~~~الجن~~~ (((قصص عشتها وسمعتها بنفسي!!)))
السلام عليكم
(***يمنع منعاً باتاً دخول الخوافين!!!)
مشكلة إذا صار الجن يظهرون للبشر بشكل واضح! لكن المشكلة الحقيقية إذا كانوا يضايقونهم بشكل أوضح!! ومنها الظهور على أشكال بشر أو حيوانات (قطوة,كلب,بعير) , وأحب اذكر لكم قصص حصلت لي شخصياً وقصص سمعتها من زملاء لي!!!
_______
قطوة تتكلم وتسب!
روى لي واحد من زملائي أنه أخوه طلع من البيت معصب وماله خلق حق شيء , راح سيارته ولقى قطوة سوداء عند باب السيارة قال لها بعصبية: (وخري عن الباب الله يل*ن أمك!) ردت القطوة عليه!: (يل*، أمك أنت!!) ثمن مشت!!!
_______
تحرك السياكل بالحوش
أيام طفولتي كنت ساكن في بيت مسكون في رأس تنورة!! وما عرفت بهالحقيقة إلا بعد ما انتقلنا الخبر , أحد الأيام كنت انتظر أهلي بواسطة الدريشة حق الطابق الثاني , وتفاجأت بأنه السياكل حقتي وحقت اخواني تتحرك لحالها بحوشنا الوسيع! يمكن البعض يظن أنه الهوا اللي يحركها لكنها كانت تدور حول الحوش على كيفها! أخبرت أخوي الكبير وتأكد من المنظر بنفسه!!
_______
تساقط الكتب وهروب الخدامة!
تهاوشت مع أخوي الكبير أحد الأيام (أيام الطفولة البريئة جداً :31: ) وجا ببالي أنه الشيطان هو السبب وهو اللي خلاني أعصب وأتهاوش مع أخوي , مريت جنب الحمام وتفلت فيه وسبيت الشيطان! قعدت على كرسي الصالة بينما الخدامة كانت تكنس الصالة قدامي , وألاحظ الكتب اللي على الدرج تطيح! وكتب تتحرك!! ركضت إلا غرفتي وقفلت الباب!! وأخبرت الوالد , يوم جا اليوم اللي بعده إلا الخدامة منحاشة ما لقيناها إلا بآخر رأس تنورة :tongue2:
_______
يوميات تغسيل الأواني!!
قعدنا فترة بدون خدامة وصرت أتناوب أنا وأخواني الكبار بتغسيل الصحون بعد الوجبات إلين الله يفرجها , لمحت قطوة سوداء وأنا أغسل المواعين واقفة على الجدار اللي يفصل بيننا وبين جيراننا الله يذكرهم بالخير , أدركت على الفور أنها جني (واحد متأزم مع الجن شتتوقعون :09: ) سميت بالرحمن مرة وقفت وناظرت فيني وأسرعت بمشيتها سميت مرة ثانية طلعت مواء عالي وركضت تعوذت بالله من الشيطان الرجيم وتطيح على جهة جيراننا! أنا صار وجهي زي اللي لقى صرصور على خشمه!! ركضت أسرع من سعيد عويطه للطابق الثاني!!!
_______
ماكدونالد واللحمة الطائرة!
كنت جالس كأي شخص أمام التلفزيون وآكل ماك رويال (أفضل همبرجر على الإطلاق!!) , أظنكم تعرفون قطعة اللحم اللي تكون ما تقدر تعضها.. واللي... المهم رميتها على ورا وكملت أكلي , بعد ثواني حسيت بحاجة صدمت أذني اليمنى من ورا! وأشوف إلا نفس قطعة اللحم اللي رميتها!! وما كان بالغرفة إلا أنا بس , أقصد أنا والـ......!!!
_______
تخيل جني ينام معك بالفراش ويطلب منك تروح الجهة اليمنى من الفراش عشان توسع له زيادة!!
نمت أحد الأيام من دون ما أشغل قراءة للشيخ أحمد العجمي , قمت من النوم على همس خفيف يطلب مني أتجه لليمين عشان يرتاح! يرتاح من!! انظر الجهة اليسرى إلا جني!!! أنا ما كنت بكامل وعيي رحت يمين , ما ارتاح طلب مني أروح يسار رحت يسار , وعلى هالحالة , قلت له أزعجتنا ياخي خلنا ننام وحسيت بدفع خفيف من ظهري قمت وأصبحت واعي شوي انظر يمين.. يسار ما في أحد!! تعوذت من ابليس وشغلت القرءان وأنا انتفض من الخوف ...
_______
سألنا عن البيت المسكون اللي سكنا فيه وعشت فيه 13 سنة (كل طفولتي :02: ) وأخبرونا أنه كانت مقبرة قبل عشرات السنين! والبعض يقولون بسبب بو ناصر جارنا اللي ورا بيتنا اللي يتجمعون عنده المهابيل ويسمرون عنده كل يوم خميس!! لكن ظني الشخصي أنها أرض كانت خرابة وتوارثوها الجن!!!
الله يحميني ويحميكم من شرهم :afraid:.. شكراًًًً,,,
Re: ~~~الجن~~~ (((قصص شفتها وسمعتها بنفسي!!)))
إنت معقّد :bigeyes: :09: ..
و انا صارت لي بعض السوالف :31: بس ماحب اذكرها ..
Re: ~~~الجن~~~ (((قصص شفتها وسمعتها بنفسي!!)))
اقتباس:
المشاركة الأصلية كتبت بواسطة sonykid
إنت معقّد :bigeyes: :09: ..
و انا صارت لي بعض السوالف :31: بس ماحب اذكرها ..
ما عندك فكرة :tongue2:
Re: ~~~الجن~~~ (((قصص شفتها وسمعتها بنفسي!!)))
لوووووول 13 سنه مع الجن :bigeyes:
الله يعينك والله
انا مره وحده بس شفت جن
من زمااااااااان كان عمري ايامها 9 او 10 سنين
كنت زعلان بس ايش السبب مو متذكر
المهم رحت وقعدت ورى بيتنا
كان عندي كلب ايامها
رحت وقعدت هناك الا اشوف الكلب يقرب مني وكل شوي يقرب اكثير شوي وبيدش في فمي :P
انا قمت على طول المهم كانت وراي نافذه لغرفه فالبيت وهالغرفه نادر مايدخلونها الأهل
بس مادري حسيت ان الليت مولع وهذي غريبه
الا اشوف الستاره تتحرك واشوف شئ غريب عجيب يطل علي ويضحك
واشوف الكلب اللي قدامي يضحك بعد :bigeyes:
واحطططططططط رجلي وركض للبيت حتى اذكر طحت عند عتبه البيت :09:
وصياح عند الأهل وهم يقصون علي لاتخاف هذي اختك مب جنيه
وانا لا مودي بالصياح :p
واذكر يومها مارقدت بالليل من الخوف
وثاني يوم من الصبح شلت الكلب و رميته بفريج بعيييييد عن فريجنا
هذي هي كل السالفه
ويعطيك العافيه على الموضوع
Re: ~~~الجن~~~ (((قصص شفتها وسمعتها بنفسي!!)))
:afraid: ذكرتني ببيتنا القديم :afraid:
كنت احبه :afraid: موب ذا المهم :09:
المهم كنت دايم اسم اصوات عيال الجيران يلعبون في الحوش الساعه 2 او 3 الليل اصواتهم مثل اصواتنا واساميهم مثل اسامينا حتى مرات اروح لاخوي واقله ناديتني يقلي لا :afraid:
ودش الحمام اللي نسمع صوته ولما نفتح الباب نلقاه مصكوك
امممم اذا تذكرت شي قلته بس اضن tidus xxx يذكر اكثر مني :31:
Re: ~~~الجن~~~ (((قصص شفتها وسمعتها بنفسي!!)))
أجل الحوش اللي وراء بيتنا مسكون كل يوم اسمع صوت طبل ورقص
كل يوم عندهم زواج دامت أفراحهم
Re: ~~~الجن~~~ (((قصص شفتها وسمعتها بنفسي!!)))
اللهم أسكنهم مساكنهم :)
بس الحين انت اخوي مفروض يكون عندك خبره في التعامل مع الجن :09:
يعني ماتخاف منهم :biggthump
13 سنه والله معاناه الله يكون بعونك اخوي
تحياتي ياغالي :ciao:
Re: ~~~الجن~~~ (((قصص شفتها وسمعتها بنفسي!!)))
انا قريت المومضوع:
طبعا انا ماصدق انا اي واحد شاف جن :33: لان الي يقدر اشوفهم لازم اكون ايمانه قوي.
اذا تبي تعرف ان المكان الي قاعد فيه انت فيه جن ولا لا (بتحس برعشة) . اهم قليل الي يشكلون على شكل قطاوه
لان قالك اذا سمعت نباح كلب لازم تتعوذبالله من الشيطان الرجيم...لانه شاف شيطان ...والحمار بعد لانه شاف يني
انا ماقدر اقول ان الجني مايشكل على قطو فيه بس قليل.
لازم مانخاف منهم ,لان (الي اخاف من خلق من مخلوقات الله له عذاب شديد يوم القيامة والعياذ بالله) لانك ماخفت من الي احق من الخوف منه ..مثال(يعني ماتخاف من الله وتخاف من الجن) أستغفر الله
لازم يااخوان نقوي ايمانه بالله
عليكم بالاذكار
وذا ماتبون تقولون الاذكار..اقرو بس (اية الكرسي ,والمعوذات) عن الاقل يعني.
