يا شباب المستقبل هل تنصحوني اخذ س اس ؟

السلام عليكم ورحمة الله وبركاته

اما بعد

يا اخواني انا الان سوف اشتري سياره جديده ودرت على السيارات ولم تعجبني اي سياره لانها اغلبها قرمبع اي يابانيه صحيح يمدحون في الياباني بس شكل مافيه مره

وانا دشت رأسي الاس اس من زمن من اول ما نزلت الاس اس ايام 2000 والان نحن في عام 2004 والشكل اصبح لا يقاوم ولكن يا جماعه الخير بغيت اعرف هل السياراه تصلح للستعمال اي لتوصيل والاستخدام في جو شديد الحراره ؟
وهل هي عمليه لو حافظت عليها ولم اقاوم لاني من من الناس الى تقوام في السيارات

وثالثا يقولون اني اذا سقتها وصادفني مطب صناعي السياراه تتبطل هيكلها :06:

وبغيت اعرف متي سوف ينزل الشكل الجديد :أفكر:

وبالاخير اريد رأي كل واحد في هذه السياراه ومع ذكر بديل للومينا اس اس

وامل اني القه جواب منكم يا اعزائي

وشكرا

هلا بك اخوي
بالنسبه للاس اس
انا انصحك انك تبعد عنها
لان فيها مشاكل
ودايم تحصل راعي اللومينا يا بالورشه او بالوكاله
نصيحه
اذا انت بتاخذها جديده
خذ غير اللومينا

ني هاو...

خذ ربع...يامدور الربع....وتقبل تحياتي واشواقي.
http://www.efi4500.com/rba/53.jpg

اهلين اخوي

انا ما ادري عن كلام الناس او الاشاعات تلقى بعضهم ما معهم سيارات اصلا ويتكلمون

من ناحيتي احافظ على السياره ومع ذلك مايمنع اذا فيه فرصة مقاومات عادي قاومت لكن على خبره مو غشامه

وهذي هي معي من سنه ونص او اكثر من يوم طلع الشكل الجديد 2003 وهي معي ss ولا فيها اي مشاكل

وبالنسبه للشكل اتوقع 2006 راح يتغير

تحياتي

السياره عيوبها كثيره

انا اليوم ذهبت الى الوكاله وقال ان الشكل كل اربع سنين يتغير

وان الحين ما عندهم اس اس مخمل اله لون واحد احمر حبه وحده كمان وعندهم ثنين سلفر واللون اخر بس جلد وسعرهم 8.200
اما المخمل 7.800

انا المهم راح اتظر لى اخر السنه شهر 12 علشان باخذ موديل 2005

وبالنسبه للى قال ان السياره عيوبها كثيره انا راح ارد عليه من ناحيه البدي وسهوله خفسه هذي موضه سيارات 2004 كل سيارات نضجع حتي الهمر
وبالنسبه للكيبات والى اخره هذا على الاستعمال الشخصي مقاومات شوارع 24 سرعه زايده هذه السياره لا تتحمل هذه لانها بالاصل سياره مو سبورت بمعنه الكلمه يعني مثلا هناك بي ام 12 سلندر اذا قمت تقاوم فيها وخنست فيها تتوقع شنو يصير فيها ؟
اكيد راح تتطلع العيوب ونظرا لانه لا يوجد احد يعمل هذه الحركات نظرا لثمن السياره الباهض فلذالك لا تسمع عنها شيء

اما الاس اس سياراه رخيصه في متناول اليد قامو الشباب وما قصرو في سوء الاستخدام التي لم تعد السياراه تتحمله فقامو بالاخير يذم بالسياره وانها مليانه بالعيوم منها بلاكات السياره وكهربتها الضعيفه

وبلاخير وجهت نظري عن الاس اس ( تلعن ابو خير السياره السياره تلعن ابو خير فلوسك من الصرف )
المهم انا انتظر رد اناس مجربين

وشكرا

شووووف اخوي اي سيارة بالعالم مالها اي عيوووب واي مشاااكل ..

المشااكل ما تجي الا بحسب دعسة رجلك عالبنزين ( الاستعمال ) ..

انا شووفت اثنين من اصحابي معاهم اس اس واحد يشتكي منها ويلعن فيها والثاني يمدحها ..

ليه لاني ركبت مع الاول وشفت سواقتو للسيارة مابقى سيارة بالخط الا وهاتلك تكشيح حتى الكرسيدات يقاوم معاهم ..

والثااني راايق تقوول ماشي بالماسة بالخط ..

وعاد انت شوووف نفسك من اي نووع ..

وباالنسبة للحرارة فمكيفها قوووي وسيارة حقت خطوط اللومينا ورااح تعيش معاك ادا احسنت استخدامها ..

بس انا اقلك ابعد عن الاس اس خودلك اس كوبيه احين او ال تي زد ستة سلندر ..

6 ولا 8 ..

والله يوفقك ومبرووك مقدما ..

مشكور يا اخي ريو هازاكي

طبعا هي على الاستعمال تلعن ابو شكل السياره هي السياره تلعن ابو خيرك بالخرابات

على العموم انا الحين ما قدامي اله شيء واحد اذا باخذ السياراه لابد ان اتظر لى اخر السنه حتي اخذ مديل السنه القادمه 2005
وبالنسبه للكوبي انا ما ودي بكوبي احس انها صغيره ولو فيه مجال انك تركب اهلك في الاس اس هذي الكوبي ما راح تخلى فيه مجال ابد

وشكرا

اقول تبي الصراحه اس اس بعد عنه:أفكر:

بسراحة هي سيارة حلوة

فخمة وقوية وشكلها زين

انا عند اخوي كابرس 2000 ال تي زد ماشي 120الف ولا جاه ولا خرب واخوي من النوع الي يكرف السيارات

انا الي اعرفه الحين ما عندهم الا 4 الوان ابيض وفضي واسود وكحلي

خذ كحلي والا اسود

اخوي صح ان السيارة فخامة وقوة وايضا هي مصمما للخليج لكن لها مشاكل
واذا تبي نصيحتي خذ الكابريس LTZ أو SS
والراي رايك واحنا نصحناك
ومبروك مقدما

صراحة ياخوي بالنسبة لشكلها تهبل مرررة وفخمة ومبروك عليك مقدما..

بس انت تقول الياباني مب حلوين..غلطان اقولك..

عندك الكامري - الكورلا - الهوندا - المازدا الخ...

اشكركم اخواني على الردود وانا خلاص عزمت بما اني طالب بروح الجامعه يعني يبيلى شيء تكانه

فخلاص بكره السبت بروح اشتريلى السياراه الى اهي بالنسبه لى سياره تودي وتيب فقط ولا يوجد فيها اي ميزه وهي هوندي اكورد لانها عمليه فقط

وبخصوص الاس اس كنت مفكر فيها لقوتها فقط 8 سلندر وشكلها وبعدها ترددت قلت اذا صارت قديمه بتصير كلش يعني يبيلها تبديل وانا ابي سياره على الاقل تحتفظ بشكلها مده مثل الاكورد

فخلاص صفيت على الاكورد

وشكرا لكم يا اخواني على الردود

ترى الاكورد قطع غيارها نار نار نار

اصبت فقرارك اخوي زورو والاكورد من احلى واقوى السيارات ..بس قطع غيارها شوي غالية..

لكن صدقني بتستانس بها..مبروك مقدما:cool: