Montada.com's Second Annual Contest

السلام عليكم و رحمة الله و بركاته! :ciao:

بصراحه ترددت أول شيء, بس بعدين قلت يا بنت حطيها و على الله :D ما أطول عليكم, الموضوع باين من عنوانه, هذي المسابقه الموسميه الثانيه لمنتدى المنتدى و الهدف منها هو أيجاد الحب و السلام.. قصدي نعنشه منتدى الرسم أشوي و شغل أوقات فراغ الأعضاء بخرابيط أكثر :D (فاضيين أنتوا صح؟ )
في الحقيقه, المفروض الأخت اللطيفه هانا سن هي الي تفتح الموضوع, بس أني ما لقيتها, علشان كذا قلت أكيد البنت مشغوله و لا شيء و الموضوع ما يستدعي كل هالشكليات ^^ صح هانا؟ :bigeyes:
الموضوع, للي ما شافوا المسابقه الي قبل, هو أنك ترسم رسمه واحده فقط لموضوع المسابقه اللي أهو بالأنجليزي الملامح العامه أو الـ Theme . ==> ماعرفت الكلمه بالعربي, أنقذوني @@

يعني مثلاً, أنا بأطلب أول theme للمسابقه الأولى هالصيف, و الرسام اللي يبي يشارك, يشارك برسمه واحده تعبر عن هذا الـ.. Theme ^^

طبعاً بدايةّ أنا باكون الحكم و أنا أقرر مين الي رسمته فائزه. هو المفروض يكون فيه ثلاثة حكام بس شنسوي @@ أحد يبي يساعدني؟
و لما يفوز أحد الرسامين, تلقائياً يصير الحكم و يصير بمقدوره أنه يحدد شنهو الـ Theme الجاي ^^

شروط المسابقه: :dancing2:
1. أن تتقيد بالشريعه الأسلاميه (لا تخافون يا مراقبين ^^)
2. أن تشارك برسمه واحده فقط لا غير. يحق لك أستعمال جميع طرق الرسم, سواء على الجهاز أو بالطرق التقليديه. و عندما تريد أن تشارك بأكثر من رسمه عليك أن تحدد ما هي الرسمه التي سوف تلغى و ما هي التي سوف تشارك بها (يعني ممنوع الغش :cool: )
3. أن تتقيد بنتيجة التحكيم.
4. على العضو الفائز أن يختار أسلوب الرسم القادم وعليه أن يكون حكماً. لا يمكن للحكم المشاركه في المسابقه التي حددها هو إلا بعد أن يسمح أحد الأعضاء الغير مشاركين بأخذ مكانه. وعند أنتهاء المسابقه يستطيع المشاركه مره أخرى.
5. تنتهي مدة المسابقه الواحده بعد سبعة أيام من تحديد الموضوع, و يمكن تمديد المده لأسبوع آخر إذا لم تكف المشاركات.

أوف, عسى ما أكون مصختها بس @@ عشان كذا ما أحب القوانين >_<
المهم, المسابقة الأولى راح تبدأ إن شاء الله, جهزوا أقلامكم و دفاتركم و يللا حلوا الواجب.. قصدي استعدوا للرسم!
التاريخ: طعش, اليوم: الفلاني. الماده: تعبير. الموضوع: عبري عن فصل الصيف
أخخ, يا زينها من أيام :D .. موضوعنا اليوم عن الصيف و شناوي تسوي فيه (للفاضيين زيي الي ما عندهم كورسات و لا تسجيل جامعات و لا شيء @@ قاعده تقرين ماي؟ ) مو لازم يعني تكون على البحر و تسبح و لا تقول ذهبنا إلى كورنيش جده و رأيتو الدلافينا الجاميله. بس أرسم شيء تسويه عادة في الصيف ^^
أتمنى أكون توفقت في أختيار الموضوع, ويللا وروني مشاركاتكم يا رسامين أنتوا! :naughty2:

:wow: أخخ, لحظه, نسيت أن السالفه لازم فيها جوائز....

:bigeyes: أي أقتراحات؟ <== الطفاقه و ما تسوي :blackeye:

الله...الصيف...انا كنت ارسم رسمة و قربت اخلصها ^_^... بشارك فيها ^_^
و عن الجوائز... خلها تكون مثل الجوائز الجديمة..صورة فيها المركز عشان التوقيع ^_^

اخيرا بدت المسابقة الثانية... حلوة المقدمة.. عجبتني^^ باخليج مقدمة مواضيع في المنتدى :biggthump

متشوق للمشاركة :biglaugh:

هممممم :33:

بشارك معكم :jester: ........لازم فكرة جهنمية (مين عارف, يمكن أربح) :33:
سلام

أهلين شباب, ماي ماي شاهين ساما و ريري تشان! ^^

بعد مداولات مع الحكم (أنا) قررت أني أزيد شوي على القوانين, لا تخافون مو شروط ثانويه عامه ^^

**راح يتم تمديد المسابقه الواحده لمدة أسبوعين و ليس أسبوع واحد أسوة بالمسابقه السابقه @@ <== يا ذي الفشيله
** سوف يكون هناك ثلاثه فائزين. مركز أول و ثاني و ثالث. بس للحين ما قررت شنهي الجائزه >_<

ياااااااااااااااااااااااااتا ...خلصت ^_^
المفرض الحين تتحمسون :cool:

اقتباس:

---

المشاركة الأصلية كتبت بواسطة mai_arumashi

ياااااااااااااااااااااااااتا ...خلصت ^_^
المفرض الحين تتحمسون :cool:

---

الله يا ماي (شمممممممممممم) جاتني ريحة البحر!! ^^ بس مو مفوزتج عشان كذا :vereymad: بلا واسطات. لازم نشوف بقية المتسابقين. و بعدين توقعتج بترسمين بطيخ على أساس أنه فاكهه صيفيه ^^ فهمتي قصدى؟

يللا عاد تحمسوا أشوي :D المسابقه هذي تنتهي يوم 29 الشهر هذا الموافق 16\7 أنجليزي ^^

يلا لجنة التحكيم بانتظار الرسوم .. :tongue2:

موفقين جميعا .. ان شاء الله نشوف منكم الابداعات من أناملكم الذهبية كما تعودنا منكم .. :)

كوول أختي ماي .. تحمستي أكثر من اللزوم .. هههههههه .. اقصد ان الرسمة ممتازة و من أروع ما يكون .. احسنتي .. :biggthump

سلام شباب :ciao:
واو ماي :wow: , الرسمة جمييييييلة وألوانها مبالغة !!!

ليش مافي مشتركين؟ :( ما عجبتهم المسابقة؟؟ على أي حال أنا خلصت رسمتي (مع انها لا تدل على أي صيف) ...المهم..
ان شاء الله تعجبكم!

أخيراً قدرت أفتح المنتدى @@ ول!
أحمم.. أهلين نيو سيد ^^ ودك تصير حكم معاي؟ <== :D

ريري شفت الرسمه ما شاء الله عليك ^_~ وينك من زمان؟؟!!

إن شاء الله يشاركون ناس أكثر :ciao:

مو معقول..كتبت رد طوووويل و ما طلع..اهيء اهيء..*ما عليه فى الاعادة افاده*
ريري..رسمتج فيها ايس كريم و بحر...هذا الصيف بعينه ^_^
و الفكرة فريده من نوعها *اوريجنال خالص*
حبيت اليد..ياريت اقدر ارسم مثلها و لو مرة وحده ^_^

شو هذا بس مشاركتين..*اسفه على الي بقوله...* كسالى!

ماااااي & رييييييري :ciao: .. هلاااااااا

رسوماتكم للصيييييييف راااااائعة .. أنا لا زلت أرسم فيها لسه ماخلصت :09:


ما شاء الله عليييكم ..

:18:

أهلين ميسي!
شكرا جزيلا على الرد الجميل و في انتظار مشاركتش على أحر من الجمر :D

سلام! :jester: