طلعتي للبر مع خكارية التحلية .. محزنة . ههههههههههه
قصتي مع شباب خكاريا طالع(ن) بهم للبر
((وطبعا كل يعرف وش تعني كلمة خكا وللي ما يعرفون هذولا ناس الياي والباي واللي يبي يشوف عينه منهم يروح لشارع التحلية في الرياض ))
--------------------
السالفه:
مرت(ن) من المرات وفي يوم من ايام الـ week end << ما تحسون اني تأثرت بكلامهم
طلعنا للبر مجموعة شباب وطبعا دوري انا مثل ما تقولون مرشد سياحي يعني مطلع ناس اول مره يشوفون شي اسمه بر
ويوم تواعدنا عند مخرج 5 الساعة 10 الصبح وانا مسنتر هناك من 9 ويوم جت الساعة 12 وقف قدامي اسكاليد وجيب الطوارق وانا من سياراتهم عرفتهم وكل واحد خشته تقول فلبيني مع كثر النوم
لا والمشكلة معهم سواقينهم ( والله النشبه ) وحاولت انقزهم معي في هايلوكس موديل 81 كفرات خط وعجزت قلت مهب مشكلة وانا اللي انزل الاغراض واحملها في جيوبهم وبالطق والهواش اقنعتهم
اننا نروح بدون سواقينهم عاد انا ما صدقت خبر طمرت للطوارق وانا اللي اعشقه بنمره وامسك الدايري 180 ابطلع اللي في راسي منقهر من ذا الهايلوكس حده الثالث ويتفتف
وانا اللي التفت عيهم ولا كل واحد وده يصيح والحمد لله وصلنا الثمامه بسلامه وانا اللي اروح بهم للمطار نبي ندخل في شبكه عشان لو انحاشوا يردهم الشبك عاد خبركم خكا ما فيه امل ينقزون
وصاروا مسكرين البوابه بسيارتين من الامن الخاص ويوم شافوا الموقف ذا الخكا قاموا يزاعقون ( ارهابيين ارهابيين ) وانا اللي انشب بهم ما سكتوا الا عند طعوس التحدي يوم شافوا ناس مثل طقتهم
ووقفنا جنب الخط نبي نطق الخيمه ولاحضوا جنب الخط وانا اللي اصفهم تقول في الروضة كل واحد يمسك زاويه يوم دريت ولا الاعمده تقرقع على راسي وانفلقت 3 فلقات عاد قلت ما ينشره عليهم
كل واحد يقول ثقيله "ياي" ماقدر اتحمل قلت منتب كفوا خيمه انتم واطق لهم الرواق ( الذرى) عن الهوا وقلت نزلوا القز والقدر وباقي العده وحموا الزيت فيما اقطع البصل والطماط
وكل واحد فاق(ن) كشرته ما يدري وش السالفة قلت الغداء الغداء عاد توهم يفهمون وراحوا للسياره قلت زين انهم فهموا وجوني كل واحد معه غداه اللي معه كود والثانيه برجر كنج والثالث من مطعم بكين
قلت الله يلعن اللي يطلع بكم يا مهبل عاد انا صلحت لي مرقة بصل وطماط تاكل اصابعك وراها وانا عيوني عليهم كل واحد معه ببسي طول البعير << امحق تشبيه .. وبعد ما تغدينا قلت نبي قهوه
وقال واحد ايه انا ابي موكا فرابي وواحد يقول ابي كابتشينو قلت ايه يقولون ان وسط النفود فيه ستار بوكس ود.كيف عاد صدقوا ذا المهبل المهم ضفينا عفشنا ومشينا ورحت بهم لطعوس القصمان شافوا
دباب بانشي وقالوا " ياي في التحليه عندنا مثله " وانهبلوا يوم شافوا الهايلوكسات تندح على الطعوس قلت لهم لو انكم مخلينا نجي بالهلي ان كان سويت بكم مثلهم ومشينا متجهين للرياض الشمس بدت تغيب
خبركم ما طلعنا الا 12 من الرياض ورحت بهم مع طريق الجنادرية ( الفروسيه ) والله واشوف ناس متجمعين قلت بس هذولا موكب تفحيط واصفط على جنب وننزل وقعدنا على صدام السياره وجا واحد يكبس ونطل على الموكب وتناحشوا ربعي
قلت والله النشبه وش بيجمعهم ذولي وطبت حكومه قمت ودقيت سلف وانحشت وهم راحوا للدوريه ياقلك يبي يبلغون وبعد خمس دقايق جاك راعي الدورية يمشي 160 على الكتف وهو منقزهم ورا وانا اللي اضحك عليهم واقول هذا اللي ما يطيع مدرسه يالسرابيت
ويوم جا من بكره رحت للقسم ابطلعهم بكفاله لقيت كل واحد مطلعه ابوه قلت بس ابلقاهم في التحليه واروح والقاهم مع سواقينهم يقالك هذا التأديب اللي جاهم من اهلهم والى يومكم هذا وانا معي الجيب ومرسم به كل يوم في شارع.
تحيااااااااااااااتي
زابزا.
