خلاص طفح الكيل ، لابد من حل لحال المنتدى

السلام عليكم :
اخيرا راح فيوز الصبر من مخي
واللي كان مانعني اني اكتب موضوع هني
وانا كنت حاط موضوع قبل في الشكاوى ولم اجد تجاوب
فقررت احطه في عقر دار المنتدى
اولا وصلة ذاك الموضوع

حال منتدى الننتندو المزرية هل من حل ؟

ثانيا :
الرجاء قرائة الموضوع السابق وراح اضيف شوي من عندي

هذة الأيام في اعضاء فعلا مصخوها وهي ماصخها
لازم كل يوم موضوعين (( ابي بوكيون فاير ريد او ليف جرين ))
كل يوم لازم ..... غير ان هذة المواضيع مخالفة تحت موضوعهم نفس الموضوع وفيه وصلة اللعبة ؟؟؟
ليش جذي ؟ يعني هل سقط الموضوع من اعينهم ؟

واللي يحط لك اسم موضوع غريب والداخل ماله علاقة فيه
واللي يبي مساعدة مع اني مليت وانا اقول فيه موضوع مساعدات لكن لا حياة لمن لا تنادي
وانا متأكد ان هذول اللي يسوون جذي انانيين بس يبون شغلهم ويمشون ولا احترام لقوانين المنتدى ولا هم يحزنون
وبعض المواضيع العامة اللي احس انا بدت تطلع من اطار (( منتدى الننتندو وتصير ترفيهية )) واغلبها احتمالية يصير فيها شات
وموضوع استعراض صور
واخر يدش موضوع من العصر الحجري ويرد لك رد تحس انه ماله قيمة واللي يدل على عقيلته المبدعة
ولا اللي قهرني اكثر واحد يكتب موضوع ويقول ان مكانه غلط ولازم تنقلونه لأني ما اعرف اكتب هناك ((( شرايكم بالعذر :أفكر: ))
والثاني يقول لك باركوا لي انا سويت كذا (( شرايكم بالموضوع ؟ ))

وفيه اشياء لكن ما ادري عنها ....
هذا انا اللي لاحظته
ولازم وضع قوانين صارمة تكرار مثل هذة المواضيع لا يدرعه اغلاق او مسح بل ايقاف للعضو ....
ولا تقولون لي حرام نوقفه وتتسامحون معاه اذا تسامحتوا معاه يتمرد ...

ملاحظة لمحبي البوكيمون
ترا انا حاط موضوع رسمي لبوكيمون
فالرجاء الرجاء كل الإستفسارات هناك
الموضوع الرسمي : pokemon fire red & green leaf

همممم .. المشكلة هي غياب اغلب الأعضاء وانتشار هالمواضيع المخالفة ..
لو كان فيه احد يكتب ماكان شفتوا هالمواضيع المخالفه ..
(طبعاً مع عدم تجاهل الكُتاب القليلن الآن ^^)
لكن محد يكتب اذاً المواضيع المخالفة بتطغى على مواضيع المنتدى @@ ..

بمعنى ثاني .. كمية المواضيع المخالفة حالياً كنا نراها طول السنه لكن مع قلة المواضيع الهادفة حالياً وانشغال الاعضاء طغت المواضيع المخالفة علي باقي مواضيع المنتدى ..

وبخصوص الأسئلة والمحاكيات هذة ما تكفيها موضوع واحد او اثنين .. بل يجب ان يكون لهم منتدى خاص لا تظهر مواضيعه على الواجهة .. وهذا اللي احنا مفكرين فيه حالياً .. لكن المشرفين غايبين وننتظر رجوعهم ..

اقتباس:

---

هذة الأيام في اعضاء فعلا مصخوها وهي ماصخها
لازم كل يوم موضوعين (( ابي بوكيون فاير ريد او ليف جرين ))
كل يوم لازم ..... غير ان هذة المواضيع مخالفة تحت موضوعهم نفس الموضوع وفيه وصلة اللعبة ؟؟؟
ليش جذي ؟ يعني هل سقط الموضوع من اعينهم ؟

---

اقتباس:

---

والثاني يقول لك باركوا لي انا سويت كذا (( شرايكم بالموضوع ؟ ))

---

هذة المواضيع كلها المفروض يكون مكانها منتدى البوكيمون .. اللي تم الغائه من زمان ..
انا كنت ضد فكرة الغائه لكن الكل وافق -__- ..

اقتباس:

---

وبعض المواضيع العامة اللي احس انا بدت تطلع من اطار (( منتدى الننتندو وتصير ترفيهية )) واغلبها احتمالية يصير فيها شات

---

المنتدى ليس موقع اخباري للفيديو جيمز ينقل آخر الاخبار والتقارير وفقط ! .. بجذيه حولنا فكرة المنتدى الى موقع اخباري (كجيمز فور اراب وجيم ماستر) لكن مع بعض الملاحظات بالردود :أفكر:
كونا نشارك في منتدى يجب ان تكون المواضيع متنوعه ومتعلقه بالمنتدى نفسه .. يعني اي شي له علاقة بنينتندو بكون مكانه منتدى النينتندو ..
لو مثلاً موضوع المسابقات انتقل لمنتدى الترفيهي .. تتوقع بتجاوبون مع الموضوع ؟ وهو بالأصل كله عن شخصيات نينتندو .. اللي المفروض نكون احنا اعلم فيهم ! .. وحالياً احنا في عطلة الصيف يعني مواضيع مثل هذة بتكون ممتعه :)

< هذة وجهة نظري في الموضوع ..



