وش السالفة ليه آخرتها طلعت كذا؟ (موضوع نقاش)

السلام عليكم

كيف حالكم شباب عساكم بخير؟ :)

أنا عندي سالفة مع لعبتين جديدة على الـPS2.....الي هم Hitman:Contracts و Onimusha 3

هاذي اللعبتين قهرتني مرة....و السبب هو السهولة الي فيها

أذكر أن Hitman 2 كان فيه شوي حماس لأنه كان عنده مراحل تخليك لازم تفكر و تخطط و لا تقدر بس تطلق على الناس مع المسدس و تخلص المرحلة

أما Hitman:Contracts.....أول شي اللعبة قصيرة مرة (خلصتها في نص يوم ) و ثاني شي اللعبة ما فيها تخطيط خير شر.....تقدر تخلص كل مرحلة عن طريق قتل الناس بالمسدس و ما يحتاج لا تفكير و لا تجسس و لا شي.....بس طلق على الناس لين ما توصل أهدافك و انتهى الموضوع.أظنهم ما ركزوا على انتاج هاذي اللعبة مثل ما ركزوا على الجزء الثاني.

أما Onimusha 3 أدري أنها لعبة ممتازة و أفضل Onimusha نزل الى الآن و لكن يعتبر عندي أسهل Onimusha......بالذات الرئيس الأخير ذبحته من أول مرة و هاذي السهولة أثرت على متعة اللعبة.

و الآن جاء دوركم شباب.....وش رأيكم توافقون معي و الا لا؟ و أيش هي أسباب عدم موافقتكم؟

مشكورين

وسلام...

انا للحين ما لعبتهم بس حاس فيك لان اغلب الالعاب صايرة سهلة
بس عندي تحليل بسيط يمكن انت صرت محترف زيادة عن اللزوم :D
لهالسبب تشوف الالعاب كلها سهلة !

انا مستغرب اخوي الو كارد وايد اعضاء يقولون نفس الكلام و يقولون اونيموشا 3 اسهل من 2 مع اني ناوي اشتري اونيموشا 3 (للحين ماشريتها بسبب الامتحانات:12: ) و الاخ كيوب لفر يقول نفس الكلام.

مشكورين شباب على ردودكم جزاكم الله خير

Veeto

تسلم ياخوي على كلامك و تحليلك الطيب....يمكن كلامك صح والله ما تدري بس أنا ما أبغى أتحدث عن مهاراتي في الألعاب و أقول أني محترف لأني ما أحب أطنز على الناس :D

Jak7


Onimusha 3 يستاهل تشتريه أصلي بس مشكلته هو أن السهولة الي فيه راح يخرب المزاج و يخليك تحس كأنك ضيعت فلوسك....فنصيحتي لك لو تبغى تشتريه أصلي أنك ما تشتريه لحاله يعني اشتري لعبة ثانية معاه.....والا أقول اشتريه كوبي مرة وحدة و ارتاح و لا تخاف أنا الي عندي كوبي و هو 100% مضبوط بس تأكد أنه DVD طبعا

و بالتوفيق انشالله في الامتحانات......أنا في الجامعة و خلصنا من يوم الثلاثاء الي فات للمعلومية (الرجاء عدم أخذ الكلام من باب التطنيز :D )

أهلين اخوي ..

بالنسبة للعبة Hitman:Contracts .. بالعكس اللعبة تعطيك حرية الإختيار بين أن تصبح قاتل متخفي محترف ..أو قاتل متهور يقتل كل من في طريقه ليصل إلى هدفه .. وذلك بناء على أسلوبك في العب ..وطريقتك في انهاء المرحلة راح تحدد تقديرك وتصنيفك بين القتلة بعد كل مهمة ..

واللعبة الي تعطيك أكثر من طريقة في انهاء المهمات أفضل طبعاً من اللعبة الي تلزمك في طريقة واحدة فقط لانهاء المهمات .. تبى تخلي اللعبة أكشن X أكشن وتخلصها بسرعة أو تلعبها محاولاً عدم كشف وجودك طوال المهمة وتقتل بصمت .. الخيار يرجع للاعب ..

أما أونيموشا 3 .. فأتفق معك في أن الزعيم الأخير نوعاً ما أسهل من الزعيم الأخير الموجود في الجزء الثاني .. لكن مستوى الصعوبة في اللعبة بشكل عام أنا ما أشوف أي فرق بينه وبين الأجزاء السابقة ..كلهم نفس المستوى تقريباً ..

هلا أخوي msm شخبارك؟ زمان والله :)

مشكور على رأيك و ما تقصر....صحيح كلامك عن الاختيارات في Hitman:Contracts بس لسه في مشكلة سهولة اللعبة أكثر بكثير من الجزء الثاني و اللعبة قصيــــــــرة مرة...الجزء الثاني أطول منه بمرتين (ما أبغى أتكلم عن مهمات اللعبة لأنها راح تفضح القصة للشباب الي ما لعبوها).....و آخر نقطة هي أن اللعبة مخيبة للأمل بالنسبة للشباب الي أعجبهم الجزء الثاني.....انشالله لو في جزء رابع (شبه مأكد) راح يكون أفضل من هذا الجزء

وسلام...

في الحقيقة أنا لم أجرب أي جزء سابق من السلسلة عدا هذا الجزء .. لذا أسلوبه جديد علي وأعجبني شخصياً ..وبصراحة ما أقدر أحكم ان كان الأفضل بين أجزاء السلسلة أو لا .. لكن كلعبة مستقلة وأسلوب لعب فهو ممتاز في نظري ..

وأبشرك ان الجزء الرابع قادم رسمياً :D .. حيث تم الإعلان عنه قبل صدور الجزء الثالث أصلاً .. وعلى ما أذكر ان الموعد المحدد له هو في 2005 ..

أنصحك ياخوي أنك تجرب الجزء الثاني لأنه أمتع من الثالث في كل شي و فيها قصة مو مثل الجزء هذا الي بس يلقطون مهمات من ماضي 47 و قصته أي كلام

و بالنسبة لنزول الجزء الرابع فأنا تذكرت أني قرأت عنه في Gamespot بس حبيت أتأكد و هذا هو السبب أني كتبت في ردي الأخير (شبه مأكد) :D

مشكور على كل حال

وسلام....

أنا ما لعبت هيت مان الجديدة للأسف لكن ناوي ألعبها قريب انشاء الله

أما بالنسبة لأنموشا3 بصراحة هذا الجزء أفضل أجزاء أنموشا خاصتا العروض السينمائية و العرض الأول راااااااائع جدا

بس خاب ضني بصراحه خلصت اللعبة بثلاث أيام بس ما أدري اذا كان سهولة اللعبة أو يمكن تعودت على اللعبة لأني لعبت الجزئين السابقين و خلصتها لكن أظن ان السبب الأول هو الصحيح فاللعبة حسيت انها قصيرة و سهلة و كان ودي ألعبها وقت أكثر

أنا خاب أملي بالذات في نهاية اللعبة العرض ما في حماس و لا شي...فقط نهاية الشخصية من المستقبل مأثرة و ممتعة (بدون تفضيح القصة) لكن النهاية الأخيرة ما لها داعي بالعربي كذا :D

أفضل نهاية للعبة Onimusha هي بدون مناقشة نهاية الجزء الأول

مشكور على مشاركتك ياخوي

وسلام...