقالك موضه اليومين هذي يقصرون شعر الدمجه ويطولون شعر الاباط..!!

عقب مافليناها طلعنا حول الساعه عشر والله ونروح للمملكه عندهم الدور الثالث خاص للرجال..!!((يتمنى يدخله))
واطلع هناك والقى الربع كلهم هناك ابوركبه وعروج والعيال كلهم يقولون في تحدي بلياردو..!!
وكل واحده ومعه البوي فريند حقه..((ورعنجيه حتى لو تنقلب الدنيا خخخ))

الا والمح واحد قاعد في زاوية المكان ومسكين شعره ابيض وكل شوي جاي واحد وخابط يديه في دمجته يحسبونها بودره..

كسر قلبي والله..((مرهف الاحساس))
واروح لمه واكلمه الا ويلتفت علي..ويطلع الحبيب ابو مزنه
((طبعن لاتنسون المؤثرات الخاصه بهلمواقف..دمعتين ونشقه وسيل طالع من الخشم ويصب في الفم واحد اليدين على القلب))

ابو مزنه وش بلاك قم وخل البكا عنك..
وخر عني ياسعيدان انا اليوم خويتي مديتها((بشد الياء والتاء وخذ راحتك مع الباقي)) (يعني ديت موعد مواعدها) ومسكوها الهيئه..وانا السبب
((مسكين حاس بالذنب))
وانت وين مديتها..
في طريق الامير عبدالله في الممشى..
وانت صاحي ياحمار احد يديت هناك هذاك شارع للشباب بس وش فيك انت..قلي طيب وش صار..
والله كنت ماشي معها وكنت اغنيلها بسبوسه يابسبوسه..فجأه الا الهيئه طبو علينا ومسكونا,,ولا شعوريا انا قلت انا والله مالي دخل هي خاطفتني..
عاد انت تعرف الهيئه والناس دايمن يصدقون الرجال فاخذوها الحجز ..!!
----------------------------------------------------------------

اييييييييه هذا الموضوع ياشباب اصلن سواليف سايلنت لكن الاخ سعيدان ماقصر وعطانا هالقصه البايخه من عنده..
شباب هذا الجزء الثاني من شباب الرياض وش يسون..واللي ماقرى الاول يحصله في منتدى العام للالعاب..

يعني فعلن قصه من سعيدان تجسد الحقيقه المره والطاغيه بان كل شي في الرياض خصوصا غير مدن السعوديه التي تتغطى عليها الانوثه.على الاقل برى عوايل..هنا في الرياض والله كل شي حريم وجع طيب وين نروح ندور في الشوارع..المشكله اليومين هذي ملعن مانعين الدوران علشان الارهابيه احنا لاقينها من الحريم علشان تطلعون لنا انتم يا المبزره..!!

فعلن تخيل الموقف هذا..سوق مايدخله الا حريم..أوكي...مكون من ثلاث ادوار,,الدور الثالث خاص للحريم خخخخخخخخخ
شوفو لين وين وصلت بس..!!
نصيحه لبنات المنتدى اللي مازارت الرياض تجي تراها مدينة الاحلام للبنات..!!

ويقولك في دراسه فلبينيه الرياض تنتشر فيها صفة الورعنجيه((يعني الجنس الثالث كل ورع يحب له ورع)) بشكل كبير ويسألون لماذا..
تعالو اشرح لكم مثال علي انا..

انا الحين شاب في مقتبل العمر..في عمر الزهور((والله عمر البقر قصدك))
الصبح اروح الجامعه اشغل سيارتي من الطريق من بيتنا للجامعه ما اشوف ولا بنت كلهم عيال
انزل الجامعه نفس الشي من المواقف لين القاعه عيال مافي بنات..اخلص محاضراتي العصر..
اطلع من الجامعه عند اشارة الامير عبدالله اكثر زحمة سيارات..التفت يمين يسار لعلي اشوف بنت او شغاله على الاقل علشان اتأكد ان مدينتنا فيها بنات بس..((على حسن نيه))
والله ماغير هالاشناب..
او سواق وطاق التظليله زيرو فور خخخخخخ ياخي قدرو ظروفنا اللي عندهم سواق لاتظللون قلق الشباب هم ضحية التظليل الاولى..!!

اواعد خوي بنطلع سوق نتغدى..
شفتو اول حاله فوق البنات يوم يترجون السكيرتي هذي حالتنا..يعني البنات يضحكن علينا مهزله والله
طبعا نروح كوفي نبي قهوه خلاص شبعنا طبعن الكوفيات شباب فمن الطريق من السوق الى التحليه مثلن كل اللي في الشارع عيال ماش مافي بنات منقرضين..تروح تنزل لصدى التحليه..المفروض اقل شي يخلون القرثون حريم ..((يحلم))
يجيك فلبيني ودك تحك وجه في الجدار..

وتطلع ترجع لبيتكم مثلن من التحليه الى السويدي اكثر من نص ساعه مافي ولا بنت وجع وين البنات..
توصل البيت تدخل وتلقى اهلك يتغدون شوي امك واختك مالهم رووس((خخخخ ذي قويه))بس الادمي في الرياض مايشوف الا اهله بس.((اجل وش تبي يالداشر))
يجيك ابوك الطيب ويقول لك..
اسمع انت قسم بالله لو تتعدى شارع بيتكم ياويلك ود امك للملاهي واقعد انطق هناك عند باب الملاهي ولا ارجع البيت سيدا..
طبعا تودي امك للملاهي ودك تقعد معهم لكن المشكله حريم بس الملاهي حريم بس شفتو كيف مو عوايل حتى..علشان كذا اذا تبي تضحك على عيال الرياض خلهم يسافرون برى خخخخ اذا سعودي ماركب ملاهي اعرف انه من اهل الرياض..
((ماتعود المسكين))

فترجع البيت وطبعن ابوك موصيك ماتتعدى حارتكم فتقعد مع عيال حارتكم العقارب..فطبعن تبغون تشوفون شي حلو بعد ما ايستومن البنات والشغالات مافي شي..نتجه للحل الوحيد في ناس مثلنا نفس حالتنا كل شباب الرياض مثلنا لكن في عامل مختلف..وهو الجمال مو كلهم عقارب خخخخخخ فنروح للحلوين نظطر نكحل عيوننا فيهم..

وهذي هي الحال كل يوم جميع العوامل ثابته ماعدى مشاوير الاهل عامل متغير..((متأثر بالفيزيا))
----------------------------------------------

اتمنى انكم استمتعتو بهلموضوع اللي لأول مره اجمع سعيدان وسوالف سايلنت مره وحده واذا هالفكره عجبتكم علموني او اخليها مثل اول كل واحد لحاله لأن كذا كن الموضوع طويل..

المهم اتمنى من الجميع التوفيق في هذه الدنيا وترى الموقف مبالغ فيه شوي لاتصدقون عاد..:)
SiLeNT EviLL

أول مرة اشوف الموضوع الجميل <--- لأنك غيرت الخط واللون :D

لكن عدل من اللغة العربية ... واذا تبي مدرس اناديلك واحد ببلاش ;)

و مثل ما يقول المثل العنقليش All Da Best ^_^

اقتباس:

---

المشاركة الأصلية كتبت بواسطة darkitp

أول مرة اشوف الموضوع الجميل <--- لأنك غيرت الخط واللون :D

لكن عدل من اللغة العربية ... واذا تبي مدرس اناديلك واحد ببلاش ;)

و مثل ما يقول المثل العنقليش All Da Best ^_^

---

اخ ياشين الفلسفه البايخه انت خربت حلاوت الموضوع الحين..المشكله مفهمك في الماسنجر..
المشكله انه ماعنده خلفيه في الكوميديا وجاي يوقف في طريقي :cool: افهمك هنا ثانيه..

من الاشياء اللتي تجمل المواضيع اللي مثل هذي لاتلتزم بالقواعد العربيه مثلن لاتحط تنوين حط مكانه حرف النون..!!
وبدال ماتكتب بها الموضوع..اكتب بهلموضوع...
وما ادري انت هذا دليل على انك ترد ولا تقرى الموضوع..لأنك لو تقراه كان لاحظت الفرق في كلامي في المواضيع الكوميديه والثانيه

حتى في طريقة الكلام اللهجه تختلف 180 درجه ارجع واقرى وخل عنك الردود بدون ماتقرى..((حجر لك :D ))
ومثل ماقلت لك في الماسنجر وانت ضحكت اهم شي اكون عضو محبوب ومعروف ولاتهمني الرقابه ;)
وش فايدته بدون محبه واكبر دليل المشرفين حقينا :tongue2:

المهم شباب لاتهتمون لهذا الرد وكملو كنه مو موجود..

خخخخخخخخ .. تنصح بنات المنتدى يزورن الرياض لأنها مدينة أحلام البنات .. ;) :D

على ميييييييييييييين ألعب غيرها حركات نص كم .. :09:

اقتباس:

---

المشاركة الأصلية كتبت بواسطة $الخليجي$

خخخخخخخخ .. تنصح بنات المنتدى يزورن الرياض لأنها مدينة أحلام البنات .. ;) :D

على ميييييييييييييين ألعب غيرها حركات نص كم .. :09:

---

ايه ياخي مدينة الاحلام بالنسبه للبنات :cool: كل شي فيها بنوووووتي اسواق حريم ملاهي حريم حتى الشوارع حريم :bigeyes:
مقاهي حريم..((زودها :D ))

سعيدان ورانا ورانا متى بيخلص

اااههههههخخخخخخخخخخخخخخخخ :D <<< يضحك.. :31:

موضوع حلو :D زز <<< غلطة, بدلو ال "زز" بي ".." :D

بس في شي واحد ما دخل راسي! كيف تقول الرياض مدينة احلام البنات وتقول انه البنات انقرضوا منها :D

