وانا قاعد اصلح الشريط ناظرت قدام ولا دريت الا وانا مشمع في لكسز قدامي والله وانزل من السيارة بسرعة واروح اشوف الددسن والحمد لله ماجاه شي والله وينزل من اللكسز ذاك الخكري اللي وجهه كله مكياج ومحني شعره وانا اللي ازقطه
قلت له بنفخة وش في امك انت ما اتشوف بغيت تعدم علي الموتر
وهو اللي يخق ولا فتح فمه باي كلمة...
قلت المهم جاك شي انت وجهك...
قال لا بس خرعتني...
قلت ايييييه طيب تبي شي...
والله ويشوف سيارته من ورا والا هي معدومه <<<< ( دخلت ام الشنطه عنده داخل في المرتبه اللي ورا)...
ويوم انه شافها وهو يصيح ذيك الصيحة آآآآآآآآآآآآآآآآآآآآآآآآآآآآه خربت سيارتي يا عربجي يا داشر يا اعزوبي<<<< ما ادري وش تبي ذي الاخيره http://www.eqla3.com/vb/images/smilies/confused.gif ...
قلت اقول على تبن بس...
قال تبي تنحاش يا وسخ...
المسكين ضرب على الوتر الحساس من دون لا يدري <<<<< (وش اللي ما يدري كل شي واضح)....
هو قال وصخ بس.... وانا اسدحه وأفك الشماغ واربطه بيدينه وارجوله تقل اني مربطلي عجل واشقله وانطل أمينه في الحوض واقعد افحط وانطل به وهو يختض فالحوض الى ان صفى راسه http://www.eqla3.com/vb/images/smilies/icon120.gif والله اوقف قبل لا تجي الدورية
ويوم جاء العسكري سأل وش فيه
قلت ابد هالرجال هذا راعي هالتيوتا هذي رجع علي وصدمني وانا متنازل عنه ما ابي منه شي الله يسامحه ...
والخكري ساكت http://www.eqla3.com/vb/images/smilies/redface.gif ما تكلم الا لما سأله العسكري عن اسمه ومن زين ذاك الراس اسمه حسام ......
العسكري ما قصر وخلاني اروح بعد ما اخذ رقم التامين.
قلت طيب ماشي ...
والله ويكلم خاله ابو أيمن… (يا خي هالناس عليهم اسامي مهند وحسام وايمن لو بحلف انهم ما قد سمعوا عن الاسامي الحلوة مثل ادغيم والياس<<<< كلك تراب)...
قال خاله ابو ايمن خلاص بس هو ييقي احسن علشان يختار العربية اللي هو عايزها وانا ما اكونشي مسؤول عن أي حاقة بس انا حزبط اموره هناك ...
الخال ابو ايمن<<<<< اما عاد ذاك يطلع خالي...
المصري قالي على المبلغ واقتنعت ورحت للمعارض وبعت الددسن .. واخذت الحمام وبيّعتهن ... وشقلت ام عزبة البر وبعتها في الحراج
وبعد كذا رحت لأبو حصة وطلبته الميتين اللي كنت مسلفه...
قالي وشعندك هما حنا متفقين بعد سنتين ارجعها...
قلت اسمع يا ابو حصة الضروف تغيرت وانا رجال ابسافر...
قال قدام اسمع القطة لحال وحق اللي بالي بالك خارج القطة.. هذي على حدة وهذي على حدة يا حبيبي ...
قلت له وش قطته الله يبلاك تدري وين ابروح انت وراسك...
قال وين؟ ..
قلت ابروح لامريكيا عندي شغل هناك .... (على فكره انا نطقتها كذا علشان يعرفها ذا الدلخ لان في ناس متخلفين للحين ينطقونها زي كذا بس انا ماني منهم) ...
قال الله اكبر يا كوفي عنان ...
قلت ترى ابفقع وجهك انت وتشبيهاتك انا بروح اشتريلي كابرس وابرجع حتى ماني مطول ...
والله وعطاني الميتين ابو حصة ما قصر...
قلت توصي بشي يا الثور...
قال ايه جب لي معك شراب من هناك http://www.eqla3.com/vb/images/smili...of%20pbeer.gif ...
قلت وش شرابه انت ووجهك...
قال يا حبيبي جب أي شي بس اذا حصل انترتيكا تمام...
قلت اقول خلك على اللي يقطعونه عبيد الغالة احسنلك تراهم يشخون فيه بعد...
قال اسمع لا اوصيك خذ معك دخان ترا دخانهم حطب ...
قلت والله الحطب شنبك انت وضرسك ذا اللي جالس لحاله http://www.eqla3.com/vb/images/smilies/nerd.gif على بالك اتوصي الحين...
والله واطلع من ابو حصة وعلى البيت اخذ الشنطة وجوازي واحجز
