عروس تبي مساعده

السلام عليكم ورحمه الله وبركاته


انا عضوه جديده بالمنتدى
الصراحه عجبني منتداكم عن باقي المنتديات لانه شامل ويحمل الكثير من المواضيع المتميزه

بالحقيه انا عروس وعرسي بعدخمس شهور تقريبا :08:
وحبيت اجهز من الامارات وخاصتا دبي :cool:


الصراحه انا زرت دبي مره وحده بس بالمهرجان وماعندي فكره كافيه عن السوق والتسوق
وحبيت تساعدوني بالاماكن الي ممكن اشتري منها واجهز لعرسي فيها
يعني من اماكن الخام خصوصا تعرفون عروس و ولازم اجهز وابي محلات اقمشه ممتازه وكويسه يعني من الغالي والرخيص
وبعد محلات البخور والعطورات الممتازه و عن الملافع والعبايات والاكسسوارات والشنط والجواتي :biggrin:


ارجوكم تساعدوني لاني ماعندي فكره ابد عن التسوق بدبي


اختكم
فناتك

الله يوفقك ويتم عرسك على خير
بس لاتبذري وخدي الشي الحلو والمعقول

الله يوفقك إن شاء الله ..
:) .

مشكور اخوي على مشاركاتك وبالنسبه للتبدير لا توصي حريص :p



بس وين باقي الاعضاء ارجوكم ساعدوني يعني معقوله 40 واحد وماتعرفون اماكن تسوق بالامارات :17:

بليز انا انتظر ردكم :reporter:


اختكم
فناتك

هذا موقع إن شاء الله يساعدكِ في إيجاد المحلات، و إن شاء الله لما أجد موقع آخر سوف أعرضه لكِ. :)

http://www.dwtc.com/arabic/directory/shopping.htm

مشكوره اختي على الموقع المميز والحلو


بس حبيت اعرف اكثر عن القماش تحديدا واذا كان في دبي سوق مخصص للاقمشه ؟


واشكرج على التواصل

اختك فناتك

وينكم يا لاقي الاعضاء معقوله اكثر من ميه ما شاء الله عليكم

وما رد علي غير ثلالث اربع اشخاص

وحده منهم بس عطتني الاماكن


وينكم


ردو علي عرسي قرب عقبالكم كاكم انشاء الله :08:


انا بأنتظار ردكم علي :biggrin:

اولا مبروك ، و ان شاء الله بالتوفيق :)
ثانيا : ا نا انا بعد عروس مثللج ، بس الفرق انى ما اعرف متى تاريخ عرسى :09:
و انا اصلا ما جهزت لهاذيج الدرجه ، بس فى كمن مكان ببالى ممكن اساعدج فيهم ، محنا فى الهم سوى :tongue2:
فى عندج مصانع عجمان ، و انا سمعت من ربعى انها حلوه و فيها من كل شى وبا سعار معقوله
و بعدين المراكز ، مع انى صراحه شايفتنهم وايد غالييين ، يعنى اشتري كمن شنطه و عبايا و شيل من هناك و ايضا السوق الجديم فى الشارقه ، فيه محلات اوكى و اسعارها احسن على الاقل من المراكز اللى تزيد فى السعر بسبب ايجارها الغالى :mad:
و الصراحه دبي ما عندي علم الا اظن انه فى مكان اسمه سوق الصنادق ، اظن هذا اسمه ، يقولون اشياءه بعد اوكى
و اخيرا اقول الله يعينج ، لانى شخصيا اكره طللعه الاسواق , و ما اعرف كيف بجهز:D اصلا

تسلمين حبيبتي لوبيل على المشاركه الحلوه
والف مبروك انشاء الله


وانا مثلج بعد ماني عارفه كيف اجهز وحبيت اجهز من الامارات :06:

اولا : لاني من عشاق الامارات
وثانيا : حبيت اجهز شي مو متواجد عندنا بالكويت

واذا تبين تعرفين اي شي عن الكويت انا حاضره

ومشكوره بعد على المعلومات



وعندي فكره شرايج فيها
انتي تجهزين من الكويت وانا اجهز من الامارات :biggrin:

يله بالتوفيق ان شاء الله..^^

مبارك

أنا رحت دبي مرة وحدة بس
لكن في أسواق ( غالية ) مثل السيتي سنتر
و برج مان - وسوق غرير في الشارقة
هذه أسواق متاكملة
فيها محلات عطور فخمة ورائعة ومحلات ملابس
وفي سوق شعبي معروف في دبي
ناسي اش اسمه بس تسألي اي واحد في دبي يدلك عليه
على العموم معليش ما فدناك
وألف مبروك

اما أنا ماعمري زرت الامارات لكن بودي ازورها
لكن هاليومين هذي طفران

مبروك اختي إن شاء الله منج العيال ومنه المال

واتمنالج الذريه الصالحه

حرام عليج انتي بالكويت وتروحين الامارات الكويت اشفيها !!

روحي الجهرا فيها اسواق عجيبه لوووووووول

باي

(< راعيها >)