معاناة مع البلاي ستيشن 2 ((الجزء الأخير))
توقفنا عندما قام الزول بضربي في وجهي و جعلني فاقد الوعي.
بس الحمد لله ما جت الضربة في مكان ثاني.((وألا رحت وطي))
و رحت أبي أشوف لي حل مع هالمشكلة العويصة للمجلس أتمدد هناك و أفكر أشتري بلاي ستيشن2؟؟؟
و أطلع البوك أقعد أنفضه يمكن يطلع لي شئ .. و يطلع لي ريال واحد الحمد لله أحسن من ألي ما عنده!
بس وين راح أدبر باقي المبلغ؟؟؟
و أنا في تفكيري أذ بالباب يرن و أقوم أروح أفتحه و لقيت العجب العجاب!!!!!
صديقي الزول عصمان لقيت معه رمح و سيف و حصان ((من وين جابها؟؟؟))
و حاط لي سروال أول مرة أشوفة في حياتي و يقول لي:أ أ أ أي ي ي .كيفك يا زول؟
أنا:عصمان؟؟؟؟؟؟؟
عصمان:أ أي ي.شنو مش عاجبك؟
أنا: أقلط الله يحيك!!
ماني مصدق ...هذا عصمان ما غيرة وش صار له وش صار.. فاتني شئ و أنا ما أدري؟
أنا من يوم ما شفته يتابع الزير سالم و متأثر فيهم قلت بيطلع واحد منهم.
أنا: الله يا عصمان أيش هذا؟؟؟
عصمان: أأأأي .أنت ما دريت شنوا صار؟
أنا: أيش صار خلص البترول؟
عصمان:لا يازول ألي صار أني أكتشفت حاجة مهمة!!
أنا:و وش هالحاجة؟
عصمان:ركز يازول معاي...أنت تعرف كليب دا الزول ألي متزوج الجليلة؟
أنا: أ أي ي.
عصمان:هدا يا زول طلع متزوج 2!!!
أنا:طيب و بعدين؟
عصمان:و دي التانية أصلها سودانية جابت منو ولد!!
أنا:و بعدين؟
عصمان:و هدا الولد راح السودان و تزوج 20حرمة!
أنا: ما شاء الله علي المعلومات...و بعدين؟
عصمان: و جدي يطلع خال أبو عم الولد هدا!
أنا: والله ما فاهم شئ بس بأختصار..و بعدين؟
عصمان: يعني يا أخينا كليب هدا يطلع أبويا !!!!!!
أنا: أ أه ه أبوك...قول والله؟
عصمان:فأذا تعرف يا زول كم واحد يعرف جساس دلني عليه!
أنا:أبشر بس لحظة وحدة لو سمحت!
عصمان:أنا أنتظر!
و رحت جري للوالد و أنا في بالي فكرة عبقرية...قلت للوالد البلاي ستيشن 2 رخص...و عطاني فلوس بس ما هي كثيرة... ورحت للوالدة و قلت لها أبي فلوس عطتني بس بشرط أتعشي اليوم و أخلص العشاء.
((ويــــــــن أخلص معه أذا أنا بالحيل أخلص صحن وهي تعطينا مهوب بالصحن...بالقدر))
و رحت لأخوي الكبير و الصغير و رجعت علي الزول.
أنا:أسمع يا عزيزي سمعت أن فيه واحد جدة جساس...أوديك له؟
عصمان:يا زول فينه؟
أنا:هو تراه يشتغل في محل كمبوتر!
عصمان:ما علينا وديني له!
و أروح لمحل الكمبوتر أنا و عصمان...و أقول للزول...
أنا:تشوف ذاك الواقف؟
عصمان:أأأي ي...هدا؟
أنا:شف تراني سمعت أن جساس متزوج2؟
عصمان:أأي ي.
أنا:و هالثانية هندية!
عصمان:أأي ي.
أنا:و جابت منه بنت!
عصمان:أأي ي.
أنا:و هالبنت زوجها جساس ألي هو أبوها من واحد أسمه ياقوت!
عصمان:يا حظة...أأي ي و بعدين؟
أنا:جبت منه ولد!
عصمان:أأي ي..والله يا زول ماني فاهم حاجة بس بالمختصر!
أنا:يعني هالي واقف قدامك جساس يطلع أمه!!!
عصمان:أقتله يعني؟
أنا لحظة أبأتكلم معه و نشوف!
و أروح لكومار((أسم الهندي)) و أقوله يطلع البلاي ستيشن 2 و أساله عن سعرة يرد و يقول...
كومار:شوف صديق هدا بـ2000 ريال يبغي يشتري؟
أنا:أسمع أكثر من 1000 ماني دافع!
كومار:أيس هزا كلام؟؟؟
أنا:أقول زي ما سمعت تعطينياه بألف أو ترا بيصير فيه كلام ثاني!!
كومار:أنت أيس فيه سوي؟
و ألتفت علي عصمان و أقول له يا عثمان يا عثمان((بالعربي الفصيح))...ما عطاني وجه و أقعد أصرخ و أنفخ ألين ألتفت و قال لي.
عصمان:أنت بتكلمني؟
أنا:كم فيه من عثمان؟
عصمان:أنا أسمي عصمان مو عثمان!!
أنا:كله واحد!
عصمان:لا يا أخينا أصله من يوم ما تولدت و أمي الله يخيليها تناديني عصمان!!
أنا:طيب...أسمع الهندي قاعد يحش في كليب أبوك!!!
عصمان:فكني عليه!
و صارت ملاحقة بين الهندي و عصمان و عصمان ما شاء الله تبارك الله ما غير يحجر الهندي في زاوية و الهندي ينغز يا فوق عصمان أو تحت سرواله...و الهندي قاعد يستنجدني.
كومار:صديق...صديق...أمسك هزا غوريلا!!!
أنا:أسمع بس... أفكه عنك بس لين توافق علي ألي قلته لك!!!
كومار:بلاي صتيشن 2 ألف ريال!! أنا فيه موافق!!!
أنا:ما سمعت زين...تقول أثنين ألف و ألا ألف؟
كومار:ألفين ريال!!
أنا:أجل ما دمت كذا خل هالزول يزنطك ألين ما توافق و تراني ماني مستعجل!
كومار:لا لا صديق أسمع ألف و خمسمية!!
أنا:يا عثمان و ري ما تعلق الهندي علي الجدار و تدرب عليه في الرمي بالسهم؟
عصمان:أسمي عصمان!!!!مش عثمان!!!! وبعدين دي فكرة مش بطالة!!
كومار:أسمع يا غوريلا...شوي شوي علي الفنيلة..هزا ماركة فيرازاتشي...كتير فلوس هزا!!
عصمان:أسمي عصمان...مش غوريلا...دا غوريلا يطلع ولد خالتي...نشبه بعض؟
أنا:هاه تبي ألف و ألا ترا والله لأخلي الزول يحط هالرمح في راسك!
كومار:كلاس صديق ألف ريال !!!
أنا:يا عثمان...يقولك الهندي خلني و نعطيك ميه صحن كمونية...هاه وش قلت؟
عصمان:هاه...ميه صحن...قوله ماشي يا أخينا!!!
وأشتري من السيرلانكي((ما أدري هو هندي و ألا سيرلانكي))...الجهاز و أقوله بيخليك الزول لين عشيته علي ميه صحن كمونية...وافق أخينا و أنبسط الزول عشان الميه صحن يقول حتي من فرحته راح أكلهم مع ولد عمه غوريلا((ما أدري كل شوي يقول عمة غوريلا الصين و خالة غوريلا البرازيل)).
و الحمد لله شريت ألي كنت أبيه من زمان و هذا حكايتي و علي فكرة القصة شبه حقيقية ...
يعني فيها أرانب و فيها حقيقة...يعني ألي تبون تصدقونه خذوه.
و أنشاء الجهاز راح يونس صدورنا و يخلينا متفتحين لطاعة الله و ترا هاه أوصيكم بأن ما تخلون الصلاة.
يعني لا تقولون لأمكم لين جت تقول ميدكم الصلاة الصلاة تقولون نبي نخزن في الميموري كارد و نروح.
هاه تراني قلت لكم.
و السلام عليكم و رحمة الله و بركاته.
Dragon Knight
