السلام عليكم ^^ ..
اخباركم عاملين ايه >>>>متاثر -___- ..
طبعا كثير منا سافر والبعض بيسافر والاخرون مب مسافرين >>>>>اموت على القواعد P: ..
عن نفسي انا سافرت .. اليكم ملخص بسيط لها وراي عن البلدان التي زرتها >>> ترا كلها بلد واحد ومدينه T__T ..
FirSt StoP : JeDDaH
جده غير ^^ ..
لطالما سمعنا الحكايات عن جده .. جده غير مهد السياحه لنا .. موطن المقاوم عندنا .. اللاس فيغاس حقتنا P: ..
بصراحه كثير ما سمعت كلام عن جده .. جده كذا .. صار كذا بجده .. رحت لجده ووو ..
ومن هنا اخذت صور (وللاسف) شينه عنها .. والهاء تعود الى جده ..
المهم كانت سبب زيارتنا لجده رسميه الا وهي حضور تحوالة عرس عمتي ^^ .. عشان كذا ما طولنا قعدنا اسبوع تقريبا ..
على كل رحنا بالطياره انا واهلي (وبكلمة اهلي ما اقصد ابوي وامي واخواني بل اقصد حنا وعمتي واهلها وعمي واهله وعمتي الثانيه واهلها الخ..) ..يعني تقريبا كنا فوق الثلاثين نسمه !! ..
وصلنا ولله الحمد بالسلامه .. سكنا بالمخلص بلازا -____- .. اسمه نفس اسم سواق جدي القديم .. الله يذكره بالخير .. المهم مثل ما قلت لكم كنت متوقع ان جده تكون زحف وصياعه .. بالعكس من الي شفته جده كاي مدينه ثانيه فيها الزين والشين ..
في كثير حريم يتغطون زين .. المساجد ممتليه حتى ان الي يصلون يصلون بخشوع اكثرمننا حنا اهل الرياض ..
ورحنا الكورنيش الي مليت من كثرما سمعت عنه .. طلع عادي جدا ومافيه شي .. اللهم اغاني بس .. شي ثاني من الي سمعته ما كان فيه .. يمكن الحين الناس مسافره ولا شي .. بس من الي شفته كان عادي جدا ..
والحين نتكلم عن جده كمحطه سياحيه مهمه بالمملكه .. بصراحه احس ان جده حلوه ^^ .. من رغم اني ما قعدت الا اسبوع وبالياله طلعت .. بس فيها اشياء كثير اول شي الجنغل لاند والكورنيشات والمقاهي الي على الشوارع (عجبتني هذي المقاهي ^_^) .. والاسواق وغيرها ..
يمكن تكون اشياء عاديه بس كذا احس انها حلوه -____- .. وطبعا من اسوء السلبيات هو الجو >__< ..
SeConD StoP : CaiRo
مصر البيت بيتك ^^ ..
مصر ياما قالولك ناس شينه بايخه وصخه زحمه فطيسه ..
انا ما انكر ان فيها كل هذا (اعتذر لاي مواطن مصري) .. بس صراحه فيها اماكن مره حلوه .. والقاهره مره حلوه ^^ ..
اول شي والسبب الاول بالنسبه لي هو السنما ^________^ .. تعرفون عاد انا ملحط هنا وما عندنا سنما عشان كذا كنت متحمس مره ..
وفيه المقاهي الكثيييييييره واشهر المقاهي المتجمعه عند مسجد الحسين .. موووووووووووت زحمه هناك وكله خليجيه .. ومافيه .. كل واحد يشيش ولا يشرب زيقاره وقهوه ودقها سواليف .. حتى في حريم سعوديات يشيون وكثار بعد -___- ..وسهر من 3 الصبح لين 10 X___X ..
وفيه طبعا الاهرامات والمتحف والقرية الفرعونيه والدقى وذي الخرابيط حقت الاهرام والفراعنه الي بالغالب تجذب السياح الاجانب ..
هذي الايجابيات بالقاهره .. بس السلبيات للاسف كثييييره ..
اولها الزحمه .. اولا سكان مصر على حد علمي فوق الـ60 مليون .. والقاهره 17 مليون (التي تعتبر من اكثر 10 المدن عاليما من ناحية عدد السكان) .. زي ما تلاحظون القاهره بالحالها غطت على السعوديه كلها -____- ...
عاد من هذي الزحمه تجيك البلاوي الي بالشارع موووووووووووووت .. السيارات بالياله تمشي والناس الي يمشون الي يسببون الزحمه .. وعاد انتبه من وسط البلد الي هي محور الزحمه ..
ثانيا الشحاذين .. يا كثثثثثثثثثثثثثثثثثثثثثثثثثثثثثثثثثثثثثثثثثرهم .. اعوذ بالله .. ولله مساكين كثار ..(الله يعينهم) .. بس من جد قلق .. ينشبولك الا غصب تعطيه .. وحسك عينك يدري انك سعودي ولا خليجي .. بتاكل تبن -___- ..
ولصقات بعد يعني تروح لنفس المكان يوميا يجيك كل يوم ويبلشك هو نفسه >_< .. واذا كنت بالسياره وما تبيه تعطيه يقعد يلحقك بوسط الشارع ويخاطر بحياته عشان تعطيه ( الله يدوم علينا النعمه ) ..
ومن الطرق الكثيره التي يلجاون اليها في الشخاذه .. يعطيك كم نكته على الماشي من رغم ان ما عمري فهمت اي نكته من نكتهم بس مشي حالك اقعد اسلك ..
وطبعا يقعد يدعي لك "ربنا يرزأك ب70 مليون جنيه" احدى الاقاويل الكثيره .. "ربنا يجوزأك البنت الي بتحبها" اما ذي قعدت اضحك يوم قالها لي ..وغيرها الكثير ..
ثالثا .. التدخين .. اعوووووووووووووذ بالله يا حبهم للتدخين ..يموت بشي اسمه تدخين هناك .. الولد الي كبري يدخن اكثر من ابو اي واحد مننا T___T .. يعني الروائح والكتمه تحيط بك ساعات كثيره من اليوم ..
وفيه بعد ازعاج البواري .. والي مسوين زحف ويتنفخون على الخليجيه .. والحراميه .. والي يخدعونك بسعر الشي الي تبيه اذا دروا انك سائح .. وغيرها الكثير -___- ..
بس من رغم كل هذا .. امبسطت واستانست وناسه كبيره ولله الحمد ^^ .. وانصح اي واحد يروح لمصر بس يروح للاماكن الزينه مب يطلع الشارع ويشوف الدنيا وتضيف نفسه ويقول يوه مليت ودي ارجع .. عطها فرصه وانشالله تعجبك .. لاني انا بالبدايه ما عجبتني بس بعدين عجبتني ^^ ..
وهذي هي تقرير بسيط لرحتي العالميه التي اقوم بها كل صيفيه ..
So What About u ^^ ??
