السواقه بالسعوديه تفقع المراره

بسم الله الرحمن الرحيم

اعرف ان عنوان الموضوع يرفع الضغط بس والله زهقنا من المضاربات والمطاقات اللي تصير اثناء السواقه :vereymad: :vereymad:

اللي يرفع الضغط انه يجيك واحد عن الاشاره في اقصى اليمين ويبي يلف ويرجع من اليسار ويوقف السيارات كلهااا علشان سيادته يلف ويرجع :mad:

ولا اللي يخش عليه فجأ دون إشاره ويخليك تفحط :blackeye:

او اللي يكون طريق الملك فهد مليان ويقعد يكبسلك علشان تبعدله مع ان الطريق زحمه وماشيين 40 ؟!!! :06: وإذا سألته ليش يقولك مستعجل !!! طيب كلنا مستعجلين بس انت تبي تستعجل :mad: :06:
ولا خط البلد وما ادراك ماخط البلد ناس حونشيه زاقه معاهم تكون انت وياه ماشيين 100 فجأه :bigeyes: يظرب فرامل علشان في هندي يبي يركب معاه !!!!!!!!! :vereymad:



انا زهقت من الهواشات كل مره اطلع فيها لازم تصير مناوشات و مطارده و .......الخ طفشت وراح اقولكم اهم المناورات اللي حدثت معي مع انها كثيره جدا لاكن اذكر اهمها
1- مره كنت واقف عند اشاره وكان الشارع 4 مسارات طبعا المسار الايمن(4) للي يبون يلفون من عند الإشاره يمين دون مايوقف الإشاره ، المهم انا وقفت جنب المسار (4) يعني في الرقم(3) انتظر الإشاره تفتح علشان امشي قدام ولا يجي BMW LI حوت يبي يلف يمين وقاعد يدقق بواري مع ان المسار (4) الايمن فاضي بس كذا مزاج يبيني ابعدله :06: طبعا انا مابعدت لأني موب غلطان :05: المهم الرجال زقت معاه وجاء من المسار الايمن وقعد يسوي حركات (وصخه) بأصابعه تعرفونها ولف يمين وراح ، انا ارتفع الضغط عندي ورحت لحقته و صرت جنبه اشرت بأصبعي فوق وقلتله (الله موجود) :02: ، الرجال عصب مره :vereymad: ولحقني يبي يتطاق معاي رحت انا رجعت القير نمره وعطيت :أفكر: ، وتعرفون BMW سريعه جدا جدا لدرجة انه يجيبني في ثواني مع اني كنت بعيد المهم جاء قدامي وبدأ يهدي علشان يوقفني ،المهم استطاع انه يوقفني في وسط شارع سريع بالضبط في وسطه ،نزل من السياره :afraid: وجاء عندي ، وهو جاء انا دقيت ريوس وفركتها بس سرعان ماركب سيارته وبدعسه واحده جابني وسبقني والله سبقني علشان تعرفون قوة BMW وطبعا انا استغليت الفرصه وهديت السرعه مره لاكن هو وقف ورى اول مدخل على خط الخدمه علشان ماهرب منه وادخل هناك المهم جيت انا وشفته واقف :afraid: ينتظرني ،طبعا هو كان وراه مدخل من خط الخدمه إلى الرئيسي ولا يمديك تدخله إلى إذا عكست الطريق طبعا انا عكست الطريق ودخلته راح هو دق ريوس ولحقني ، وهو يلحقني ماخليته يجي قدامي :D زي اول مره علشان مايوقفني و حديته ورى تريله بغى يخش فيها طبعا اقرب لفه على الحاره دخلت فيها مجلست احوس فيه ،لأن في الحاره ماتنفعه قوة سيارته وجلست ادور في مربع وهو يدور وراي آخر شي هو وقف على باله بدور في المربع ويحدني انا انتبهت انه وقف و عطيت من اقرب مخرج وما عاد شفت وجهه بعدها .




2- مره كنت في طريق الملك فهد متجه شمااال تقريبا عند طيبه وعويس وكان الطريق زحمه وانا على الخط الايمن(السريع) جاء واحد راعي كامري شباب ومعه حرمه وولد صغير قاعد يكبس للي ورى علشان يبعدونله و الطريق زحمه يعني مافي شي اسمه تكبيس وانا شايفه المهم يوم وصلي وصار وراي كبس مره ماعطيته وجه كبس مره ثانيه ماعطيته وجه كبس مره ثالثه قام طلع ضغطي و دقيتله اشاره يمين وإشاره يسار(يعني ما راح ابعد) طبعا هو انقهر راح لصق في صدام سيارتي وماصار بيني وبينه إلا شوي رحت انا دقيت فرامل فجأ وخليته يفحط :D ، الرجال انقهر وصار يبي يحدني ويسوي فيني مثل ماسويت فيها (مجرد انتقام) طبعا خذها قاعده اي واحد يبي يحدك ولا يوقفك لاتخليه يجي قدامك لأنه إذا صار قدامك يقدر يسوي فيك اللي يبي ، المهم راعي الكامري 2003 جاء من جنب يبي يسبقني قمت انا خشيت عليه وبغى يفقد السيطره على السياره وينقلب بسبب تهوره لأنه ماتوقع اني اخش عليه (كل هذا وهو غلطان) ، انا وياه دعسنا وهو إلا الآن وراي ووصلت سرعتنا إلى 160 وهو قاعد وراي يكبس و تفرقنا مع اول مخرج .


والقصص كثيره وتجيب الضغط والسكّر :vereymad:



انا فتحت هذا الموضوع علشان نعرف ليش السواقه كذا مخالفات في مخالفات واغلب اللي يخالفون شباب !!

وياليت كل واحد يعطي رأيه بالموضوع وإذا حب يقولنا من هالقصص اللي صارت معاه ، لأن موضوع السواقه كلماله يزيد سووووء

لسه حتى الآن ما أعرف أسوق
إن شاء الله في هالأيام بتعلم :)
.