حلوووه منك


سعود هاردلك على الارسنال خخخخخ

أحبــــــاط للإرسنال .. :09: :biggthump

اقتباس:

---

المشاركة الأصلية كتبت بواسطة KJF

اااههههههخخخخخخخخخخخخخخخخ :D <<< يضحك.. :31:

موضوع حلو :D زز <<< غلطة, بدلو ال "زز" بي ".." :D

بس في شي واحد ما دخل راسي! كيف تقول الرياض مدينة احلام البنات وتقول انه البنات انقرضوا منها :D

---

اخ فضحتني :p ايه لأن كل شي للبناتفهمت قصدي يعني بنات وش يبون في الشوارع علشان كذا تشوفهم يروحون للاماكن هي حقتهم واحنا مساكين مالناغير الشارع :أفكر:

اقتباس:

---

المشاركة الأصلية كتبت بواسطة BIG BOSS 3

سعيدان ورانا ورانا متى بيخلص

---

لين بكره :cool:

خامان..قصدي هامان :p

ردي عليك تلقاه في الرياضي روح رد هناك مو هنا :tongue2: موناكو ثلاثه :D

والعفوو ماي برذر

خليجيييييييييييييييييييييييييييييييي

كيف الحال..!!

هلاااااااااااااااااااااع.......


كخخخخخخخخخخخخخخخخخخخخخخخخخخخخخ

سعيدان مقهور من الوضع في الرياض.....والي كنا نعاني منه في الماضي السحيق.... :tongue2:

والله ان هالمشكله كلها طلعت من الترقيم.... :31:

شباب رقموا بـ(كلاس)=======لحد يفهم غلط. :12: :12:

يعني ترقيم العرابجه ذا هو الي قفل علينا الدنيا... :D
يعني امثال سعيدان يبي البنت تاخذ الرقم يسعبلها قدامها ويمكن ياخذ وجه... :tongue2:

بس والله فعلا زودوها فيذاك في الرياض...

اقتباس:

---

ياخي قدرو ظروفنا اللي عندهم سواق لاتظللون قلق الشباب هم ضحية التظليل الاولى..!!

---

خخخخخخخ
تعال هنا شوف التعتييم العظييم... :tongue2:

اقتباس:

---

المفروض اقل شي يخلون القرثون حريم ..((يحلم))

---

هــــــــــــــــــــــــــــــــــع......

اقتباس:

---

المشكله اليومين هذي ملعن مانعين الدوران علشان الارهابيه

---

جريه جديده... :06: :06:

الا بالله سعووووود كثر لنا من مواضيع سعيداااان...
وانا انشالله قاااادم وترقبوووو(ن)


و..........ايش الهرجه ؟؟؟؟ :tongue2:

اقتباس:

---

المشاركة الأصلية كتبت بواسطة !Snake 4 ever

هلاااااااااااااااااااااع.......


كخخخخخخخخخخخخخخخخخخخخخخخخخخخخخ

سعيدان مقهور من الوضع في الرياض.....والي كنا نعاني منه في الماضي السحيق.... :tongue2:

والله ان هالمشكله كلها طلعت من الترقيم.... :31:

شباب رقموا بـ(كلاس)=======لحد يفهم غلط. :12: :12:

يعني ترقيم العرابجه ذا هو الي قفل علينا الدنيا... :D
يعني امثال سعيدان يبي البنت تاخذ الرقم يسعبلها قدامها ويمكن ياخذ وجه... :tongue2:

بس والله فعلا زودوها فيذاك في الرياض...


خخخخخخخ
تعال هنا شوف التعتييم العظييم... :tongue2:


هــــــــــــــــــــــــــــــــــع......


جريه جديده... :06: :06:

الا بالله سعووووود كثر لنا من مواضيع سعيداااان...
وانا انشالله قاااادم وترقبوووو(ن)


و..........ايش الهرجه ؟؟؟؟ :tongue2:

---

شفت سنيك ناس ماتقدر قيمة سعيدان مايدرون ان في ناس يطلبونها طلبه :tongue2:
وابشر ولا يهمك صدقني لا اطلع لكم الجايه وحده ماتجي في المخ مثل حقت فوق السور :p

الجديده ليلة الدخله كانت تكون ليلة وفاتي

:D

يا خي رقملك وحدة وطالعه وسوا كل اللي في بالك وترتاح

اقتباس:

---

المشاركة الأصلية كتبت بواسطة مصرقع اس اس

يا خي رقملك وحدة وطالعه وسوا كل اللي في بالك وترتاح

---

ياخي الفكره موجوده..لكن وين الممول :أفكر: الجامعه طولو ماعطونا مكافأت :p

ياخي ليس دعوه الترقيم بس نبي شي يوسع صدورنا انا شباب الرياض المساكين اللي مالنا الا الشارع بعدين كيف يقولون اني ولد شوارع :31: