المستريح إللي من العقل خالي

هذه قصيدة للشاعر محمد الأحمد السديري من أقرب القصائد لقلبي

يقول من عدى على راس عالي
رجم ٍ طويل ٍ يذهله كل قرناس
في راس مرجوم ٍ عسير المنالي
تلعب به الأرياح مع كل نسناس
قعدت في راسه وحيد ٍ لحالي
كني براس الرجم مرقِب وحراس
في صحصح ٍ قفر ٍ من الناس خالي
يشتاق له من حس فالقلب هوجاس
متذكر ٍ في مرقبي وش جرالي
وصفقت بالكفين ياس ٍ على ياس
يقطعك دنيا مالها أول وتالي
لو إضحكت للغبن تقرع بالأجراس


يا بجاد شب النار وأدن الدلالي
وإحمس لنا يا بجاد لي يقعد الراس
ودقه بنجر ٍ ياظريف العيالي
وصبه لربع ٍ فوق لكوار جلاس


المستريح إللي من العقل خالي
ماهو في لجات الهواجيس غطاس
ما هو بمثلي مشكلاته جلالي
أزريت أسجلهن بحبر ٍ وقرطاس
لا خاب ظني بالرفيق الموالي
مالي مشاريه ٍ على نايد الناس
يعل قصر ٍ ما تجيله ظلالي
ينهد من عالي مبانيه لساس
والبوم في تالي هدامه يلالي
جزاك يا قصر الخنا وكر لدناس
لاصار ما هو مدهل ٍ للرجالي
وملجاء لمنوه يشكي الظيم والباس
يالله يا منشي حقوق الخالي
يا خالق اجناس ٍ ويامفني أجناس
تنثر على البيدا سوات الزوالي
وتخضر فياض ٍ عقب ما هي بيباس
ونشوف فيها الديدحان إمتوالي
مثل الرعاف الخصر مدقوق الأنعاس
ينثر على البيداء سواه الزوالي
يشـرق حـمـارة شرقة الصبـغ بالكاس

أخي العزيز على هذه التحف التي تتحفنا بها ....
والى الأمام ....

أخي الكريم محمود أبو جمال
شكراً جزيلاً على مرورك الكريم..