ارجوا مساعدتي في ايجاد هذي القصيده (ياهووووه ابيهااااااااااا)

بسم الله الرحمن الرحيم




قرأت قبل سنه صقاقه فيها قصيدتين الاولى للشاعر حمود البغيلي
وهي
طايرات وصواريخ
والثانيه رد لقصيدة البغيلي
وانا ابي القصيده الثانيه واللي اذكره منها
ماني ولد امير وماني ولد شيخ انا راس مالي معاشي (البيت مكسر ابو ابوه لاني مو ذاكره زين:D :D :D :D :D :D )
القصيده تراها من خمس الى سته ابيات
انشالله فيه احد قرا هذي القصيده
وانشالله يعطيني خبر :biggthump :biggthump :biggthump
واظن تراني اظن ان الشاعر اللي قايلها الطريقي

شاكرين حسن تعاونكم

تحياتي الحاره لكم :ciao: :ciao: :ciao: :ciao:
:ciao: :ciao: :ciao:

صقاقه=قصاصه


معليش على الخطأ المطبعي


تحياتي

السَّلام عليكم ..


هذي القصيدة الأولى للبغيلي..
الغرب يصنع طائرات وصواريخ ... والشرق الاوسط ضاع نفطه بلاشي
حطوا لهم في صفحة العلم تاريخ ...وحــــنا بماضينا نعيد النقــــــــاشي
من عقب ماكنا جبال شواميـــــخ .. .صرنا تحــــــت حكم الاجانب ولاشي
شي يدوخ الراس تدويـــــــــــــخ... وشلون عقب الحر حــــــام الفراشي
اقولها والقلب اقوى من الصيخ ...متى نشوف الحق في الارض ماشي
لاني ولد تاجر ولاني ولد شيـــخ ...انا فقير وراس مـــــــالي معــــاشي

وهذا الرد،

يابن البغيلي للعـــــــرب بعد تـــاريخ... من قمه لقمه كلام وتمــــــــــاشي
شف هالجرايد كلها صورة الشــــيخ... والشيـخ مايسوى خسارة فلاشــي
واعلام شاطر في عروض المفاصيخ....والحر يكفــخ بين مرشي وراشـي
والا شباب من العوايد مســــــــــاليخ ... والا بنات للــــــــنصارى تماشــي
للي يقول الحق ياحمود تكفيــــــــــخ... وللي يقول الزور عز ومعاشــــــي
ارهابي اللي ينصر الدين ياشيــــــخ... والا اليهودي ياخذ ارض وكاشـــي
خلك بشعر المدح مدح الشواميـــــخ ... اللي معاركهم بكاس وفراشـــــــي
حناالعرب مابين كوره وبطيــــــــــخ... في كل ملعب تلتقينا نفاشــــــــــــــي
بننتصر ياحمود بالطاخ والطيــــــخ...كم الف مطرب سوقهم بانتعاشــــــــي
بافلامنا بنوصل الصوت للمريــــخ... وببشوتنا بنصد قصف الاباتشــــــــي
بالرقص نقدر نكتب احلى تواريــخ...مادام صرنا بين خاين وواشــــــــــــي
واموالنا ترجع علينا صواريــــــخ... وجروحنا تنزف ولا فيه شاشــــــــــي
هيا تعال نوجه لبوش توبيـــــــــخ ... ليه العرب يابوش عندك مواشـــــــي
ونحذرك يابوش يكفيك تلطيـــــــخ... لاتحسب ان الدم ضاع ببلاشـــــــــــي
حكامنا يابوش شلة مداليــــــــــخ... لكن يجونك ساكنين العشاشــــــــــــي
ناس تسمع صوتها للمصاميــــخ...ناس تموت اعراضها ماتناشــــــــــــي
يابوش صبرك لين تلقى المطانيخ... اللي يردون الذيابه كباشــــــــــــــــي
اهل الفعل يسقونك الرد زرنيخ ... اللي مع الله لازمين المماشــــــــــــــي

ماادري،هو هذا المطلوب وألا غيره!؟.. :)