مبلوع ياولدي مبلوع ..

مقالة للتاريخ وللتاريخ فقط ..

إذا تمنيت الخسارة لأي فريق هذه الأيام فقل له : ((عساك بالقلعة)) !! ، وإذا ا تمنيت المزيد وأضمرت له السقوط الكلي فقل : ((قلعة تقلعك انت وهوه )) !! ، أما إذا كنت من النوع الرحيم .. الرقيق .. العطوف الجانب مع المنافسين .. فاكتف فقط بمزحة من العيار الثقيل وقل له : ((فيك التماسيح)) !! .

بصراحة .. ( القلعة ) هذان اليومان مكان مناسب لتصوير أحد أفلام (هيتشكوك) المرعبة (وتمساح) الأيام الأخيرة هو تمساح (( أليط )) جداً .. لا يلتهم أي شئ .. ولا ( يقربع ) أي حاجة ..

هو تمساح يغسل ضحاياه أولاً .. ثم يعصرهم .. ثم ينشرهم على الحبال .. ثم ((يكويهم كوي)) .. ثم يبلعهم في النهاية (ويزلطهم) بأكمامهم ، وأزاريرهم ، وياقاتهم ، ولا تهمه مسألة (الخامه) حرير أم بوليستر .. مفصل أو جاهز .. Small أو Bigsaize فكله (( مبلوع يا ولدي مبلوع ))!!

ماهذا يا أهلي .. ؟

((((( خمسة ))))) في الهلال مرة واحدة !!

ايش .. ؟ لا يوجد فريق ، ايش .. ؟ روجيرو يلعب لوحده ؟! ، ايش ..؟ العبدلي مآخذها ( طلعة بر )؟! ، وحسين الذهبي قلبها (كونكان) ؟! ، وكيم سواها (أكل حبش) على شواطئ (الريودي) ؟!

أقول : الله يستر

عاصم

حلوة المقالة :biggthump

و تعجبني يواد

اقتباس:

---

المشاركة الأصلية كتبت بواسطة abademax

مقالة ..

ماهذا يا أهلي .. ؟

((((( خمسة ))))) في الهلال مرة واحدة !!

أقول : الله يستر

عاصم

---

اهم مافي الموضع هذه الجملة:

خمسة !! في الهلال مرة وحدة

لاحظ الاستغراب وكانه شي لايصدق شي خيالي


كبير ياهلال حتى في سقطاتك



والمقال نشر في اخر صفحة في عالم الرياضة

لكن استغرب ان ينشر من كاتب صحفي اللي المفروض يكون ارقى من كذا في كتاباته

اذا كان هذا صحفي وكاتب ويقول ياقاتهم وزلطهم ويغسلهم وينشرهم ويكويهم كوي

اش بقى لعيال الحارة ؟!!!

صح انه فوز كبير بس لا يكبر راسكم :)

اقتباس:

---

المشاركة الأصلية كتبت بواسطة bader52

صح انه فوز كبير بس لا يكبر راسكم :)

---

الاختبارات قربت.. :)

ما عندك مذاكره؟؟؟

مقال حلو

واحلى شي

ايش .. ؟ لا يوجد فريق ، ايش .. ؟ روجيرو يلعب لوحده ؟! ، ايش ..؟ العبدلي مآخذها ( طلعة بر )؟! ، وحسين الذهبي قلبها (كونكان) ؟! ، وكيم سواها (أكل حبش) على شواطئ (الريودي) ؟!

شكر لك يا عبادي على نقل المقال