القصة الثانية من انتاج الثلاثي باتي والفير ودنجر..ادخل لاتفوتك
بسم الله نبدأ قصة الثلاثي الموهوب بالقصص...الجزء الاول من الفير ...والثاني من باتي ...والثالث من دنجر
...................................
ل_______________مقدمة الفير ___________________
دينجر والفير وباتي شركاء في شركة البصل العالمية (أخصص يالبصل العالمي ) كل واحد فيهم له دور ....دينجر هو صلعة المال ...قصدي راس المال ....باتي هو اللي يدور لنا عن أراضي الزراعة والأستثمارات بحكم أنه قروي .....الفير فشغلته أنه يراقب أحوال الشركة ويوقع المعاملات هغغغغغ......الحين نجي لموضفين الشركة ...سورا المسئولة عن مزارع البصل ....الزهراء سكرتيرة باتي ....علوش وداج هم سواقين التريلا (شاحنة).....فلاي مزارع تحت ادارة سورا .....والنذل مستشار الشركة (طبعا يفيدنا بنذالته)....كايتو كيد مندوب الشركة في الخارج ....كلهم كأنهم يد وحده ومنسجمين ومروقين ...بس في شيئ منكد عليهم .زهو سكوال وشركته حقت استيراد وتصدير البصل .بس نواياه خبيثة هو ويا شركاه ..دائما يحاولون تحطيم شركة باتي والفير ودينجر بالغش
_____________________القصة________________________
الفير جالس في مكتبه ومشغول قاعد يقرا جرايد ومجلات ....قصدي أوراق ومعاملات....فجأة يجيه أتصال خارجي ويطلع كايتو كيد :
الفير : هلا كايتو وش فيه عسى ماشر
كايتو: الا هو الشر بعينه ..طلبية البصل ماوصلت لها أسبوع
الفير باستغراب: وش قاعد تقول
كايتو : أقولك البصلات ماوصلوا
الفير: السالفة فيها أن وأخواتها (لا وأنت الصادق سكوال وشركاه)
الفير : طيب ضف براطمك من السماعة أنا بتصرف
بعد الأتصالات والأستفسارات طلع أن سكوال له يد في الشغلة (الا جسمه كله في الشغلة ) ويدق على سكوال وذا اللي صار بينهم :
الفير :ممكن تفسر اللي سويته
سكوال : وش قصدك وضح أكثر
الفير : لا تستعبط ..وين الوعد ..وين شحنتنا
سكوال : ياشيخ رووح يعني مسوي زحمة عشان كم بصلة
الفير : بس كان في بيننا أتفاق ووعد ...عندنا مصالح بره
سكوال :يعني حنا اللي ماعندنا مصالح ...أقول خلي واحد من شيلتك يجي يلم بصلكم اللي عفن المخاوزن حقتنا
الفير : طيب أوريك
سكوال : ماني فاضي يله باااااااااااي باااااااااااي عندي مليون شغلة ... ويسكر الخط
الفير وهو معصب ماهو داري وش يسوي ...وبعد تفكير قرر أنه يتقبل الأمر الواقع ....المهم الفير أرسل داج وعلوش يروحون يجيبوا شحنة البصل .
داج وعلوش في الطريق بعد ما استلمو شحنة البصل:
داج : مو كأنه في ريحة خاشه عرض علينا
علوش : همف همف همف ...ماني شام شيئ
داج : خشمك مصدي ...............ويلبق داج التريلا على جنب ويروح يشوف شحنة البصل.
داج : علللللللللللللللللللوش تعال تعال شوف بسرعة
علوش : اخصصصصصصص البصل خيس عندهم
وينقلو الخبر السيئ ل الفير ....الفير طلب من مستشار الشركة (النذل ) انه يجي بسرعة :
الفير : البصل خيس ومافي منه فايدة
النذل بلهجة خبيثة : كيف مامنه فايدة
الفير : مافهمت عليك
النذل : يقولون الخشم بالخشم والضرس بالضرس والبصل بالبصل يعني خلي علوش وداج يروحون يفضو كل اللي في الشاحنة في مزرعة سكوال حق البصل وراح تخيس كل المزرعة (طبعا وش تتوقعون من نذل)
الفير : هغغغغغغغغغغغ هياغ هياغ وش الأفكار الذهبية ذي
وطلب الفير من الداج وعلوش أنهم يروحون مزرعة سكوال في آخرالليل ويفضون كل شيئ هناك هغغغغغغ هياغ هياغ. عاد وصل علوش وداج للمزرعة ويدخلون بكل هدوء ويفضون كل شيئ وفي الطريق :
داج : كخخخخخخخخ ودي أشوف وجه سكوال لما يجي مزرعته
علوش : هههههههههههههااااي الله يعينهم ..........
