كم سؤال في كروت الشاشه

1 - كيف اعرف كرت الشاشه حقي ( لاني شريت الجهاز ولا ادري وشو كرت الشاشه )
2 - وشو افضل كرت شاشه الى الان ( يعني يشغل العاب مثل فار كراي - دووم 3 ) -- ويكون سعره معقول

اخوي طريقة أنك تعرف كرت الشاشه حقك هي:

أبدأ >> تشغيل >> وأكتب هناك ( dxdiag ) >> بعدين أكتار العرض >> بعدين تلقة الخانه مكتوب الأسم هناك تشوف أسم كرت الشاشه حقك

-----------

أما بالنسبه وأش أحسن كرت شاشه معقول سعره قلي وش السعر الي تبيه وأعطيك أحسن واحد بهالسعر


أرجوا أني أفدتك

هلا اخوي
نوع الي عندي هذا
NIVIDIA RIVA TNT 2 Model 64 \ Model 64

اما بالنسبه للسعر
والله ما اعرف اسعارها
قلي بين كم وكم

تبي كرت شاشه معقول سعره يشغل دووم 3 ممكن يكون ATI هي الحين أحسن كرت شاشه للألعاب وفيه كرت منها حلو يشغل هذي الألعاب ما بين 700 - 1500 ريال تقريباً


بس على فكره كرت الشاشه حقك ما عليه يمشي الحال

يعني حقي يشغل دووم 3

عندي سؤال وشو افضل كرت شاشه متوفر بالسوق ويكون قوي وبحدود 500 ريال ؟

انا اهم شي عندي انه يشغل لعبة جنرال وتكون ممتازة ؟؟

وشكرا .

اخوي بايسن:

طبعاً أخوي لا ما يشغل دووم 3

أخوي Z 5 :

أنا بعطيك كرت شاشه يشغل جينيرالز & زيرو أور & فينال فانتسي

بس يكون الرام عندك 512

وسعره - 290 ريال - مع التركيب

أسم الكرت: NVIDIA GeForce FX 5200
ذاكرت الكرت: 128 ميقا
شركت الكرت: MSI

يعني أفضل مواصفات لهذا الكرت تقريباً

تلقاه في محل: أباتي APATY (( مؤسسة أنس عبدالله الزيد التجاريه )) لون اللوحه بيضاء تلفون: 4620300

وانا توني شاري الكرت منه (( اليوم )) وجينيرالز تشتغل زي الفل بدون تقطيع ولا بطئ

---------

وانا ما حطيت أسم المحل والتلفون ليس للأعلان أنا حطيته لان السعر كويس بالنسبه للمحلات الأخرى

شكرا على ردك DANTY-2D

الكرت FX 5200 سألت عنده ناس عندهم الكرت وما يمدحونه !

ابي اسئلك وش في نوع افضل من FX 5200 وسعره مو غالي مره يعني اكثر شي 500 ريال .


وشكرا .