ولاالاه الا الله
Re: ~~~الجن~~~ (((قصص شفتها وسمعتها بنفسي!!)))
الله يقاكم ...اسم الله عليكم... انتو سميتو بس ؟ :31:
ياخي عشنا ثلاث ارباع اعمارنا بالصمان... و ما شفنا كتب تلعب و قطاوه تتكلم و حمير تطير... مافي غير ابو تريك :p هذا شنب!
و بعدين ترى زود الروعه وسوسه... اذكرو الله الواحد ينخرش قلبه جذي... آمنا بالجن و لله الحمد... لكن بينا و بينهم حجاب ياخي يعني مو اي شي يصير معناته جن...
انا شخصيا بيوم كنت بنام و باللحظه اللي غفيت فيها سمعت صوت عند الكبت... الا واحد قبال الجام واقف و يمشط و فاتح باب الكتب و يقلب بملابسي اللي فيه! مثل اللي يتخير و يتنقى بالدشاديش و البدلات :tongue2: لكن ما يمديني انصدم من الموقف الا كل شي راح و مثل اللي وعيت... و الله رجعت نمت و لا حطيت فبالي انه جن و لا شي... حلم... و لو اني لما صحيت و استرجعت انخرش قلبي... بس تداركت الموقف و اقنعت نفسي انه فعلا خيال... لانه جد ما كان غير هالشي :09:
Re: ~~~الجن~~~ (((قصص شفتها وسمعتها بنفسي!!)))
:tongue2: كووول ! وينكم عن هوليوود ... new film : demons path :tongue2:
Re: ~~~الجن~~~ (((قصص شفتها وسمعتها بنفسي!!)))
ولد البوكواره/ اذكر مرة أيام كنا بحائل قاعد أخرع بولد خالتي (أصغر مني) وأقول له أنه حايل مسكونه والجن مليانين فيها وزي هالكلام , المهم أنا اتفقت مع أخوي يطلع من عند باب الصالة اللي حنا قاعدين فيها ويمشي ويطلع أصوات ثمن يفتح الباب بقوة وهو مقفل , وسوينا هالحركة وينقز لغرفته من الخوف :D , وإلي يومك الحين يخاف يدخل الأماكن بالليل :09:
deadman9002/ مشكلة إذا البيت تحبه :02: كل ما أمر من عند بيتنا القديم أ..... :02: :02:
نيو ايرفين/ قل لهم بلاك بوكس يقول الله يديم الأفراح.. لوووووووول :tongue2:
الهكر السعودي/ اللي يعيش في بيت مسكون يحصل له حاجة من ثنيتين: 1-يصير موسوس. , 2-يمسك الجني مع رقبته. :reporter: والظاهر أني بالوسط :afraid:
المدهش/ بالفعل أستاذ الدين حقنا قال نفس الكلام إذا كان فيه جني حولك بتحس برعشة كأنه واحد شطف جنبك , كلامك كله صحيح مية بالمية.. مشكور على الرد :)
Tidus/ ماعرف شيء عن الصمان بس دور يمكن تلقى صراصير تسولف ولا أي شيء ثاني.. وبالنسبة لسالفتك زين أنك اعتبرته خيال ولا كان علوم :tongue2:
FARES15/ بطولة بلاك بوكس وإخراج فارس :09:
Re: ~~~الجن~~~ (((قصص شفتها وسمعتها بنفسي!!)))
قبل 3 شهور بالساعة 11 بالليل
كنت تعبان ورحت على سرير غرفتي
لون المصباح اخضر>>>اللي اشغله عشان انام وانا مرتاح:p
في ذيك الليله ما رمت انام عدل
اقلب نفسي يمين يسار ما اقدر
قلت لنفسي اسدح نفسك على بطنك:p
يالله سويناها
لما انسدحت كان وجهي ناحيه ممممم وش يسمونه؟المهم مقدمه السرير:D
كان جزء من الضوء الاخضر طبعا يسير عليه
ولا اشوف الشيء اللي تمنيت ما اشوفه:p
انعكس الضوء على شيء يمشي بالغرفه:D
ووجع:bigeyes:
حرمة تمشي بالغرفه؟
قمت من السرير
الف يمين يسار محد بالغرفه؟
قلت لنفسي ذي اختي ضيعت شيء بالغرفه يمكن
طلعت من الغرفه
اقول اختي ، ليش دخلتي الغرفه؟
اختي:اليوم الصبح؟ما دشيت
انا:لا مو اليوم الصبح ، الحين
اختي:هاه؟محد جاء غرفتك من انت دخلت فيها من نص ساعة ، شفيك اخوي:D ؟>>>وطبعا راسي احتاس:D
Re: ~~~الجن~~~ (((قصص شفتها وسمعتها بنفسي!!)))
اسمح لي بس فيه كثير من كلامك غير منطقي .. ما اقولها بدافع الاتهام جزافا .. لكن هذه حركات ما تصير الا لو كان البيت ما يقرأ فيه قرآن ابدا ..
ما اتكلم بدون منطق .. لاني انا نفسي عشت 8 سنين من عمري في اخر الخرج في مزرعة يوم اني صغير .. وكان في البيت جن لكن مسلمين .. عائلة واحدة وكانت لهم غرفة دايم ينامون ويجلسون فيها لذا ما كنا نروح لها دائما ..
حصلت مواقف لكن الحمد لله ربي ستر ولأنهم مسلمين ماهم حقين أذية .. لكن كنا نشوف خيالاتهم مرات ونسمع اصوات لكن انهم يجون يطيحون كتب ويرمون لحم ومدري كيف .. قوية شوي .. ياحبذا لو تحترم عقلية القاريء العربي :tongue2:
تحياتي لك
Re: ~~~الجن~~~ (((قصص شفتها وسمعتها بنفسي!!)))
اقتباس:
المشاركة الأصلية كتبت بواسطة الكونت دراكولا
اسمح لي بس فيه كثير من كلامك غير منطقي .. ما اقولها بدافع الاتهام جزافا .. لكن هذه حركات ما تصير الا لو كان البيت ما يقرأ فيه قرآن ابدا ..
ما اتكلم بدون منطق .. لاني انا نفسي عشت 8 سنين من عمري في اخر الخرج في مزرعة يوم اني صغير .. وكان في البيت جن لكن مسلمين .. عائلة واحدة وكانت لهم غرفة دايم ينامون ويجلسون فيها لذا ما كنا نروح لها دائما ..
حصلت مواقف لكن الحمد لله ربي ستر ولأنهم مسلمين ماهم حقين أذية .. لكن كنا نشوف خيالاتهم مرات ونسمع اصوات لكن انهم يجون يطيحون كتب ويرمون لحم ومدري كيف .. قوية شوي .. ياحبذا لو تحترم عقلية القاريء العربي :tongue2:
تحياتي لك
أنا ما راح أترجاك تصدقني :blackeye: , لكن أحد مشايخة راس تنورة (أبو يعقوب-الله يطول بعمره) دخل البيت وتحدث مع الجن وأخبروه أننا نضايقهم وهم بدورهم يضايقونا! وبتصدق ولا لا هالشيء راجع لك طبعاً.. لكن كل اللي قلته حدث حقيقة! , وعن إذا كان البيت ما ينقري فيه القرآن سمعت عن كذا أنا.. لكن الحمد لله (وما أحب أمدح نفسي) البيت كله محافظ.. لا وأكبر جامع براس تنورة جنبنا مسافة ثلاثمية متر تقريبا!! , أخيراً وليس آخراً أنا لو أِشك أنه كلامي ما فيه احترام لعقليات القراء كان ما كتبته :) (ما أحب أحد يكلمني بهالأسلوب.. الله لا يهينك يعني :33: )
شكراً لك على الرد :05:
Re: ~~~الجن~~~ (((قصص شفتها وسمعتها بنفسي!!)))
اااااااااااه يا شباب
والله انا صارت لي بلاوي بلاوي (بالنسبه لي بلاوي بس يمكن لغيري ولا شئ)
جاتني حاله استمرت لشهر على ايام ورا بعض يعني كل يوم كل يومين كل ثلاثه تيجي
كنت قبل ما انا دايم اقرا قرآن ولكن جتني فترة كنت ما اقرى شئ
يعني انام بدون شئ
المهم
والحاله هي عبارة عن انه احس شئ يجي ويكتمني من صدري لدرجه اني ما اقدر اتتتتتتتتتتلكم نهائيا ابي اذكر ربي ما اقدر ابدا ابدا
ولكن حصلت لي حاله تقريبا من 3 شهور وهي انه شئ بالفعل مسك في يدي وانا نص نايم وقاعد يسحبني للناحيه الثانيه من السرير علشان اطيح لدرجه اني اتمسك بالمفرش حق السرير وقمت من النوم وبالفعل المفرش كله متلعوز.
الله يعيننا بس ما ادري هل هو جن ولا لا بس الله يجيرنا منهم.
وسالفه ثانيه صارت لخويي وهي انه قبل ما ينام كان حاط ال mp3 player وعلى اغنيه going under وهي لفرقة روك (وللمعلوميه اغلب مغنيين الروك تكون اغانيهم لعبده الشياطين هذا على حسب علمي) فحس انه في شئ مسك بيده طووووول اليل ولين ما صحا من النوم والجهاز كان شغال.
بس حبينا نشارك بكم شئ صار لنا:)
سلالالام
