ارجوا قراءة هذا الموضوع قبل طرح مشكلتك !!

لاحظت ان كثير مشاكل في هذا المنتدى يطرحها الواحد بدون تفصيل فيصعب على الاعضاء حلها , فياليت اي احد تواجهه مشكله بالكمبيوتر قبل ما يبدا بكتابة مشكلته يكتب هالاربع تفاصيل الاساسيه عشان يوفر على نفسه و على غيره الوقت و المجهود و عشان تتم مساعدته باسرع طريقه ممكنه :

1- إصدارة وندوز المستعمله :
يعني 95 , 98 , ME , 20000, او XP لان الحل قد يختلف في كل اصدار عن الاخر.

2- وقت حصول المشكله :
يعني متى تذكر انها صارت؟ هل بعد تثبيت برنامج او برامج معينه او من اول ما اشتغلت على النظام؟

3- محاولات حل المشكله :
يعني الاشياء اللي جربتها عشان تحل المشكله , مثلا هل جربت تسوي سكان على الفايروسات بالكمبيوتر بـanit-virus محدث؟ هل سويت فورمات للجهاز؟

4- كتابة رسائل الخطأ ان وجدت :
يعني اذا ظهرت لك رساله خطأ اكتبها بالظبط مثل ما هي ان قدرت و ما تحاول تشرحها بتعبيرك.


و تذكر ان زيادة تفصيل المشكله يساعدك في الحصول على حل أسرع.


اتمنى من احد المشرفين تثبيت الموضوع اذا ممكن عشان تسهل مساعدة الاعضاء في هذا المنتدى...

و شكرا...