بعد ماخلصوا من مهمتهم الناجحة عزمهم الفير كلهم في القهوة حقت ناف ..طبعا دينجر و باتي قاعدين يعسلوا وهم مبسوطين و الفير قاعد يصرف شيكاتن للنذل على فكرته ...علوش وداج مساكين قاعدين ينظفون التريلا من قشور البصل هغغغغغغ هياغ هياغ.
عاد في الصبح راحت سيلفي للمزرعة تبي تقطف كم بصلة ..هغغغغغ.........وتنصدم بمظهر البصل المخيس اللي غطى عليه الذبان ..المزرعة صارت محمية حشرات ........وراحت تبلغ سكوال بالخبر ...سكوال أنصدم وكنسل كل أرتباطاته وطلب أجتماع على مستوى القمة (هغغغغغغ هياغ هياغ) يحضر هذا الأجتماع شركاء سكوال ومستشاريه عشان يشوفو حل لهم ......حضر هذا الأجتماع :
سيلفي 2065
ياورد 85
ديكستر
كونان 87
كارلا
.................................
............................. الجزء الثاني من باتيقول ............................
زي العادة اي اقتراحات مال امها داعي يمدحون الرسايل الخاصة
.............................................................
عاااد سكوااال موصلة معة والاخلاااق زفت ويبي يطلع حرتة بشركاءة وقاعد يلقي الكلمة النارية ويقول:
انا ماأدري ليش حاطكم شركاء جبتولي الخساير والنكبة يالنكبات انا ب...
زيييييييييييييين طع طراااخح (هذا صوت علب كوكا كولا -النوع الجديد اللي قزازة اصلي- اقلع من يد ياورد الى فرة سكوال) فرة =وجه
...........................
وقتها اتمنى انكم تشوفون وجه سكوال وهو معصب ولا يقدر يسوي شيء
ياورد: انا ماقلت لك خلنا نحط حراااس على المزرعة وتقول انت ووجهك الديرة امان واخر شيء تحط اللوم علينا
سكوال: طيب خلاااص (والدمعة لازقة بعينة ما ودها تتطلع) المهم وش نسوي
كارلا : خلاااص ما نقدر نسوي شيء الفاس طاح بالراس
سيلفي: لاياحبيبتي ما راح نسكت لهم انا عندي حل
دكستر: وشهو بسرعة خلصينا
سيلفي: انا لي صديقة اسمها الجليلة هذي بنت عم الزهراء سكرتيرة باتي وحافظة اسرار الشركة وش رايكم اقنعها تلعب بعقل بنت عمها وتخليها جاسوستنا هااااه(ابليس اشتغل عفوا سيلفي اشتغلت):p
سكواال ياثلام(سنة مكسور والبركة بياورد) عليكي جبتيها
...........................................
وتروح سيلفي للجليلة وتفول لها السالفة والجليلة قالت بتحاول بالزهراء بانها تصير معكم بعد الاغراءات المالية من سيلفي ..وراحوا ثنتينهم للزهراء وقالو لها السالفة ووافقت الزهراء (مو خيانة لكن ذكاء )
وعلى طول تروح الزهراء لشركة علشان تعلم باتي بالسالفة ..راحت سألت عن باتي قالو انة هو والفير وسورا مشغولين قاعدين يعسلون بصل بغرفة مخصصى لهالشيء :واو:
....................................
الزهراء قالت مافية الا دنجر الشريك العاقل الوحيد اللي ما يعسل وعلمتة بالسالفة قال خلاااص انتي كأنك معهم وعطينا اخبارهم اول بأول
.....................................
بمناسبة هالمقلب قال دجوو انا بسوي حفلة بهالمناسبة (الخبيث يتقرب من رؤساءة) ووافقو الرؤساء وسو حفلة كل اعضاء الشركة الكباار حضرو بالاضافة الى الملقووف طلال (هذا ولد جيران باااتي..وصديق الطفولة)
.......................................
طبعا دجوو ..زدة يطرد هالملقوف بس خايف من باتي
........................................
اشكال الاعضاء بالحفلة :
الفير وسورا وباتي : لاتعليق (باحدى الزوايا يعسلون)
دجووو: هو المعزب يلف ويدور ويطمن على راحة الرؤسا فقط
علووش : ودة يفتك من طلال اللزقة اللي ماسكة سوالف ساعتين ويقولة انا قد شفتك بس وين ما ادري وعلوش يصرف يبي الفكة
الزهراء: جاسة تفكر كبف تقضي على سكوال وكل شوي تمر تتطمن على باتي لانها سكرتيرتة (بالاصح امي وصتها علي وقالت انتبهي علية )
دنجر : جالس ينصب على كايتو والنذل وفلاي ويقولهم نصباتة اللي لا تصد ولا ترد ولا تصدق (بس هم غصب عليهم يصدقون مجاملة)
...................................................
وبهالمناسبة الفير عطاهم اجازة لكل موضفين الشركة رغم رفض النذل لهذا الاقتراح (لانة نذل...بس يعجبكم بافكارة النذلة)
..................................................
الان الجزء الثالث من دنجر
......................
التكمله
بعد ما خلصت الحفله راحت الزهراء لسيلفي
الزهراء:هلا سيلفي
سيلفي: هلا والله
سيلفي : هاه بشري
الزهراء: ما صار شي...بس
سيلفي : بس شو
الزهراء: هم قاعدين يتكلمون عن تدمير شركتكم بالمبيعات الجديده
سيلفي:يخسووون ...بروح المعاش اهئ اهئ وما عندي مكياج جديد اهئ اهئ وما في حد بيتزوجني<<(هي وين تفكر بالزواج)
الزهراء: هاه اخلصي
سيلفي : عندي خطه جهنميه
الزهراء وش هي
سيلفي :شوفي ترووحين بعد نص الليل الى مكتب الفير (احلى جاسويسيه) وتسرقين الملفات الي توديهم في ستين داهيه (اي ستين واي سبعين )
الزهراء: اوكي .....بس
سيلفي: شوفي عاد لا تقعدين تبسبسين(هذا شيطان ولا وش)
الزهراء:والمقابل
سيلفي: محفوظ يلا روحي
الزهراء : باي
وبعد ما طلعت الزهراء من المكنب راحت سيلفي لسكوال <<(ابو ضرس مجلوووع)
سيلفي :طق طق طق (صوت دق الباب)
سكوال : ادخل
سيلفي : بشر سكوال لقيت الحل
سكوال : وش الحل
سيلفي: وش وش وش وش.........الخ
سكوال : يعيني عليكي يا ثيلفي (خشمك ولا عينك)
سيلفي : ولا يهمك انا لهم بالمفرصاد قصدي بالمرصاد
وبعد ما رجعت الزهراء لشركتها وكملت شغلها بشكل طبيعي (مو مركز) راحت لمكتب دينجر
الزهراء : دينجر وقعتهم في مقلب
دينجر كيف
الزهراء: وش وششششششششش.......الخ
دينجر : (وهو يمسح الصلعه ) برافووووو
الزهراء : وش الخطه الحين يا ريس( اي ريس)
دينجر : امممممممممم .....لقيتها لقيتها
الزهراء :وش
دينجر: راح نقووم بحرق مزرعة سكوال في الوقت الي هم فاكرين انك راح تنفذين الخطه وما راح يشكون فينا
الزهراء:اوكي ومتى
دينجر بعد منتصف الليل
الزهراء: اوكي
دينجر : راح امر عليكي بالبي ام وجهزي معاك العده (بانزيين و شبريـت)
الزهراء : اوكي
وبعد حلوول الليل الدامس
ذهب دينجر لياخذ زهراء
وبعد ما وصلوا لمزرعة سكوال
اسرعت الزهراء ورمت البنزين في كل مكان
ودينجر قام وشغل الولاعه وشبت الحريقه في المزرعه
وفي بيت سكوال
مرته: هاك يود الجرايد يابو ضرس مكثووور
سكوال:هي هي انتي لاتمين تعايرين والله لا اثكش بكف (هذا الرجال والا فلا)
سكوال وهو قاعد يقرا الجريده والا يقرا خبر بحريق مزرعة شركت سكوال للدواجن قصدي سكوال للزراعه
ولا سكوال ين وقعد
سكوال: انخرب بيتي انخرب رحت فيها اهئ اهئ اهئ
وعاد سكوال الى طبيعته زبال بعد ما وصل الى هذه الشركه بانصب والاحتيال
وبعد ما دروا باتي والفير واعضاء الشركه بالقصه قاموا بتكريم دينجر صاحب العقل المدبر
وزهراء الجاسوسه الكبرى
___________________________________________________
وهكذا اخواني الطلاب قصدي اخواني واخواتي تنتهي القصه على امل اللقاء بكم في قصة قادمه مع الثلاثي الرهيب دينجر وباتي والفير
.................................
بالنسبة للترتيب والاخراج واختيار الالوان فانة من باتي (اي انتقادات توجه لة لوحدة)
