ايش الجوالات اللي مرت عليك مع رايك فيها

الفكرة انك تكتب اسماء الجوالات واستعملتها ولو كم يوم مع رايك فيها:)

والهدف من الموضوع واضح لتسهيل الاختيار للمشتري (علشان ما يشتري شيء ويندم عليه وتعرفون هذا الموقف^^)

لكن بشرط ان نذكر اسم الجوال بالرقم (6600 وليس باندا)لان الكثيرين لا يعرفون القاب الجوالات غير انها تختلف من بلد لبلد <==اسمع برج العرب والفيصلية والرهيب والرهيب 2000 واسامي غيرها ولا اعرف وش تقولون:p

واخص بالذكر الجوالات الجديدة

(ترى ما عليكم مني انا واحد فاضي وباقعد اشرح واروح يمين ويسار انتوا اكتبوا اسم الجوال اللي مر عليكم ورايكم فيه وكم عيب وكم ميزة عجبتكم وبس <==إلا إذا كان واحد فاضي مثلي يزيد براحته:) )

بسم الله نبدا

7650

http://www.jeuxcadeaux.com/images/nokia7650.gif
جوالات ذكية (يعني تقعد طول عمرك على الكمبيوتر تنزل لها برامج والعاب ونغمات وخلفيات وكليبات وفديوات وتروح عند الربع وترويهم انه جوالك فيه كل شيء بالدنيا)
هو الجوال ما عليه كلام يشغل ويف وبرامج والعاب وفيه كاميرا (كان ثورة على ايامه:D )
لكن اكبر عيب فيه انه لا توجد فتحة للممري<==مشكلة كبرى
وغير معرب
ولو انه فيه لبقى عندي فترة اطول
وغير انه ما يصور فديو
وبطاريته من النوع القديم

3650
http://www.nokiame.com/english/enhan...kr_328_pop.jpg
كثيرين يحبونه ويحبون تشكيلة الارقام (تراها عملية) وكثيرين يقولون انه عملي اكثر من 6600 لكن في الاخير تلاقيهم اخذوا 6600!
شاشته4500 لون تقريبا
وكان على ايامه رزة ولو تشوف شكله تحس ان صناعته محكمة وتفرح انك تستعمله
وبطاريته معمرة وما عليها كلام
فوق ميزات اللي قبله فيه ريل ون وممري ويشغل العاب ن جيج
لكن نظام تشغيله سامبيان 6 (يعني ما يتعرب بالكامل لان 7 هو اللي يتعرب) <==وتعرفون طبعا مشكلة المربعات بعد التعريب:p
غير انه صار قديم لكنك بتذكره بالخير

n-gage
http://www.nokiame.com/arabic/phones...ngage_soon.gif
كثير ناس اشتروه لرخص سعره (شيء غريب جدا ان ينزل جوال بسعر 1050 بدون زيادة وعقبها ينزل سعره!!) خاصة ان ال6600 ب2000!! والناس يبغون هذي النوعية من الجوالات
شاشته 65000لون كرستال
ولانه جهاز العاب (والله انني ما اشوفه جهاز العاب العابه تنعد على الاصابع:06: ) وهي خدعة من وجهة نظري (لو تقارنوه باي جهاز العاب بتشوفون العجيب) وغير هذا العابه ليست بالمستوى المطلوب:31: وفوق كل هذا العابه تشتغل على باقي الجوالات (من ناحية جهاز العاب فهو فاشل)
وما فيه كاميرا(لكن ما تحتاجها) والريل ون مرات يعلق (واللي قبله مرات)
ما فيه وصل بالانفرارد:mad:
لكن احسن شيء سووه ان ارفقوا معاه وصلة يو اس بي:biggthump تنقل الملفات والالعاب مثل البرق:D
وسماعته من افضل السماعات إذا ما كانت الافضل (الصوت يوصل لآخر الشارع^^)
وفيه عيب شرعي كبير
انك تتكلم فيه على عرض (طريقة غبية بعض الشيء لكن وش نسوي)

واكثر شيء يحرجك (خاصة في المجالس وعند الجهال)انه جهاز العاب <==يجونك البزران عطنا جوال ابو جيم بوي :mad: ما تعرف وش تسوي فيهم

6600
http://www.nokiame.com/arabic/phones...ls_6600_cs.jpg
ابداع!!
هذا الجوال طول معاي وما بقت صغيرة ولا كبيرة في الجوال إلا وعرفتها
حتى انني كنت مثل المهندس يجوني الناس من كل مكان تعال سو لنا كذا ولا ركب لنا سونك ولا فرمت لنا الجوال ووو.....

