عرض للطباعة
السلام عليكم ورحمه الله وبركاته
انا شاب مقدم على زواج .. ومحدد مبلغ بحدود تقريبا خمسين الف لشراء سياره جديده
بس محتار وش اشتري .. ابي شي عملي ويعيش وبنفس الوقت مايفشلنا قدام المدام:biggthump
بعض الشباب نصحوني بابيكا من شفروليه وبعضهم قال سوناتا
ابي اشوف رايكم تكفووون محتاج نصيحتكم لاتردوني
وجزاكم الله خير
مرحبا اخوي....
اولا مبروك الزواج وعقبال العيال..
ثانيا السياره اللي تكد وتعيش وشكلها حلو وماتفشلك قدام المدام وسعرها حلو اللي هي CAMRY
فيه لها عدة انواع ...
XLI>>>EXCUTIVE
XLI>>>JOUNIOUR
XLI>>>LIMETED
GLI>>>NORMAL
GLI>>>LIMITED
GRANDY
وهذي نصيحتي لك ...
بالنسبه للابيكا تراها صناعه امريكيه وراح تبتلش ببعض الخرابات المختفيه عند الكامري
والسوناتا صناعه كوريه يعني لا تفكر ابدا...
تحياتي
انا انصحك اخوي بالمازدا 6 او 3 الجديده
والله المواصفات خياليه والقوه ما يحتاج والسعر كويس الوصيانه تمام (اقصد الوكاله) وتعيش ولا تخرب (اسأل مجرب)
ولو تزود الميزانيه شوي وتاخذ ميركوري جراند ماركيز فراح تكون تمام لانها سياره فخمه وسعرها كويس وقويه وتعيش
وعندك خيارات كثيره بس من 60 الف وانت طالع مثل الكابرس والفكتوريا والافلون والاكورد وغيرها كثييير
اما الابيكا فابعد عنها شكل بشع ومكينه خرطي
والسوناتا كوري يعني ابعد ابعد
اما الكامري هي حلوه بس ما خربها الا الشبهات والمفحطين يعني ................. (لاتعليق)
ونسينا نقول الف الف الف مبرووووك
تقدر تشتري ب 50 الف سياره وارد مثل مرسيدس او بى ام ... احسن من السيارات القواطي بسعر رخيص وكشخه .......
AMG
من شفتك حاط صوره X5 ومكتوب AMG قلت ماهذا؟؟ مسبك ام مستعبط؟؟
حنا ياطويل العمر بعرعر يعني اكثر دوله عربيه فيها مرسيدس....صحيح ان المرسيدس يعيش بس تتوهق من قلب..
تحياتي ;)
أهلين حياك الله اخوي
بالنسبه لي - انا مريت بنفس الحاله اللي انت فيها الان وهي اختيار السياره وبميزانيه لاتزيد عن 50 الف ريال
طبعا الخيارات اللي جاتني كثيره
منها الصني والكورولا والسوناتا والجالانت ووووووو الخ
طبعا انا فكرت ودرست الموضوع جيدا
وبعد التمحيص في الموضوع والتفكير وقبل هذا كله الاستخاره
دبرت حوالي عشرة الاف و أخترت كامري جي ال 2004 ومن المعارض وليس من الوكاله لأن سعرها ارخص من الوكاله
طبعا السياره حلوه وتتحمل الكرف والسفر واقتصاديه وقويه وقطعها متوفره ورخيصه وتمسك سعرها
واركز على تمسك سعرها
عندي جي ال من شهر
وابعد عن الخيارات الاخرى
بلا سوناتا بلا ابيكا
ابيكا هذي سياره ؟
:)
بالتوفيق
السلام عليكم ......... :ciao: .. الف مبروك مقدما اخوي ......... :jester: ....
راي انك لا تتسرع وطالما انك محدد الميزانيه في سيارات كثيره بس اهم شي الصيانه بعد اليبيع .....
عندك الابيكا ممتازه وان جربتها وماعليها كلام .... و تمشي الحال ...وسعر رخيص وعندك اهوينداي
سعر رخيص ... وعندك البيجو 307 والكرولا و الكامري لها سمع ممتازه بس انصحك بانك لا تسافر فيها
لانها للبلد ممتازه اكثر .. و المونديو فورد و الفوكس و والهندا سيفيك والاكورد وغيرها كثير وعليك
يا اخي الكريم ان تفكر اكثر حيث انك داخل على ازواج وانصحك بانك تاخذ المتسوبيشي ماجنا افظل واقوى
وتصلح للسفر لانها 6 سلندر بس تزود المبلغ شوي 3الى 4 الاف رايل .... او تمشي حالك بالابيكا ...
.اوفرلك...........واتمنالك التوفيق ............... :ciao: :jester: :biggthump
انصحك ياخوي انك تاخذ الابيكا :biggthump
واذا ما بغيت الابيكا عندك الماليبو ( اذا كان موجود ) واكبر دليل واحد من الربع عنده الماليبو مصفعنه تصفيع والا الحين ما
شاف اي خراب معه غير الاشياء البسيطه وصار له 4سنوات وياه(ما شاء الله)
واذا ما موجود الماليبو معكم فخذلك الفورد مونديو او سوبارو ليجاسي ;)
وانصحك باستبعاد السوناتا لانه كله خراب :tongue2:
وابارك لك بالزواج وللسياره الي بتاخذها والله يهنيكك وياهه :)
سلام :ciao:
50 الف كاش ولا اقساط؟
إذا كاش بتحصل كثير سيارات جيدة في المعارض احسن لك من الوكالة