شخصيتج حسب شنطتج

النساء أنواع وكل نوع لها شخصيتها الخاصة المنعكسة على شنطتها
سواء كانوا بنات ولا حريم ولا عيايز
نبدأ بالبنات اولا:


الملتزمه المستقيمه/


عادة حجم شنطتها متوسطه اوكبيره ويكون فيها قرآ ن وكتاب (حصن المسلم)
ويمكن موبايل و غالبا مايكون فيها مكياج ونوته صغيره وقلم وشريط
ولا شريطين محاضرات واعلانات عن المحاضرات00

الطفوليه/


يعني عقلها خفيف (مطفوقه )تكون الشنطه متروسه حلاو وبطاط تقول فاتحه بقاله
ومشط وشباصات ملونه وقراطيس الحلاو ومنظره ومشط ومرطب شفايف يعني حوووووووسه00

الدلوعه/


جميع انواع المكياج في الشنطه اللي له داعي واللي ماله داعي
والمشط والموبايل والمنظره والعطر والعلج والنظاره الشمسيه والبوك لازم طقم
مع الشنطه و مناديل عشان العرق مايخرب المكياج وتعلق الشنطه وتكون
لازقه فيها وحبل الشنطه
لازق فيها جنه احد بيبوقها 00


الصايعه/


اكيد فيه مكياج لا مو اكيد إلا ضروري عشان إذا راحت السوق كل ربع ساعه
تروح للحمام تتمكيج وتجّيك عليه ولازم يكون معها عطراذا تعطرت منه تشم ريحته ولو كنت في المريخ ومعاها موبايلها الاصلي وبطاقة سوا خاص للمعاكسات وطبعا
اهلها مايدرون وأماكن خاصه لاوراق المعاكسات ومو غريبه اذا كانت هي
ترقم الشباب وقلم جاف ورق صغير للمعاكسات ويكون معاها باكيت زقاير وولاعة00
الاشياء المشتركه(العطر ، الروج ، المناديل ،المنظره )

الحريم/


معاها شنطتين شنطة للياهل وفيها رضاعة و حفاظة وحليب و ماي
واكل في علب فوق بعضها
والشنطة الثانيةمالتها هي وين ولون ملابسها وين والموبايل طقة زمان والمنظره
مكسوره ولا ملطخه بالحمره والمشط فيه شعر ماشالته له سنه واوراق فيها طبخات واذا ماكفت شنطة الورع حطت عندها0

العجايز/


هذولي معاهم حبوب السكر وحبوب للظغط وللكوليسترول وحبوب بنادول ودهن فازلين وكحل قديم اللي يشوفه يحسبه تحفه ومناديل ملففه والفلوس تطبقها
تطبقها تطبقها تطبقها تطبقها تطبقها تطبقها لين تصير مثل اعواد الجبريت ولا جنها براشيم لاو تحطها في مخباتها وهي معاها شنطه ، سبحان الله00


تحياااااااااااااااااااتي





منقووووووول

اختي الموضوع وايد حلو الظاهر انج كويتية والاحلى طبعا بالموضوع كلامج لانج كويتية مو مجاملة لاني اموووووووووووووووووووووووووووووووووت بالكويت واهلها

اختج:مجنونة الكومارو(المهمومة)

مشكورة يا أخت مجنونه على الرد
والله يخليج وأنتى وأهلج

لوووول :jester:

و إلي ما تحب تشيل جنطة :tongue2: ...

اللى ما تشيل جنطة ,
إنسانة خفيفة ادم و لديها أكثر من شخصيه :cool: