سنة 20 حياة... سنة ثالثة كليه... و......... سنة اولى ابتدائي نظارة !!

السلاااااام عليكم ورحمة الله وبركاته..



اما بعد..



يشرفنا دعوه سموكم الكريم الى موضوعي المتواضع:blackeye:



خبركم كح كح من زمان عن المواضيع..



هذا اذ تبقى احد من الاعضاء الي يعرفوني:tongue2:





والموضوع باين من عنوانه..



احم احم



لقد اصبحت من شله (ام اربع عيون):22:



نعم... لقد دخلت هذي الاله الغريبه اللاصقه على عيناي الى حياتي متطفله ومقضعه مضجعي..

واصبحت على قوله ميمي " كانك ذولاك الي كذا " وتمثل انها مساكه كتاب وتروح وتجي فيه وراسها غايص في الكتاب

يعني دافورة..يس دافورة:hmpf:


دعوني احكي الحكايه باختصار



اولا التقرير :



نرجع ست سنين ورا



ايام المتوسط



اوووووووه... اتحسر اذا شفت بنت لابسه نظاره...آآه يا نظاره يا سلام بس من لبسها



المتعذبون هم صديقاتي اصحاب النظارات..ماغير اشلح نظاراتهم والبسها وعايشه جو



كان حلم لي لو البس نظاره..



ستووووب!! خلاص وقفوا من عالم الماضي :approve:



دعوا خيالكم يشحط الى قدام..الى عالم اليوم .. يوه صار كلن معاه جوال<===وش تبين



احم عذرا لقد خرجت عن الموضوع



انا في قسم الحاسب..<==== يا هلا والله ههههه حيا الله الربع طيب؟؟؟؟:embarasse



يعني عيوني دايم بالكمبيوتر..و غير دراستي فانا احب الكمبيوتر واجد انمي , تصميم , نت.. قعده بس كذا عالفاضي



يعني الكمبيوتر عالم بالنسبه لي..



رحنا مرة محل نظارات وشفت النظارات الطبيه واي سلام رجع لي حب المراهقه ابي نظاره ودي افصل وحده دلع..



بس نظرا لعدم توفر القرنقش للعب الفاضي والدع اجلت الموضوع..



بعد شهور...

مرة في حصه البرمجه (عملي) جلست افرك عيناي (عاجبتني عيناي احس اني كشخه:tongue2: )


واذا بها تذرف الدموع



وكاني اقطع البصل..احس بحرقه شديده ...هذا غير الصداع الي رافقني قبل عده اسابيع..



(انصحكم اذا تعانون من هالاعراض الحقوا روحكم :afraid: )



وجلست صديقاتي يقلن ماذا بك ماذا بك



قلت :لا ..لآ شي عيناي تعوراني



(كاني قلبت فلم كرتون :eek13: )



المهم الزبده..



قلت لااااااااازم اروح طبيب عيون.....



رحت...



وبصراحه انصدمت.....!؟



عيوني الي الله خلقني بها سليمه معافيه فرطت فيهم..



وصار عندي قصر نظر

Short sighted they call me O-O



احسست باحباط..ولا حسيت بالنعمة الا يوم فقدتها..والي عور قلبي قال مافيه امل انها تتحسن مع النظاره ..النظاره بتحافظ على النظر فقط انه مايقصر زود ولا فيه علاج الا عمليه ليزر.....





ياااااااااااااوووووك - ____ - الحمدلله على كل حال ..تهيء تهيء.. وانا بس حاطه يدي على افمي واسمع كلامه ومنصدمه ما عمري تصورت هالشي...



المهم




وبدا مشوار اول سنه نظاره... يا ويليعلى اصحاب النظرات والله مجاهدين هههههههههه



حسيت فيهم الحين



تزهق صراحه اذا صارت دايم ..تهيء



وتعالو شوفوني اذا صار فيها وصخ وعيا يروح..اقعد اتصارع معاها

وتنتهي الجوله بانها هي تفوز وانا ارميها واقعد اصيح



ههههههه هذي اول الايام



بس عاد الحين صرت كشخه وقويه وعندي طرق مبتكره للتنظيف صرت خبره :sly:





(مع انه لسى احيانا تزهقني وتنرزفني واعصب منها-____-)



P.S:معليكم من الدع عشاني ما تعودت بس ._.

ثانيا العظه والعبرة:



لا تهملون عيونكم... يا عالم النظر السلييييم نعمة لا يحس بها الا فاقدها..تقدر تتمع بالحياه بدون نظاره..



و اما اذا فيك شي لاسمح الله فانه اذا مالبست النظاره تعورك عيونك وتصدع ولا تقدر تركز..-_____-



ولا اصعب شي بعد اذا جتك غفوة وعليك النظاره يا حرام تروح فيها تتفغص هههههه



فنصيحتي



اذا كنت مشاهد تلفزيون واجد.. مدمن كمبيوتر باي طريقه نت او تصميم الخ



رح اكشف على عيونك..مراح يضر..



احسن تلحقها والضرر خفيف قبل لا يتمكن من عيونك المسكينه



امي سفطت عيونها وراحوا فيها الحين يا عمري.... اشوى انا بحمد الله قدرت الحق عليهم عالاقل...



روحوووا لاقرب محل نظارات هههههههههههه عالاقل اطمئنوا..



او فصلوا نظارة واقيه من اشعه الكمبيوتر تصيرون تلبسونها كل ماقعدتم عليه مب حقت ضعف او قصر نظر بس وقايه والله مهمممم (انا حطيت هالواقي يونس والله)







تصدقون..



يوم رجعت متحطمه من محل النظارات.. ومنديلي بيدي عشان احفف الدموع <==لازم لقطات شاعريه :happysad:



:tongue2:



شفت اختي فلير وقعدت افكر "هي تقعد عالنت واجد ممكن يكون فيها شي:33: "




رحت قلت لها روحي افحصي يا وخيتي والله يومكن فيك شي مثلي وانتي ما تدرين



راحت؟؟؟؟؟؟!!!



وطلع عندها انحراف بالنظر !!!!!!!



وهي مب حاسه فيه اصلا؟؟لانه خفيف بس كان يمكن يزود.. والحمدلله طلع حالتها ان مع لبس النظراة بانتظام لمده 8 شهور تقدر تطيب.....







كويس......مب مثلي-__- الحمدلله عموما على كل حال......



يلا وش تبون خلاص انتهى التقرير......ههههههههه

تبون شوي من خبرتي المتواضعه؟؟

....الجريدة والنظاره....

http://www.skopelos.net/images/items/newspaper-1.jpg

اني ارى علامات استفهام

:06:

هههههههههه

مهما لفيت او رحت او جيت

فان الجريده هي اروع وسيله لتنظيف النظاره وجعلها "تلق"

لذا لا انسى دئما وضع قطعه منها في جيبي حتى لا اتوهق..

مشالله والله تخلي النظاره تلق ويطلع منها صوت طيييط من النظافه جربوها واحكموا :proud5:

(بعد ترى فوط تمسيح حقات نظارات المغربي ممتازه اصليه بس وجع انسرقت مني = __=)

--------------------------------------------------------

...احذروا هذي الموديلات...

هذي عاااااااااد من خبرة

لقد انغريت بموديلات الموضه والكشخه

واشتريت هذي النظارة

http://webpost.net/ga/ga6wah/my-glasses.jpg

http://webpost.net/ga/ga6wah/my-glasses2.jpg

(كووول هاه:tongue2: )

ههههههه والله هي من ناحيه الكشخه كشخه ولا تبان اني لابستها وتهبل

بس مب عمليه ابببببببد -_____-

انكسرت معي بكل سهوله

ومساميرها تتحلحل كل شوي اربطهم:31:

وخفيفه درجه تخوف يعني يمكن تنفعص :crazy:

خصوصا لما يهجمون علي التوأم بنات اختي ويمعطونها بيدهم

وتقعد تتشهد هالنظاره الخفيفه كالريشه :vollkomme

فاذا تبون الكشخه اشتروا وحده خلوها للعزيام ووالطلعات

اما في البيت

فانصحكم بالي لها اطار مع جميع النواحي وتكون قويه وتتحمل كثره الفصخ للوضوء وغيره

هذي نظاره فلير

http://webpost.net/ga/ga6wah/flare-glasses.jpg

كووول رايت؟؟ وش رايكم بتصويري <==وش تبين

بس نفس المشكله الي اعاني منها احذورا هالموديل

خفيف او من دون اطارات

الحين هالنظاره منكسره يا حرام هههههه تحتاج تصليح

وتعاني فلير من صداع شديد:31: تؤ تؤ

لا للنظارات الرقيقه:dot:

وبس

وسلامتكم

اتمنى افدت وشاركت اصحاب النظارات وجدانيا

ويلا عاد كل واحد يقول قصته مع النظارة اذا كان يلبس نظارة وايش موديل نظارته خلينا نسوي شلة

امهات واباء اربع عيون ههههههه

واذا عندكم خبرات اكثر قولوها تراني احتاج

لسى بيبي في عالم النظارات:baby:

لسى ما ندمجت وحبيت النظاره...انشالله بعد سنه اتعود

سلااااااام^______^

وش دعوة يا لينا نتذكرك انتي عزيزة وغالية..

بس الموضوع وش يبي؟؟ :cool: :09:


لا الموضوع حليو صراحة..


وش السالفة؟؟ :06: :06:

وعليكي نظارات اللهم يا كافي!!!!

وش موديلها ؟؟ سي كاي؟ :tongue2:




وانا الحمد لله ما البس نظارة لذلك ليس لدي تعليق..

بس انتي تعانين من صعوبة في القراءة؟؟

بعذرهم صديقاتك يضحكون عليك!!!

كاني اشوفك وانتي تقرين!

وتراهم يمدحون عرب نيوز اقريها..

يقولون تصير عندك ثقافة هندية اوروبية.

المهم سلمي على النظارة

Regards

وجلست صديقاتي يقلن ماذا بك ماذا بك



قلت :لا ..لآ شي عيناي تعوراني


ههههههههههههههههههههههه الله يرجك فقعت ضحك على هالمقطع :D

فرد آخر ينضم لعالم الأربع عيون :cool: هع هع :tongue2:


أما فكرة الجريدة صراحة أول مرة أسمع عن هالشي :bigeyes: ... صح اني خبرة من الابتدائي و انا البس نظارات لكن... جريدة!! :bigeyes: شي جديد جدا علي :bigeyes:

بالنسبة للوصخ الي في النظارات الحل الي اطلع به هو اني أحاول انسى ان فيه وصخ.. لأنه غالبا يكون وسوسة :31:

:tongue2:

التميت شارك

هيه بسم الله علي الله يهديك بس:31: مب عاد لذي الدرجه اقدر افصخها وعادي اناظر بس مب زين لي
وقصر نظري شويييييي مرة بس لو اهمله يزود:tongue2:
حسستني اني عمياء =__=
هههههههههههه
تقول لك الله يسلمك نظارتي :tongue2: ولا مب سي كاي هي invoy وخاطري ب"ارماني" صراحه حلوة ومرتبه

مشكور عالرد..^____^



ارسين
ههههههههههههههههههههه
اشوى اعجبك المقطع ههههههههههه:09:
وبخصوص الجرايد
انصحك والله :bigeyes: ترى خطيرة والله
حتى فلير صارت مثلي
اصلا اخبر اهلي يسمحون المرايات والقزاز بجرايد مب بفوط عشانها كوووول :reporter:

لا والله ترى مب دايم وسوسه ; ;

ما عندك بزران يهجمون عالنظارة ويلطخونها بسعابيلهم:31:
شكرا عالرد^___^

نصيحة بعد فوات الأوان :bawling:


لماذا يختـار البعض إجـراء عملية تصحيح البصـر ؟
لا يوجد أحد لا يتمنى الرؤيـة بدون الاعتمـاد على النظـارات الطبية أو العدسات اللاصقـة ، حيث يقـوم أحدنا من فراشـه فيرى ساعته ويعرف طريقه دون أن يتحسس مكان النظارات الطبية أو العدسات اللاصقة . الكثيرون يتمنون مزاولة رياضتهم المفضلة ككرة القدم أو السباحـة دون متاعب ومخاطر وضع النظارات أو العدسات اللاصقة أثناء اللعب . البعض يعملون في مجالات تتطلب دقة وسلامة النظر بدون نظارات طبية أو عدسات ، مثل رجال الأمن والطيارين والرياضيين والمضيفـات. والبعض الآخر لا تصلح له العدسات اللاصقة بسبب وجود حساسيـة أو جفاف في العين بسبب قلـة إفراز الدموع، كما أنه لا يحبذ الظهور بالنظارات الطبية أو يفضل حرية الحركة بدون التقيد بالنظارات أو العدسات وتلبي عملية تصحيح النظر بالليزر كل هذه الرغبات بنجاح كبير .

كيف يقـوم الليـزر بعلاج قصـر النظـر ، طول النظر واللابؤرية ؟
http://www.geocities.com/HotSprings/Spa/8079/prk.jpg
بدأ العلاج بالليزر في أوروبا منذ منتصف الثمانينات، وقد تم منذ تلك الفترة وحتى الآن علاج مـا يزيـد عن عشرة ملايين شخص من مختلف دول العالم وبنسبة نجاح تزيد عن 95% . يجري حاليـاً نوعان من العمليـات لعــلاج قصر النظر باستعمـال الليزر هي عمليـات "الليزك"وعمليـات "الليزر" وفي الحالتين يعتمد الجهاز على إصدار أشعة فوق بنفسجية تستطيع تغيير التحدب الخارجي للقرنية دون إحداث أي تلف في الأنسجة المحيطة ، حيث تقوم أشعة الليزر المبرمجـة مسبقاً بواسطـة الكومبيوتر بحد كميات محدودة من أنسجة سطح القرنية (يقل سـمكهـا عن سمك الشعرة الرقيقة) وبذلك تصل العين إلى قوة التركيز المتوافق مع طولهـا وبالتالي يتم تصحيح البصر والاستغناء عن النظارات الطبية والعدسات اللاصقـة
http://ladyyuna.jeeran.com/lizereye.JPG
هل حـالتي مناسبة للعلاج بالليـزر ؟
http://www.geocities.com/HotSprings/Spa/8079/sharif.jpg
حتى نضمن نسبة نجــاح عـالية فلا بد من اختيار الشخص المناسب بدقة وذلك عن طريق إجراء فحص مسبق في العيادة لقياس درجة قصر النظر، طول النظر والإستيجماتيــزم وللتأكد من خلو العين من الالتهابات الخارجية والداخليـة وبعد ذلك يتم إجراء تصوير طوبوغرافي للقرنيـة وهو فحص بسيط وضروري يتم بواسطتـه تحديد الشخص المناسب للعــلاج ودرجــة عيوب الإبصار بدقة شديدة بواسطة الكومبيوتر .
هل هنـاك عمر محدد للشخص المطلوب علاجـه ؟
لا نستطيع العلاج قبل سن الثامنة عشر عامـاً ولا يوجد حد أعلى للعمر وينبغي الأخذ بعين الاعتبـار أن يكون قصر النظر قد استقر عند المريض حتى يكون هناك جدوى من العملية .
مـا مـدة العمليـة ؟
العلاج بالليزر لا يحتـاج إلى الإقـامة في المستشفى لان العملية بسيطة جدا . فبعد أن توضع قطرات في العين لتخديرها يستلقي المريض تحت جهــاز الليزر لمدة تتراوح من 10-50 ثانية فقط وبعد ذلك يعود المريض الى بيته.
هل يسبب العلاج بالليزر أي ألـم ؟
العلاج بحد ذاتـه لا يسبب أي ألم ولكن بعد عملية الليزر ولمدة يومين ينصح المريض بعدم التعرض للضوء العالي لأنه قد يضايقه . هناك قطرات توصف للتقليل من أي شعور بعدم الارتياح في هذه الأيام الأولى بعد العلاج بالليـزر.
أمـا في حالة عمليات الليزك او السوبر ليزك يكون عدم الارتياح هذا لفترة الساعات الثلاثة الأولى فقــط بعد العــلاج لأن السطح الخارجي للقرنيـة لم يلمسه الليزر وبالتالي فإن المريض يستطيع العودة لحياته العادية بكل سهولة في اليوم التالي للعملية .
ما نسبـة نجاح العملية ؟ وهل تتراجع نتيجة تصحيح البصر بالليزر مع مرور الوقـت ؟
نسبة نجاح العملية هي حوالي 95 % ، وهذا يعني انه اذا اختير المريض المنــاسب الذي تصلح درجة قصر نظره للعلاج بالأكسايمر ليزر فإن نسبة حدوث نقص بحدة النظر مرة أخرى لا تتعدى خمسة بالمائة وفي هذه الحالـة من الممكن إجراء جلسة ثانية للعلاج بالليزر لتصحيح الجزء البسيط المتبقي من درجات قصر النظر وبسهولة .
هل يحتمل أن يؤثر العلاج بالليزر تأثيرات جانبية على أجزاء أخرى في العين غير القرنية المطلوب علاجها ؟
الاكسايمر ليزر عبارة عن أشعة غاية في الدقـة والتخصص ويتحكم في تشغيلها الكمبيوتر ولا يتعدى تأثيرها الأنسجة المطلوب علاجها .
إذا كنت استخدم العدسات اللاصقة قبل العملية ما الذي ينبغي أن أفعله ؟
يجب عليك عدم استخدام العدسات اللاصقة قبل الفحص الطوبوغرافي وعملية الليزر لفترة تتراوح من عدة أيـام في حالة العدسات اللينة و لعدة أسابيع في حالة العدسات الصلبة .
هل هناك تعليمات خاصة بوضع مستحضرات التجميل ؟
يجب عدم وضع مستحضرات التجميل لمنطقة العين يوم العملية وبعدها لمدة أربعة أيام .

: ) الحمد لله ! مافيه نظارات ،،،
بس شكلي والله بلحق عالمكم >_< بدون مبالغة 18 ساعة ماتنقص يوميا على الكمبيوتر !!!!! 6 ساعات للنوم !
كل جلستي عند الكمبيوتر ( قراءة - جرايد - تلفزيون ) كله وانا على الكمبيوتر اذا جاء فيلم يعجبني التفت بعيوني كل شوي ( جاحده بعد ! )
الغريب اني ماعرف وش اسوي ؟! من شغل على موقعي وترجمة و و و ،،، ومن المنتدى ،،، الى الفوتوشوب و نطلع للماكس ،،،
يعني " مشتت " ،،،
لذلك شكلي فعلا مهدد الحقكم >___<
مدري صراحة ما احب النظارة و " الدفارة "
يا ناس اينشتاين بكبره ونيوتن و جاليليو ومن بعد ؟! نقول أدوين هبل ،،، ما عرفوا النظارة صح اثنين قديمين بس اينشتاين وهبل حولنا : )
اعتقد مافيه عالم فيزياء افضل من اينشتاين وهاينبرغ ( مالبس نظارة )
على طاري هالنقطة انا قاهرني شيء (يفضي حرته )
اللحين ليش الناس يتهمون اينشتاين مثلاً ! بالسقوط بالرياضيات ؟
كان افضل طلاب الثانويات بالرياضيات !! وهذا في اغلب سيره وتخصص رياضيات اول ماتخصص >_<
كل هذا وساقط ؟ ( وش دخل الموضوع طيب ؟! )

---
ههه الله يعينك على النظارات،،،
وفعلا تعب هي ،،، بس تخلي العيون كذا >>>> @_@ ،،،
بالذات لاهل القصر تكبر العيون : ) و لا تبين الحواجب تصير صغيرة ويتعودون الناس على شكل النظارة @_@ ،،،
بس بعد فترة : ) بتطفشين ! وبحق الفيتو المنزلي ترفضين النظارة : )
طبعا الحل ليزك ( مدري اذا ينفع )
بس فعلا راحة ،،، يعني بعد النظارة تحس نفسك عايش ( كأنه مجرب ؟! )

