عرض للطباعة
السلام عليكم انا مبسوط أني لقيت منتدى يهتم بالاكس بوكس لأني سمعت عنه كثيييير ونويت اشتري واحد بس المشكلة انا ما عندي خبره عنه يعني غشيييييييم انصحوني وش اسوي يعني عطوني وش افضل نوع وكيف اعرف جودة الجهاز كل شي تعرفونه قولولي عنه لاتخبون عني شي
واهم شي يشغل منسوخ مانبي اصلي محنا قده
وانا سمعت من واحد ان في اكس بوكس يشغل العاب بلايستيشن هل صحيح كلامه ولا لا وآآآآآآآآسف على الاطاااله وسلااااااااامتكم
و عليكم السلام أخوي هلا
بالنسبة للإكس بوكس فشهادتنا فيه مجروحة , أقدر أقول إنه أفضل جهاز من حيث الألعاب و الرسومات , ألعابه الحصرية كثيرة جداً , و رسومات ألعابه جبارة و راح تذهلك.
الجهاز إذا تبي تشتريه أنا أنصحك تشتري الجهاز الأمريكي NTSC U/C لأنه أفضل من الاوروبي و الياباني و طبعاً مثل ما إنت عارف إن الشركة المصممة للجهاز أمريكية 100% ألا و هي ميكروسوفت و بالنسبة لمواصفات الجهاز و خاصةً قطعة الكوبي:
- الجهاز أنصحك تاخذه Made in Mexico يعني نفس الجهاز اللي عندي , جهاز الإكس بوكس منتج في مصانع عدة اللي أعرفهم مصنع في المكسيك و مصنع في هنغاريا , مثل ما قلتلك خذ Made in Mexico
- التطويرة , أنصحك تاخذ تطوير تلقب بالـ Switch و هي و بكل إختصار أفضل و أذكى تطويرة و تشغل جميع الألعاب , إذا حبيت تلعب بألعاب الكوبي تشب التطويرة على الـ ON و تلعب بجميع ألعاب الكوبي أو النسخ , و إذا حبيت تلعب ألعاب اللايف و لازم تكون أصلية لأنك إذا حاولت تدش اللايف عن طريق المنسوخ , ميكروسوفت سوف تعطل جهازك (مرة حصلتلي^^) تطفي التطويرة على الـ OFF علشان تبطل مفعول التطويرة و تلعب بدون لا ميكروسوفت تحس.
- بالنسبة للديسك درايفر هناك ثلاثة أنواع , الديسك درايف = يسوي مشغل الدسكات , هناك نوع من شركة فيليبس , و هناك نوع ثومبسون , و فيه سامسنونج , أنا أنصحك تأخذ من هالأنواع (سامسونج , هيتاشي , فيليبس) أما ثومبسون فلا تاخذه لأنه فيه أغلاط , أعتقد إنه ثومبسون ميكروسوفت شالته من السوق لأنه يجرح الدسكات.
- ملاحظة أخيرة , أنصحك تاخذ اليدة الصغيرة الملقبة بـ Controller S , هذي اليدة مشابهة ليدة البلاي ستيشن 2 و هي أصلية من شركة ميكروسوفت , أعتقد إنه نسخ الإكس بوكس الجديدة موجودة فيها هاليدة.
نجي للألعاب , فيه ألعاب كثير حلوة على الأكس بوكس و أنا أنصحك تاخذ هذولي مع الجهاز:
1- HALO : إذا أخذت جهاز الإكس بوكس فلازم عليك تاخذ هاللعبة , لعبة تصويب من الدرجة الأولى و أقدر أقول عنها إنها لعبة الإكس بوكس الأولى.
2- Ninja Gaiden : هذي اللعبة راح تنسيك لعبة ديفل ماي كراي (لعبة الأكشن الأولى في البلاي ستيشن 2 طبعاً تعرفها إنت) , ننجا جايدن لعبة أكشن من الدرجة الأولى و طويلة أنا خلصتها بـ 34 ساعة من أول مرة , مليئة بالأسرار و فيها ثلاث مستويات صعوبة و رسوماتها راح تبهرك بشكل لا يصدق خاصةً بعد المهمة الثالثة^^ , أعتقد إنها راح تعجبك كثير و على فكرة اللعبة ترى صعبة جداً.
3- Splinter Cell 2 : Pandora Tomorrow : تعتبر أفضل لعبة تجسس على الإكس بوكس , هي راح تنزل على البلاي ستيشن 2 لكن نسخة الاكس بوكس أفضل و نزلت من زمان من شهر 3 تقريباً و أنصحك تشتريها لأنها رائعة بكل ما للكلمة من معنى.
4- Dead or Alive 3 : غنية عن التعريف , أفضل لعبة قتال في العالم , أكيد إنت تعرفها.
5- JET SET RADIO FUTURE : لعبة خطيرة , مليئة بالمهمات هي و بكل إختصار لعبة تزلج و رش بخاخات و رسم على الجدران , أنصحك تاخذها , خلصتها بـ 15 ساعة.
6- PROJECT GOTHAM RACING 2 : لعبة سيارات غاية في الروعة , لعبة رسومات السيارات اللي فيها غير طبيعية , و فيها خاصية جميلة و هي تقدر تحمل أغانيك المفضلة في اللعبة , يعني تلعب بسيارتك المفضلة و تسمع أغنيتك المفضلة , اللعبة فيها أفضل السيارات في العالم , و اللعبة تقدر تفحط فيها إلى أن تمل.
.
.
.
.
.
إلخ
و باقي الالعاب إنت حاول تختار بنفسك لأنه فيه ألعاب رائعة كثيرة.....تحياتي Cube_Lover^^