السلام عليكم ..
أحد الشباب جاء يبي يخطب بنت من أبوها .. وهذا اللي صار ..
أول ما نبدا باسم الله .. وجيه الخير نحيّيها
أهلاً هلا يابو عميْشا .. أول مرة ونثنّيها
قلي ياوليدي وش جابك .. وامك ليه انت مخلّيها
أنا جيتك ودي بنتك .. تكفى عمي زوجنيها
أبشر باللي جيتن لأجله .. بس خمس شروط تلبيها
كل شروطك على راسي .. بنتك تطلب وأنا أعطيها
أنا ودي جيب مجنّط .. ولا الدداسن ما ابيها
يا عالم هذا أولها .. والله يستر من تاليها
وبنتي تبي بيت لحاله .. يعني فلّه تسكن فيها
حاضر ياعمي بالفلة .. لعيون عميْشا نبنيها
وتبي خدامة طباخة .. تسوي قهوتها وشاهيها
كل شروطه على راسي .. عميْشا تطلب وأنا أعطيها
وتبي سيارة جديدة .. وتبي سواق يوديها
أمري لله ويش أسوي .. حتى السيارة نشريها
وأمك يا وليدي خرفانة .. وبنتي ما تطيق تراعيها
وهذي أمي ماله غيري .. ولازم بالخير نجازيها
وده خالك ولا جارك .. ولا شف لك صرفة فيها
والله يا عمي زودته .. ودلّيت تحوس بتاليها
هذا شرطي ودّك ولا .. عميْشا كلٍ ودّه فيها
أمي عندي تسوى الدنيا .. وبنتك عندك ما نبيها
اطلع يالخايب من بيتي .. ولا هالحين أسويها
احفظ كلامك يالشيبة .. لا اقلب عاليها واطيها
أتمنى انها عجبتكم .. :biggthump
