أول مشاركه.. أنا والمحظوره.أبي وأبن لآدن. أنتم ومن..!؟

بسم الله الرحمن الرحيم
أخواني الأعزاء أهل منتدى المنتدى
وعد الرجال من تكلم عن فهمه للموضوع أو لخص مايستفاد منه..أن يحصل على جائزه وهي إشتراك أنترنت أو يختار في بطاقه نت توفون.
وهذا وعد الرجال ...
مع أن هذه أول مشاركه لي معكم ... ورأيت أن أشارك بموضوع من أعدادي وخواطري ...أحسن من ان تكون مشاركة منقوله..!!
بل من بنات أفكاري (اللي لك عليها) بس أقبلوها من أخ لأخوانه....
وسامحونا أن أسلوب الطرح عفوي وعامي...
أتمنى أن يكون هادفا..وبس.....!!!!!!!
مدري والله وش اكتب لكم الحين:
بس أنا كاتب كــــــــــاتب.لو موضوع ما يمه سنع(المهم يعني.قصدي أعني ماله سنع)

اها ايييييييييييه عينته (لقيته أي وجدتها يووورك يووورك وجدتها وجدتها نيوتن على غفله)
وشرايكم أخربط لكم وأخبركم بما لا تعلموا من خبر المحضوره (وش ذي بعد؟)هذا أسم حبيبتي الجديدة تراها عقب (؟؟؟؟؟) حبي الأول.
لالالالا أنصب عليكم.هههههههه ما أحبها بس أمووووووت فيها وهي ما هيب حبيبتي (والله أنكم دختوا بس بعلمكم بالحقيقة ).
البنت هذي قال لي أبوي (وفي رواية الوالد الله يطول لي في عمره وللمسلمين أجمعين آمين).ما قلت لكم بخربط عليكم (واخربط عليكم أي يخربط خرطا يخرط. أي يخيط بخيط لونه غير لون الثوب المخيط ) يعني أخيط بـ أحمر والثوب أخضر
المهم حذرني أبوي من هذه البنت وقال: والله ان ماتعين من هالبنت خير.
قلت:ليه يابوي؟
قال:بس (لالا أكذب عليكم ما قال بس )
قال:البنت هذي أهلها رجال وفيهم خير ومن عرب طيبين بالحيل
(لا تلوموني يوم أني امدح فيهم.بتعرفونهم في الأخير) المهم
قلت (شـ أبركها من ساعة) ما ذكرت عليكم أغنية أم أحلام الكلثوميه قصدي أحلام الإماراتية. ولاحضوا ان حبيبتي مهيب هي الإماراتية.. أحلام اللي إماراتية.
هي خارج الموضوع بس على ماقالوا السوالف تجيب السوالف ولا مالها طاري.!!!
قلت:مادام أهلها طيبين. الطيب ولا الخيب خلني على كيفي.
أجل وشلون لو أني (حاب) بنت الطباخ (والطباخ حبشي ذا ساكن في حي الشميسي وما أدراك ما الشميسي"!
يوم سمع الهرج الأقشر هذا (اعني هاذا "".بالمناسبة من يوم تعلمت العربي ما شفت الألف في الكلمة(هذه). واليوم مافيه الا سلامتكم حاط ألف حاطه الزعلان يرضي. والراضي والله انه يعجبني.
وأنا داري أن البلا من سيبويه" الله يرحم والديه".إيه هذا السجع ولابلاش أسمع يا سيبويه السبهه .........
المهمم.(وش المهمم؟) أعذروني المهم عيت تجي معي إلا كذا (المهمم) عقده. العقده والله أنت. قصدكم أنا.معليييييييه(تراني عقده الأسبوع)!!!!
المهم قال أبوي والله العظيم لا أسمع أنك تهرج في هالبنت يعني تغزل فيها.(والله القهر حتى أبوي من العذال) أني لمددك وأثبتك علي السارية(صارت عسكرية) و أني لسوي عليك حصار وحظر تجول والربع أهل دورا
بتفرجون عليك مثل الأخوان العرب والقدس (معليكم لاتخافون هذا مثل والأمثال تضرب ولا تقاس).
وبعدين كل ذا يهون ولا يهونون أهل البنت قشران والله الذي لا إله إلا هو ان يسوون فيك العزره (هذه مشتقه من التعزير وعزرائيل ملك الموت )
وعقبها قال (نعنبوك )أنت خبل والله أن يذبحونك ذبح.قلت (نعنبوك)ذبح ذبح.
أنا قلت له نعنبوك بالغلط يوم طرا علي الذبح اختلفت.عقبها خربت السالفة خربا
وهو يرجع علي تلعن أبوي يا قليل الحياء وقليل المروة والمال (علشانه خابرني في الجامعه 800 ريال مثل راتب السواق كني عاد في الجامعة)
واحد منكم يقول كمل الهوشه خلنا نشوف من الفايز. طبعا هو علشانه اكبر مني
وهو يمسكني ويلعن أبو جد جد أبو أم إبليسي (لا اكذب عليكم رجع علي وحبني مرتين على خدي بيده بس بقوه شوي ) إيه هين!!!
المهم قال: أوعدني إن تتوب منها.. ألا هي تكفى يابوي
قال: قل وعد (رحنا فيها)
قلت:وعد. أن صدق وعد قيام الدولة الفلسطينية وسلطتها الرشيدة وحكمها الذاتي.
قال: ألا غير هالهرج وعد قيام الدولة. قيام الساعة مدام ربعنا العرب كذا (سكت أنا وذليت من الربع ومنه) أهاااااااا وصرت في ذا اللحظة ((عزيز قوم ذل"))
لالالالا وألف لا للذل (الذل مانفع عريبنا") مالقيت أهل الفلوجه؟
المهم أخوكم أخو... إستعدت قواي العقلية والجسمية (مسوي فيها كوريا الشمالية) على بالي أمتلكت النووي وأني ألحين أقدر أتحدي أمريكا (اللي هوأبوي)
وصرخت عاليا كـ زئير الأسد (مهوب الزير سالم ذا صوت الأسد )
وقلت أنا أحبها أحبهــــــا أحبهـــــــــــا حبا جما يا أبتي.!!
وأنا قلتها ولا ماقلتها الله لا يوريكم شر.وهو يرجع علي ويحبني وقال الله يخليك لي ياوليدي.إي هين عاد
(ألا مسكني ولعن أبو جد وعم وخال وكل أقارب إبليس إبليسي).هذه الجولة الثانية.احسبوا كم. لا أمزح تصالحنا علي طول.تمنيت ذيك اللحظة أنه يجينا السنافي (كوفي عنان قصدي كوفي أنان ) اللي حل مشاكل الشرق الأوسط والعالم كلها (أنا أشهدني كذبت)..الا مشربكها!!!
وفي نفس الوقت تمنيت أني اعرف بن لادن (حفظه الله وأطال عمره )ولا احد يتوسط لي ويدخلني عليه. بطلب لجؤ سياسي لديه لأني مضطهد سياسيا في بيتنا ومن قبل الوالد . وبسبب الحب . ولا تهون طالبان (نصرهم الله) اقل شي اضمن أنهم ما يسلموني للوالد عقبن ما يحتاج......!!!
المهم أن ذا (أماني) لا تصدقون اكذب واكذب.....عقبها تقولون (إرهابي)
المهم رجعت لواقعي المرير جدا وصدمت به والشبه والعباره(اكذب ماصدمت)
أيييييييييه باقي شي نسيت اعلم ربعي في سالفة.اللي هو انتم أصدقائى يعني. سالفة ألآ وهي حبي الجم (حلوه الجم هذه) لـ المحظروره اللي هي (حبيبتي) واني لا يمكن أني أنساها لين يجي أبوها وإخوانها ويمنعوني.ولا هو بالسهولة ذي لو (جو فيذا) جو فيذا أكله زي الكليجا عند أهل القصيم.هههه! انصب عليكم بس كلهن يستعملن في القصيم والصمان.مصمم علي النصب ههههه!

ـــــــــــ لحضه لحد يروح لين أجي, بصلي ورجع ــــــــ
وماعليه الخط على الحكومه والأشتراك بلآش_____

المهم أني متبهذل (بهذالا) في ذا الحب. بهذلة امريكا لأطفال العراق .ولا بهذله اليهود للفلسطينيين ولا بهذله الصرب للشيشان ولاتهون أفغانستان ولا بهذله أبوي لي(وهذا اللي قاهرني)..
بس حبيبتي مانيب مهون من حبها ذا حب يا ناس ماهوب لعب مافيه بطلت (لا تنقدون علي ترى الحب بلوى والمحظوره أم بليبها الشيطان )هذه قسمتي.هي من جهة وأبوي من جهة.
المهم قلت:بابيي ذا البنت حبها في قلبي وأهلها معروفين. والشاعر(اكذب عليكم ذا مثل) يقول (لاحبيت حب قمر ولا سرقت اسرق جمل.أفهمني يابــــــــــــوي......
الشاعر يقول: خاربه خاربه خلنا نعميها ........ أفهمني يابــــــــــــوي.......
والشاعر يقول:إذا غامـرت في شـرف مـروم ***** فـلا تقنـع بمـا دون النـجوم
فطعـم الموت في أمـر حقيـر ***** كطعم الموت في أمر عظيم
يعني ميت من الحب ولا ميت في فراشي(متساويه) جميع الطرق تؤدي إلى روما قصدي إلى الموت.
المهم كثرت الكلام عليه.وهو يهدد ويتوعد ويرعد ويمطر ويبرق (اكذب ما أمطرت)
المهم قال شف (ربيع المنتدى )يقصد ربع المنتدى ماهم نافعينك (قلت ماعليه...!! أنا أبخص ... قال أنكتم بس قلت أبشر)
المهم قلت الموت يا((عزيز قوم ذل)) كن حالك حال اللي مانيب قايل) .!!!! )
المهم انذليت من ذا الحب الله لا يعيده بس والله ما زادتني هالبهذله إلا إصرار وحبا للمحظوره ذيك الساعة همت على وجهي في الوسيعة (ضاقت بك)سهولا وجبالا وصحاري وحباري (أي حباري الحمد لله) وما حلمت وعلمت إلا إن اقشعر جلدي ورجفت أضلاعي عندما تذكرت الحبيبة عندها قلت ((عزيز قوم ذل)) كأني أريد إن اعتذر عن غيابي عنها لمده قصيرة.
بس مادمت امتلك قوة الحب (ومؤخرا ثبت علميا إن الحب له قوة كهروحبيه خفيه تغير قوانين الطبيعة ) هذا إنا متأكد منه حتى لو ما صدقتوني.وبثبت لكم ذلك علميا ونظريا من خلال مسيرتي

لحظه جاااااااااااااني ضيوف.......................

تصدقون إن واحد منهم من الأمم المتحدة جاي فزعه (متأكد أنكم ما تصدقون) علشانها واضحة.كذبه....
المهم ليلي غدا أطول من (ليل شتاء مافيه عشاء) برد وجوع وحب وبلاوي يعني انه صار ليل حوالي16 ساعة...
ونرجع للمحور اللي هو المحظوره (أبلشتكم بها كنه ماحب ألا أنا) إيه أحب بكيفي...وتقولون حلوه دلوعة الله يخليك أوصفها لنا.
بوصفها بس بإختصار (ورده ولا كل الورود) راشد الماجد علي غفله.... دعـابة دعــابة
مانيب موصفها بعلم باسمها......(محلفتني ما اعلم باسمها) لالا هذي أغنيه لراشد بعد أزعجتكم براشد....
وفجأه صار شي ما تتوقعونه.ألا والله أن توقعونه الجولة الثالثة..أكيد.....
دخل علي أبوي (شفتوا أنكم متوقعينها) ونادى علي قال: يا........بغيت أكتب أسمي الله يرجكم. بس الحقيقة قال اسمي وسبقته وقلت ((عزيز قوم ذل)) لبيه سم قال:المحظووره مشغلتك (توقعوا وش كان ردي ) تصدقون أني مارديت عليه!!! .
بتقولون معطيه(أشكل) لاوالله دقيتها بكوه (يعني قمت ابكي بكائا ).. قال هذا اللي بتعينه من المحظوره بس قال قم قـم ( أغرب عن وجهي قبحك الله)
ذلفت منه ومن البيت وقلت أروح المزرعة أوسع خاطري ومزعتنا قصدي مزرعة أبوي فيها من الحيوانات ونخل وزرع يمكن كثر البطالة عندنا..! (لا تعلمون)!!!
المهم جاني (كومارو) عرفتوه.صح . صح العامل.يعجبني فيكم الذكاء
قال كومارو: باباايس في مسكله ؟
قلت:ما لاعك اللي لاعني ياكومارو. الخبل عطاني الولاعه (والله انه هندي من جد)
قلت: أقول أولها معطيني ولاعه وتبيني اشرح لك الوضع بعد !!!!!
قال:بابا أنت هبي ؟ وش تقول. قال أنت هبي بنيه ؟؟
تفاجئت من سؤاله وسرحت شوي قلت: ايييييييه ما يذل عزيز قوم"" إلا الحب يا كومارو.
قال:أنا في معلوم أنت هبي هزا بنيه (المهتوره) قصده المحظوره... (ول حتى العمال دروا)
قلت: كومارو حاول تفهمني السالفة ليتها حب أكبر من حب. السالفة أني بموت من ذا الحب!!
قال كومارو : ايه بابا انا فيه معلوم . وبعدين قول.. (( مسوي فاهم ))
قلت: اغرب من وجهي قبحك الله (توني حافظها من أبوي)
المهم ماطول عليكم رجعت البيت (والوالد طبعا ماهوب فيه) خارج التغطية قصدي خارج البيت

لحظه,,,,,,,,,,,,,,,,,,,
ودي أكمل الموضوع بس واحد من الشباب جايب بيتزا هت اقطع وغمس,,
(تبون منها ) ببقي لكم كلكم.. بس اخاف تبرد. بكره أجيب لكل واحد وحده (صرفتهم). http://www.doora.net/forums/images/smilies/smile.gif
لا وعشان أقهركم المطر الحين يمطر.قصدي السحاب يمطر مطرا (أما ذي والله أني صادق فيها)
ذا صوت الوالد جاااااااااااااااااا
بكمل أسمحولي ألحين .قبل لا تبدأ قصة السبع العجاف قصدي الجولة الرابعة ......
أما الجزء الثاني والأخير (ماعليكم ماهو طويل) إذا ناااااام أبوي .
أتمنى أن أجد من يفهني غير أبوي. اما إذا كان الموضوع(مش ولابد)قولوا فكنااااا!
وتقبلوا تحيات ((غزيز قوم ذل))... ولالالا تسألوني سبب غربتي ليه؟؟؟؟؟
هذا والله أعلم. (والله يستر)..

واو الموضوع طويل لكن كمل