الله يعين مرة ثاني ،،،
و ... شكرا على الموضوع : ) ... ولا نسينا الكاتبة : ) ،،،

جتني فترة صرت البس نظارة بس الحمد لله جحدته بعدين :09: بالهم ولا خربيط :05:

ترى يمدحون العدسات :biggthump بس يقولون إنه توجع إذا جيت تركب في عينك :33: :bigeyes:

ومشكورة على الموضوع :reporter:

اقتباس:

---

لقد اصبحت من شله (ام اربع عيون):22:

---

هههههههههههه:tongue2:
ذكرتيني باول يوم جيت المعهد وانا لابس نظارة:p
الاولاد فاتحين عيونهم علي وزين ما يقرون المعوذات علي:tongue2:

خالد شفيك...سلامات...شكلك اهبل بالنظارة...الخ:tongue2:

اسلوب المزاح اياه وتحطيم النفس:D

وتم انضمامي الى قائمة : اصحاب العيون الاربع بمرتبه الشرف:أفكر: :p

اقتباس:

---

وصار عندي قصر نظر

---

انا انحراف في النظر _-_

اقتباس:

---

لا تهملون عيونكم... يا عالم النظر السلييييم نعمة لا يحس بها الا فاقدها..تقدر تتمع بالحياه بدون نظاره..

---

ايه والله ...
محد يحس بالنعمة الا بعد ما يفقدها_-_

اقتباس:

---

http://webpost.net/ga/ga6wah/my-glasses.jpg

---

اووه :p
ذي النظارة الله لا يذكرها بخير ، كل شوي وعدستها تطيح:D

ثانكس لينا على الموضوع^^

الحمدلله انا ناقص بس ربع :09:

وعليكم السلام ورحمة الله وبركاته

لينا O_o , الله يعينج.. واعتقد تعودتي خلاص , شلونج وشخبارج في الصيف ؟ .. والله فعلا الانسان ما يحس بقيمة الشي الا لمن يفقده , شكلي راح اتعض منج هههه (هذا اذا ) :tongue2: , وانا على الكوم بحط نظارات واقية من العيار الثقيل عشان نخفف الكاشوالتيز :blackeye:

وحطي معلومات اختي يونا المفيدة في الاعتبار ^^ وشوفي على شنو تنوين ان شاء الله ,

ما اقول الا الله معاج ان شاء الله ودعواتنا معاج اختي ^^ << قلبها مأساة :p

وثانكس على الموضوع العبري المفيد والسلام ^^

P.S : ur style and words are so funny :D

وعليكم السلام ورحمة الله

حيالله لينا

من طول الغيبات جاب الغنايم :tongue2:

صرتي تلبسين نظارة اجل :أفكر:

عادي جدا انتم السابقون ونحن الاحقون :D

وشكرا على الموضوع... ;)

هههههههههه

الحمد لله ما عندي ضعف نظر

انا ما صدقت افكيت من دراسة النظارات وعلاجها ومدري وشو

كرفونا في الثانوية

كلش كلام عن النظارات في االفيزيا ><

O-Oصارت عيني كذا من القراية

أما الحين بالإجازة o-Oكذا

والله يستر وش يصير قدام أصير كذا o-o

ههههههههههههه

:أفكر: ما عمري لبست نظارة

إلا النظارة الشمسية لزوم الكشخة خخخخخخ :)

ومشكورة لينا على موضوعك الرائع .

ههههه ..

بالنسبة لي , الحمد لله .. "مازلت" من شعب الــ "عينين" . لكن أحس بضعف نظر خفيف , ومع ذلك إذا لبست نظارة إي واحد -حتى ولو كان الضعف عنده خفيف- أفرح لأني ما أقدر أشوف منها !

النظر نعمة مايحس فيه إلا اللي فــاقـــدهـــا http://www.montada.com/images/icons/icon11.gif .
===
تعبت آنا "ألاحق" الجمل اللي كتبتيها , بين كل جملة والثانية خط سريع :tongue2: .. يعني الزبدة الموضوع يبغي له رص وتجميع :tongue2: .

تحياتـٌــ http://www.montada.com/images/icons/icon7.gif .