يا شباب وش رأيكم بالربع؟؟؟

السلام عليكم

ماتلاحظون البشرية ذي اليومين طاحوا في الربع الصراحة هو معجبني جداً خاصة


اذا غبرته وحطيت جنوط لكزس وكفرات معرضه

هذا رأي بس الناس في الاذواق مذاهب

واترككم مع بعض الصور له

مع احترامي الشديد اللي يشتريه دلخ

ادفع 80 الف على الصندوق ذا والمشكلة شكله له 30 سنة ماتغير ومن جوا خياس حتى المكيف اختياري الظاهر
ومايشتريه الا الطعوس او حق بران بس

السلام عليكم


و الله شف أنا ناوي أشتريه صراحه مثل ما قال داون تاون لكن لكل واحد عشقه

داون تاون أنا ما أحب السيارات مثل الومينا وطقتها ألا على شان مكينتها تعطيك لكن مثل الومينا أذا كنت دايم تزر عليها أنواع الخرابات تجيك خاصه أذا كنت من ذوي الرجل الحاره و أسأل مجرب :)

لكن الربع على قولك صندوق لكن له هيبه و قوي بالنفد يعطيك يرقا الصعب و ديق خشوم الصحارى لو تركب له هدرز يا سلالام و بعدين أنا عندي الربع مصنوع للفجر(يعني تفجر مكينته لحد يفهم غلط) أنا هذا رأي

ملاحظه:سعر الربع الحين طق ال92 ألف (الله يعين الوالد) ;)

مراحب

شف حبيبي اذا كنت من عشاق البران فهو الموتر الاطلق على الاطلاق
يعني اشتره واشتر موتر ثاني للمدينة :cool:

بس ياخي غالبيتهم شايفين ان موترهم يطرح الكورفيت
ترا عزمه من جنبها

الزبدة انه حق بران وبسسسسس

السلام عليكم


صح لسانك لكن أخذ سياره لديره وسياره للبر ونا توي طالب :أفكر:


:p يطرح الكورفت أجل أشوا أن الغماره مشطب عليه :)

اول شي مهب انت اللي تقووول عن الواحد دلخ اذا اشترى ربع :mad:


انا معي ربع الحمدالله لا خرابات ولا غيره وانا اطعس به مركب يعني هدرز ومروحه وفلتر والحمدالله ما خالف معي..

وللديره وش فيه الجيب ان كااانك تقووول ياااااااااي يكسر ظهري فهو ترااه للرجال مهب ل..........


والرسول صلى الله عليه وسلم قال (( اخشوشنوا))


يعني الله الله بالخشونه


واما قيمته الغاليه فهي عشان مكينته وقيره ومحركاته..


مهب لومينا تفقعه ثم ثاني يوووم تطلع اصوواااات

لا وتررااااه يعطيك بالعزم يطلع على المكسيما بالقومه ..

وهذا اللي حبيت اقوووله

ولولا الاذواااااق لبارت السلع

سبا سيبا :ciao:

يابو الحين اللي معه ربع يصير رجال والباقين خكارية

وبعدين الصراحة الراحة فيه خصوصا المراتب ماتفرق عن ركوب الحمار
يعني اللي معه 90 الف وش يبي بموتر مافيه الا مسجل ومكيف والظاهر الحزام اختياري بعد

وبالنسبة للعزم كان معي كابريس ltz 2001 والله ياني غبرت على راعين ربع بالريوس والحين معي ss 2004 والله اني اصل لبيتي وانت توك ماحطيته بالثاني

الربع قوة في البران زي ماقلت من اول

ولاتزعل يارجال :)

من قال اللي مامعه ربع يصير خكري ؟؟

اجل تقووول حمار ((شرط انك ماعمرك ركبت حمار)) :31:

اجل مغبر عليهن بالريوس .. (( الصراحه قوووويه بالريووس :33: ))

بعدين وش اللي قاهرك انت والله مو غصب تشتري ربع اذا كان بهالقيمه ومو عاجبك..

بعدين الجيب مهو للشارع للرمال.. (( جب ال ltz اللي تقول للبر وانا مستعد اهبل بك وانا ماشبكت الدبل ))

تراااي قلت مكسيما مو ltz على فكره :ciao:

اهم شي الربع احسن من السياره الصغيره وبس..

الربع يمشي بالديره وبالبر اما الصغيره بس بالديره :tongue2: :tongue2:

واهم شي مايكون بالخواطر شي

سبا سيبا:ciao:

السلام عليكم

ياbad to the bone كم موديل جيبك و بكم ركبت الهدرز و الفلتر يضر السياره ولا لا وش نوع الفلتر
و قد قاومت بالدبل

وعليكم السلام :ciao:

موديل الجيب 2002 والهدرز مركبه ب 850 والفلتر امريكي k,n والمروحه مروحة شروكي جراند.


وبالنسبه للقومات بصراحه قليل اشبك الدبل اصلا دايم اقاوم بلا دبل بس ترى الجيب معروفه قومته ماهي بسيطه..

وبالنسبه للفلتر هل هو يضر او لا .. هذا يعتمد على الشخص اللي مركبه ونوعية الفلتر..

اذا كان الفلتر اصلي مايدخل غبار وتراب وتنظفه كل عقب طلعه وان حصل تلبسه شرابه اضمن لك يعني . . انشاء الله انه ما راح يضر

وارجو انك تسوي لي اضافه بالماسنجر nas777say@hotmail.com


سبا سيبا :ciao:

مافيه مثل الربع للبر والديره

اسالني عندنا واحد والله انا مافيه احسن منه

الربع للقصمان بس

ممكن مداخلة

انا اشهد ان الربع سيارة والفلوس فيه ماهي خسارة لانه اول شي
تحس انه حديد صح. وبكره اذا صدمت لا تشيل همه شل هم السياره الثانيه
يعني لو تصدمبه لومينا ماراح يتغير في الربع شي اما اللومينا يا ساتر

ثاني شي يصبر معك لو تعطيه ولد ولدك...

ثالث شي يصلح للمدينه والبران.......

اما اللومينا عكس هذي كلها

وعلى فكره تدرون وش اللي خلى الربع غالي هو جودة المواد
المصنوعة فيه.......وسلامتكم.

لقد قمت بأضافه تغطيه للهرم الكبير بأسم abo nader
في أحد المواقع الخاصه بجوب الربع(ترى ما هي دعايه للمنتدى)

يا شباب الربع يمشي في الارض والجو والبحر الارض انا مشيت فيه والجو ايضاً لكن البحر ولد اخوي مشا عليه


ترا الجو نطيت من طعس والبحر شق وادي فيه مويه
واخوي الهدرز مركبه ب850 في هنا يركبونه ب600 واسمع صوته لا مشى

والي يقول الغمارة تقوم عليه بدري عليك بدري
انا شايف بعيني هاليكس يقوم على ماكس اجل كيف الريع

بعدين الراحه وما الراحه

غير مراتبة اذا كنت تبي الراحه
واصلا احسن شي في المناقز الي جوا

وتحياتي ابو نورة

(( اخشوشنوا)
هذي ماقاله الرسول صلى الله عليه وسلم
قاله عمر بن خطاب رضي الله عنه
والله يجزاكم خير




:ciao: