اريد ان اعرف هل القصيدة مكسوره ..؟
السلام عليكم ورحمة الله وبركاته
اخواني واخواتي في منتدى الشعر
صبحكم الله بالخير ..
اريد ان اعرف هل هذه القصيده مكسوره اما لا ..؟ وذلك للأهمية..
اتى صديقي البارحه وقال لي عندي قصيد وابيك تعرف مكسوره ولا لا
قلت له ما اعرف..
بس راح احطها لك بمنتدى يعرفون بشعر .. قال ياليت ..؟
ولكم القصيده ...
..............................................
غلطت بالدنيا كثير وتماديت
غلطت وانا عارف حتى بصلاتي
غلطت شبابي للأسف ليت ماخطيت
غلطت حبيبه شلتها من ذكرياتي
غلطة كبيرة يوم شفتك وحبيت
غلطة كبيرة غلطتها في حياتي
أول بعيونك اشوف الشوق لاجيت
وألحين حتى الشوق عاف نظراتي
أول لا تأخرت تقولين حاتيت
وألحين وش يعني لو طالت غيباتي
أول لاشفتني قــمت وهليت
وألحين حتى تكره شــــوفاتي
تقول اول احبك وألحين غيرك لقيت
سلم على حبك وبلغه تحياتي
وليتك تسامحني على الي سويت
هذي حياتي وانا حره بحياتي
يابنت والله على حبك مابكيت
لاني عارف انك اكبر غلطاتي
بس كابرت وقـــلت ياليــــت
يدوم حبنا مثل البناياتي
وبنهي كلامي.. وراح تقولين ..ياليت ..؟
يرجع زمان فيه .(( فلان )).. وسط ذاتي..
وسلامتكم..
افيدوني.. لانه ادوخني . :33:
مشاركة: اريد ان اعرف هل القصيدة مكسوره ..؟
ياهلا فيك اخوي ..
واسمح لي اقول لك من خلال خبرتي البسيطه ..
ان هذي القصيده فيها بعض الكسور والاخطاء في الوزن ..
ولكن صديقك ابدع في المعنى ..
وهذا يدل على ان لديه الموهبه ولكن تحتاج الى الصقل ..
وكذلك محاوله اكتساب قدر اكبر ومعرفه بحور الشعر ..
تمنياتي لك ولصديقك بالتوفيق ..
تحيااتي للجميع واتمنى اني ماثقلت عليك ..:)
مشاركة: اريد ان اعرف هل القصيدة مكسوره ..؟
الف شكر لج اختي الحائره
ولان كيف يعرف انا القصيده مكسوره ...؟
هل يوجد لحن معين ..؟
وكيف يوزن القصيده ..؟
ولايتجي انتي او احد الاخوان ان يجاوب على هذه الاسئله ..؟
وشكر ..