واخيراً
شكراً لطرحك للموضوع ^^ .. اتمنى اني القى آراء وتفاعل من باقي الاعضاء

والله مادري وش اقولك ، المنتدى يسد النفس..... حاليا ادخل عشان ارد وانشط شوي ، لكن محد معي الا 2 او 3..... طفشت ماكو فايده

ومايكرهني الا هذي المواضيع حقت بوكيمون والمساعدات الي تكرر يوم ورى الثاني.... آآآخ بس لو اعرف وش اسوي عشان تنفتح نفسي للمنتدى :31:

السلام عليكم :

انا قلت ان احد يعلق على نقطة المواضيع العامة وكنت باحط شرح لكن

المهم
انا مو قصدي لا تحطون مواضيع عامة وترفيهية
لكن مو يخرج عن الإطار المسموح فيه
يعني بحدود المعقول
عموما هذة النقطة ليست الأهم بل الأقل اهمية لأن ضررها اقل شيئ او معدوم لكن حبيت انوه عشان ما يصير موضوع صور او شات

عموما نرجع
Golden_Sun : فعلا غياب الكتاب واضح (( انا اكثرهم :jester: )) والمشكلة ان اول ما بدت العطلة وانا محسوب مع الربع بس رايح وراد ...وسوبر روبوت ام اكس وميجامان كلوكشن وقريبا 4 هذول يمنعوني من الكتابة من المنتدى
واتفق معاك بالمحاكيات لكن منتدى خاص بها لا اوافق لأن بالأخير راح ينسى واعتقد يكتفى بموضوع واحد للمحاكيات والرومز
وبسالفة منتدى البوكيمون
منو قال انه بروجعه راح يخف بالعكس راح يزيد ويغطي على الكل
ونفس السالفة راح يكون الموضوع مخالف
لأن قبل كان فيه دوري وما ادري شنو خرابيط وما ادري شنو

وبالنسبة حق المواضيع العامة رديت فوق ^^ بس حبيت انبه عشان ما يصير شات وهذول
ما قلت امنعوا

واريو :

فعلا يسد النفس وللأسف هذول المواضيع المخالفة
وشكرا على رأيك الكريم

ارجوا التفاعل وايجاد حل للمشكلة

فعلا حالة المنتدى مزرية للغاية :(

و انا بصراحة كرهت منتدى الجيم بوي من هذي المواضيع
اريد لعبة بوكيمون
انا اصطدت البوكيمون الفلاني
كيف اقدر اصطاد البوكيمون الفلاني؟
ما هي افضل خمس العاب؟

يعني بصراحة المفروض تكون هناك قوانين صارمة جدا و اي واحد يخالفها يتوقف على طول
ما كان في داعي يقفلو منتدى البوكيمون !

و يجب وضع موضع خاص لهذه الطلبات و الاستفسارات التي جعلت المنتدى ممل جدا

و بالنسبة لمواضيع الترفيه فلا مانع منها لو كانت داخل اطار الننتندو و شخصياتها

و يجب ان يقومو بوضع موضوع خاص للطلبات في كل قسم من المنتدى
و يجب توعيت الاعضاء الجدد بالقوانين , لأن معضم من يقوم بكتابة هذه المواضيع هم اعضاء جدد لا يعرفون القوانين


اتمنى ايضا ان كل الاعضاء الي عرفتهم الي كانو يكتبو مواضيع ممتازة و اخبار جديدة اول بأول ان يعودو من السفر قريبا بالسلامة و يتحفوننا بمواضيعهم الرائعة :)

شكرا جزيلا لك لطرحك الموضوع


تحياتي

اقتباس:

---

واخر يدش موضوع من العصر الحجري ويرد لك رد تحس انه ماله قيمة واللي يدل على عقيلته المبدعة

---

معظم الاعضاء الجدد اللي يسوون كذا..^^
واكثر شئ بقصد زيادة عدد المشاركات.. :أفكر:

والمشكلة ايضا الحين النقص في المراقبين..

واصحاب مواضيع الاسئلة اذا محد رد عليهم بيسوون موضوع جديد!!

شيء يحير فعلا..

كل واحد متمسك برايه ,,

وبالنهايه يكون للمراقب العام رأي آخر ,,


شبعنا من هالمواضيع مع احترامي لك يا دارك لنك ,, غيرك كثير كتبوا مواضيع من هالنوع وما نفع ,,

لازم قبل كل شيء يكون فيه اهتمام من المشرف العام عالموقع ,, وبعدين يصير الف خير ,, (( عشان يصير في احد يسمع الاقتراحات مو معقوله اقتراحات بالهوى))