الجوال من افضل الجوالات وشاشته 65000 لونTFT
انتشر بشكل كبير جدا وما بقى احد في هذا العالم ما عنده (خاصة الصراصير والنمل والذبان والضب مرات يستعمله:tongue2: )

اكثر شيء يميزه عن اللي قبله
انه عربي بالكامل (اكبر سبب خلاه ينتشر)
شاشته 65000 لون
نظام تشغيله سامبيان 7 (فيه التعريب )
وتركب عليه الثيمات
فيه الريل ون (كان على بالي انه اول جوال فيه الريل ون)
الكاميرا زوم 2 (زوم هارد وير مب تكبير للصورة فقط)
يشغل كليبات
يصور فديو 10 ثواني لكنه بالبرامج 30 ثانية)(بدون صوت بلا نهاية لكن وش الفايدة (والوضوح متوسط)
شكله ضريف
واهم شيء انه منتشر بين الناس وما كان شيء ينافسه
واغلب الناس كان هذا مدخله لهذي النوعية من الجوالات
=======================
الجوال ينحب بصراحة وما له مثيل
والايام اللي بتقضيها في البحث عن برامج ولقطات ونغمات والعاب ما بتنساها(ما يمر يوم إلا وانت فاتح النت وتدور:reporter: )
و الايام اللي تكون فيها اول من حصل على هذا البرنامج او اللعبة او اللقطة او الويف ما تننسي :cool:
وحتى ان جوني ربع جداد كثار على سبة هذا الجوال ما كنت اتوقع اني اعرفهم يوم من الايام:)
هذا غير المشاكل اللا اخلاقية (يجيك واحد خسيس ونذل يطلب منك برنامج يحول الفديو إلى صيغة يتقبلها الجوال وفي الاخير يجي ويحط لك اللقطات الاباحية اللي عنده ويعطي كل من يعرفه الجوال <==انقهرت والله وخربت له الجوال من نضام التشغيل بحيث لو يموت ما يقدر يعيدها)
يعني تحصل النذاله والوصاخة اللي ماخذين هذا الجوال كثار وكل واحد حاط له شيء في الجوال
غير مشكلة استخراج الصور والملفات اللي عانى منها الكثير (اللي يستخدم هذا الجوال المفروض يعرف له تماما و ما يفكر يصور فيه اي صوره)
======================
باختصار هذا الجوال احدث الكثير من التغيرات بالمجتمع

نجي للي بعده
سوني اركسون P800
http://www.calculatorking.com.au/ima...csson/p800.jpg
كثير من الناس كانوا يعتبرونه القمة في الجوالات وانه ملك الجوالات
حتى ان سعره كان 3000 وثابت ما يتغير إلا بصعوبة
هذي الايام يمكن وصل 2000 او 1800
وكان اللي ياخذه يكون شيخ الشيوخ ويكون هو الملك
وهو بوكت بي سي نضام تشغيله سامبيان (المفروض وندوز لكن هذا غير عن العالم !!)
بابدي بالميزات
4000 لون
كاميرا بدون فديو (نااااااادر تحصل له برنامج فديو)
شاشة تعمل باللمس
يشغل mp4 فديو (صيغة خاصة به)
يشغل ام بي3 وتقدر تحطها نغمه
اظن ما يشغل ريل ون
يجي معاه ممري 16 ميجا (واجد عليهم)لا وممري ستيك خاص فقط للسوني اركسون لا غير (يعني ما تقدر تركب عليه ممري النوكيا)
ومن وجهة نظري
هذا البوكت بي سي فاااااااشل مقارنة بالبوكت بي سي:o
(انا كان عندي نوكيا 6600 يوم انهم جابوا لي اياه ما تم معاي كم يوم إلا وانا مرجعه على صاحبه وراجع لجوالي الحبيب6600:cool: )
(بيجوني ناس من كل مكان وبيقولون لي ليش:06: )
اولا وقبل كل شيء الجوال ما يدعم عربي ابدا والشركة غير مهتمة ويعني لا تتوقع تكتب عربي بالجوال
اصدروا للجوال تعريبات لكن كل واحد بسعره تعرب الاسماء والرسايل فقط
التعريب يقرا الكلام من يسار لليمين (ياروحي على الفن:mad: )يعني الاسماء اقراها من اليسار لليمين
تصفح الانترنت للكتابة العربية من اليسارالليمين تقرا :06:
إذا حصل لك الشرف وركبت لك ماسنجر الكتابة بتكون من اليسار لليمين والقراية من اليسار لليمين:33:
انا ابغى اعرف شلون اصحاب هذا الجهاز عايشين بالمقلوب؟!
صدقوني لو ان الجهاز يدعم العربية مثل البوكت بي سي لانتشر بشكل كبير ولاخذه كل الناس

وغير التعريب ان الجهاز معقد ومخربط وإذا استعملته ما بتعرف كوعك من بوعك (انا مرت علي اشكال والوان من الاجهزة لكن هذا عقدني حتى البوكت بي سي ما عقدني مثل هذا لكنني تعودت عليه شوي شوي)

وغير القلم الشعري اللي اضعف من الشعره فإذا كنت تقدر تمسك الشعره وتكتب بالشعره ما بتقدر تكتب بالقلم(صدقوني لو تستعملونه شوي ما بتصبرون بترمونه وبتكتبون باصابعكم يمكن اللي يمنعكم من رميع انه ب200 ريال!!)

نجي لخويه
بي900
http://www.sonyericsson.com/images/s..._41_0_4000.jpg

وترى هو ما يفرق عن البي 800
غير ان البي 900 اخف
وشكله احسن
وفيه تصوير فديو على قد الممري (من كبر مساحة الممري:09: )
وشاشته 65000 لون
لكن اللي لفت نضري فعلا هو السماعة اللي داخله (بصراحة شيء اعترف فيه)
ما سمعت صوت نغمة ويف من الجوال انقى واوضح من البي 900
حتى انك تحس بالابعاد والايقاع كانه مسرح ثلاثي الابعاد (صوت وااااااااااااضح جدا جدا)

وإذا بغيتوا وجهة نضري فيه (وفي الاي ميت مرة وحدة )شوفوا هذي المقارنة

البي 900 كمبيوتر كفي فاشل (بتقولون لي ليش؟)

انا باعطيكم مقارنة بينه وبين
i-mate ppc
http://imate.com/files/(22102003-185...tepocketpc.jpg
كمبيوتر كفي(اللي انتشر هذي الايام بشكل كبير جدا بسبب تفوقه )

في الدعم العربي
البي 900 لا يدعم
الرسائل بعد التعريب فيها خربطة
تصفح الانترنت بالعربي الكلام معكوس
الاسماء تنقري معكوسة
لا يدعم الكتابة العربية في بعض التعاريب

i-mate
تعريبه من الوكالة وكل شيء ينقري تمام وكثير برامج عربية نزلت له (اللي يدلك انه يدعم العربية بشكل كافي)

والاهم تصفح الانترنت بالعربي والمشاركة بالمنتديات بالعربية

في التصوير

البي 900
يصور مدة غير محدودة
يصور بصيغة mp4 ويمكن 3gp بوضوح متوسط

i-mate
تصوير مفتوح!
يصور بصيغة البي 900 (mp4)
وبصيغة النوكيا (3gp)
والاهم بصيغة كاميرات الفديو والمشهورة (AVI)

الوضوح عالي وهو الافضل على مستوى الجوالات (320في240)

البرامج

البي 900
نظام تشغيله سامبيان عير مشهور بالدرجة الكافية
برامجه قليلة مقارنة بالنوكيا وغير مشهورة ولا تدعم العربية
والعابه قليلة وليست بالمستوى المطلوب

i-mate
نظام تشغيله وندوز (وش تبي اكثر من الوندوز!!)
برامجه بعدد رمال الصحاري (لا تستغربون اغلب برامج الكمبيوتر محولينها له)
يعني انا جربت النوكيا والسوني اركسون لكن برامج بهذي الكثرة ابدا ما شفت
ومعضمها عملية وتحتاجها دايما (مثل ما تحتاج برامج الكمبيوتر)

وامثلة على البرامج
برنامج الاذان
القاموس عربي انجليزي
القرآن مع الصوت بالرسم العثماني مع تفسير الجلالين والميسر وغيرهم مع شرح للمعاني وترجمة للانجليزية
برنامج الوورد مع اغلب خواصه (غير عن اللي في البي 900)
برنامج اكسل مع خواصه
برنامج يعرض حالة الطقس لخمس ايام مقبلة ويعرض اسعار العملات والرحلات من المطارات
والاهم هو الماسنجر العملي مع الدعم للعربية

والحين دور الالعاب
تصدقون ان كثير من العاب الكمبيوتر العادي موجودة عليه

-كويك (المشهورة ما غيرها)
-ايج اوف ايمبرز (كانت الاستراتيجية الاولى على مستوى العالم على الكمبيوتر)<==لو تلعبون هذي اللعبة على الكمبيوتر الكفيi-mate بتسبون كل العاب ال ن جيج والعاب ال6600 والعاب البي 900

طبعا ما اقدر احسب لانها كثيرة مثل ما تعرفون

ولو تدخلون موقع شركات الالعاب مثل كاب كوم بتلاقونها تصمم العاب خاصة لهذا الجهاز من زمان

وفي برنامج يخليك تشغل العاب الجيم بوي الادفانس والسوبر نتندو والميجا درايف واغلب الاجهزة القديمة (تخيلوا مقدار الالعاب اللي بتركب عليه)

واهم شيء
انه نزل له برنامج يقدر يشغل العاب البلاي ستيشن1 (بس تحتاج ممري 512 او 2 جيجا او اكبر تحط فيه الالعاب)

وتقدر تحط وصلة تخلي الاي ميت يتصل بالتلفزيون TV-out (وتركب افلام الدي في دي عليه وتشوفها بالتلفزيون بدون جهاز دي في دي او فديو ^^) ويقولون نزلوا برنامج- يخليه يسجل من التلفزيون^^ <== بالله عليكم البي 900 يقدر يسويها؟

ونزلت قطعة تخليك تشوف تلفزيون على الi-mate ^^

ونجي الحين للممري

من فيكم يقول لي كم اقصى حد لممري البي 900 (اكيد 128 ويمكن يزيدون شوي)<==شيء مخزي حتى النوكيا اكثر منه)

هذا غير انه ممريه غير مشهور وغالي وخاص له فقط

الi-mate تقدر تركب عليه ممري النوكيا mmc
والممري الذكيsd
ومع القطعة تقدر تركب له فلاش ممري المشهور في اللاب توب والكاميراتcf

وكم اقصى سعة وصلت لها هذي الممريات؟

4 جيجا!!!!!

يعني ربع الهارد دسك في كمبيوترك !!

(بتقولون لي ما نحتاجها)

اصحاب البوكت بي سي دايما يحتاجونها ومستغلينها افضل استغلال

لانهم يحتفضون بالافلام بوضوح دي في دي واللقطات عالية النقاوة
وبكم كبير من البرامج والالعاب والمسلية (مثل الكمبيوتر الالعاب تاخذ مساحة)
وغير الباك اب
ومشغل بلاي ستيشن يحتاج ممري يشيل العاب البلاي ستيشن
ومجموعة من الكتب الالكترونية
ومجموعة كبيرة من الصور
ومحاضرات دينية كثيرة (لا تنسون اصحابه محترمين ورجال اعمال ومحبين للحاسوب )
غير تصوير الفديو اللي يحتاج مساحة

ونجي لتشغيل ملفات الملتميديا

البي 900 يشغل mp4 و 3gp
وعلى ما اظن ما يشغل ريل ون

الi-mate
فيه وندوز ميديا بلاير (ممتاز!!)يشغل فديو الوندوز ميديا
يشغل فديو البي 900 والنوكيا
وفيه ريل ون
ويشغلmpeg
ويشغل الصيغة المشهورة AVI
حتى انه نزل له برنامج DIVX المشهور
ويشغل كويك تايم
وام بي 3
وويف وميديا

نجي للسعر
البي 900 ب2500 ريال
زيدهم 200 وخذ i-mate (ب2700)بهذي المواصفات كلها

(ما ادري إذا نسيت شيء بعد^^)

وفي النهاية ابغى شوية تفاعل بالموضوع ولو رد بسيط وانت محرك
و تذكروا اختلاف الراي لا يفسد للود قضية:)

الضاهر عنوان الموضوع ما حمسكم!

اللي تعبان وما له خلق يرد يدخل ويسلم على الاقل^^

تسلم على الموضوع الحلو والرائع :).

شكرا لك اخوي على هذا المجهود
انا عندي 6600
و ببصراحة هو جوال رائع
عيب واحد بسيييييط
ما يشغل mp3 الا ببرنامج
و بخطط اشتري جوال بيطلع قريب شكلو رهييييييييييب
http://www.nokia.com/BaseProject/Sit...pm_6630_cs.jpg
في الفيديو ساعة
تسجيل الصوت ساعة
يشغل mp3
كاميرا اوضح من 6600 بمقدار الضعف و الزووم 6 مرات
ايش بقي ؟
اه ايوه
بلوتوث
يجي معاه كرت ذاكرة 64 ميغابايت
ذاكرة الجهاز نفسه 10 ميغابايت

صراحه موضوع روعه واستفدت منه كثير جدا

تسلم يا الغالي

مشكورييييين على الردود

وعن ال ام بي 3 بصراحة هو مب منتشر مثل الريل ون

ريل ون تحصل له كل الاغاني لكن الام بي 3 نادر تحصل (غير العنجليزي^^)

(وين يا جماعة الجوالات اللي جربتوها كل واحد يقول كلمتين عن الجوالات اللي عنده^^)