^^__ (البنجرجي) يداوي الناس وهو عليلو __^^

السلام عليكم ورحمة الله :)

طبعا عارف اني هاليومين متعبكم ومسوي قلق بالمنتدى بمواقفي اللي تصير معاي :06:

لكن مظطر اقول السالفه هذي :12:

المهم ما علينا اول شي اتمنى كل اللي يقرا الموضوع الحين يروح يعلي على المكيف لانه يمكن يندمج ويحر :أفكر:

الكل عارف انه درجة الحراره بالكويت اوصلت 48.2 :shock22: فحطمت الرقم القياسي السابق المسجل ب 47

من ثلاث سنين فاتت المهم ما علينا .. يقولكم المصائب لا تاتي فرادا ... على الحر هذا والشمس الحراقه

خرب مكيف السياره :wow: .. صار الحر لا يحتمل قلت يا ولد شوراك ودها لاي بنجرجي ( يعني ميكانيكي )

يفحصلك اياها .. المهم وانا رايح صناعية فحيحيل والقالكم هذاك البنجرجي ( شرحنا معناها قبل شوي ) :08:

اللي شكله هو المنقذ .. المهم قلتله يا ابو الشباب عندي المكيف خربان يمكن يبي غاز ولا فيه تنسيم ولا شي

قال مالك شغل انا افحصه انا البنجرجي ولا انت ( انا قلت هذا اولها ينعرف تاليها) ... المهم ما علينا

توه ما مداه شاف السياره ولا يقولي الكمبرسر خربان ( وما ادراك ما الكمبرسر )

قلتله يا اخ كم تبديله !! جان يعطيني السعر الفلاني !! قلتله مشنا اي شي حاول تصلحه .. الشتى على الابواب

قال تبي تبدل ولا الصناعيه متروسه بنجرجيه وحياك .. قلتله لا يا اخ انت شكلك فاهم بدله الله يرحم والديك

المهم شوي ولا ابو الشباب مطلعه الكمبرسر .. ويركب لي كمبرسر جديد

طبعا الرجال ما قصر جاب لي جاي ( شاهي ) وماي وجريدة ( هو من اصل عربي ومعروفين العرب بكرم الضيافه) !!

على ما خلصت اللي بيدي ولا هو خالص وقاعد يعبي غاز

شوي ولا يقولي حجي ايدك على الحسباب شوي ولا يجيه هندي قاله جيب مفتاح سياره يبي جيب طابوق !!

قاله دربالك ترى السياره مافيها مكيف !!!!!!!!! :shock22: انا اول ما سمعت الكلمه هاذي حسيت

مثل الصاعقه انزلت على راسي قلت هذا يصلح مكيفات العالم ومكيف سيارته خربان :17:

جان اقوله يبا اللي اوله شرط اخره نور ما راح اعطيك الا نصف الحساب .. واذا مشا معاي الكمبرسور تمام بعطيك

النصف الثاني قال لاااااا والف لا قلتله يا ابو الشباب مو عاجبك شيل كمبرسرك وانت قلتها لي من الاول في الف محل

وهذي سالفتي مع البنجرجي ارجو اني كنت خفيف الظل ...... اترك التعليق لكم

يا أخي وش قصتك انت ؟

يا انك حق مصايب ( عربجي ) او ان امك تدعي عليك كل يوم :shock22:

طيب كان المفروض من اول ما شفت معاملته تركته ورحت لغيره :o

بس بيني وبينك والله انه كريم وسنافي .... على الأقل قدم لك شاي :أفكر:

وان شاء الله نشوف مسلسلك في رمضان ( عادل والدنيا ) :p

والله يقويك يا أخوي .

اقتباس:

---

المشاركة الأصلية كتبت بواسطة mod

يا أخي وش قصتك انت ؟

يا انك حق مصايب ( عربجي ) او ان امك تدعي عليك كل يوم :shock22:

طيب كان المفروض من اول ما شفت معاملته تركته ورحت لغيره :o

بس بيني وبينك والله انه كريم وسنافي .... على الأقل قدم لك شاي :أفكر:

وان شاء الله نشوف مسلسلك في رمضان ( عادل والدنيا ) :p

والله يقويك يا أخوي .

---

لا والله لاني حق مصايب ولاني عربجي ... والوالده ما تقصر والله بعد الصلاة تدعي لي الله يخليها قولو امين

بس يا اخي بيني وبينك مالي خلق افتر على البنجرجيه وكل واحد انصب من الثاني ... قلت اخلص معاملتي

وترى انا مالي حظ ... يقولك المثل عطني حظ وقطني بحر !

الا اقول ارجع له باقي فلوسه ولا اسحب عليه :shock22:

والله شكله المسلسل قريب ينزل :31:

يسلمو مود على الرد واان رايح في قيلوله الحين فمان الله

والله مسكين حتى هذا يقص عليك :p

والبنجرجي معروف اذا قلتله المكيف خربان ماعنده غير الكمبريسر علشان ياخذ فلوس اكثر

اذكر مرة اخويسيارته خرب المكيف ووداه البنجرجي ولا يقوله الكمبريسر خربان
تصليحه بالسعر الفلاني(سعر خيالي )

ضحك اخوي ومشى عنه
راح لمحل ثاني في واحد شكله امين وطلع المكيف مافيه شي بس ان الواير مقطوع بدله بدينار
والحبيب الي قبله طلب تصليحه بـ100دينار يبي يضحك عليه :p

اقتباس:

---

الكل عارف انه درجة الحراره بالكويت اوصلت 48.2

---

خخخخخخخخخخخخ :p

منو ضحك عليك وقاله هذا

الساعة 10 الصبح الحرارة 50 فما بالك بالساعة 12الي يبخر الراس :p

اقتباس:

---

هو من اصل عربي

---

اكيد سوري ولا فلسطيني :o

اقتباس:

---

ولا يجيه هندي قاله جيب مفتاح سياره يبي جيب طابوق !!

قاله دربالك ترى السياره مافيها مكيف !!!!!!!!!

---

حتى لو فيها مكيف مايشغله يفتح الدرايش :09:


شكرا لشرح معاناتك :31:

اقتباس:

---

xbs
والله مسكين حتى هذا يقص عليك

والبنجرجي معروف اذا قلتله المكيف خربان ماعنده غير الكمبريسر علشان ياخذ فلوس اكثر

اذكر مرة اخويسيارته خرب المكيف ووداه البنجرجي ولا يقوله الكمبريسر خربان
تصليحه بالسعر الفلاني(سعر خيالي )

ضحك اخوي ومشى عنه
راح لمحل ثاني في واحد شكله امين وطلع المكيف مافيه شي بس ان الواير مقطوع بدله بدينار
والحبيب الي قبله طلب تصليحه بـ100دينار يبي يضحك عليه

---

اوووووووف لا يكون قص علي >_< ... بس يا اخي الكمبرسر اللي ركبه صار يبرد اقوى من القديم !! :31:

بس اقول باقي فلوسه للحين ما رديتها له ... اذا قص علي قولي ما اردهم له :biggthump

اقتباس:

---

خخخخخخخخخخخخ

منو ضحك عليك وقاله هذا

الساعة 10 الصبح الحرارة 50 فما بالك بالساعة 12الي يبخر الراس

---

لا هذي 48.2 الدرجه تحت الظل ...لكن بالشمس الدنيا تغليييييييييييييي

اقتباس:

---

اكيد سوري ولا فلسطيني

---

والله انه عندك خبره ...هو سوري :)

اقتباس:

---

حتى لو فيها مكيف مايشغله يفتح الدرايش


شكرا لشرح معاناتك

---

ههههههههه قلنا هندي بس مو رامبو يفتح الدرايش وهو ماشي بالسياره عشان ينصلخ وجهه ويصير مشوي

اسال مجرب ... عاد لا يحوشك لو يروح على طريج المطار والصخر يجي على وجهه كاااااااااااااااك

عفوا :28:

نسيت اقول
العنوان غلط

^^__ (البنجرجي) يداوي الناس وهو عليلو __^^
والصح

^__^ (البنجرجي) يداوي الناس وهو عليلو ^__^<<<<لقافة

ولا هذي عادليات جديدة :p

اقتباس:

---

ههههههههه قلنا هندي بس مو رامبو يفتح الدرايش وهو ماشي بالسياره عشان ينصلخ وجهه ويصير مشوي

---

والله ما اجذب عليك

مرة بالدائري الرابع هندي يسوق حوت 2004 ومنزل الدرايش

اقتباس:

---

اسال مجرب ... عاد لا يحوشك لو يروح على طريج المطار والصخر يجي على وجهه كاااااااااااااااك

---

جربته مرة بالحى الله لا يوريك عذاب جام السيارة تشرخت

اقتباس:

---

نسيت اقول
العنوان غلط

^^__ (البنجرجي) يداوي الناس وهو عليلو __^^
والصح

^__^ (البنجرجي) يداوي الناس وهو عليلو ^__^<<<<لقافة

ولا هذي عادليات جديدة

---

انا كل شي بدنيتي ماشي غلط ....جاي تحاسبني على هذي :mad:

اقتباس:

---

والله ما اجذب عليك

مرة بالدائري الرابع هندي يسوق حوت 2004 ومنزل الدرايش

---

شنو يعني ...انا شفت همر لوميزين واقفه على الخط سريع عن الامان ... وياشر الهندي يبي احد يعبيله بانزين !! :shock22:

اقتباس:

---

جربته مرة بالحى الله لا يوريك عذاب جام السيارة تشرخت

---

ههههههه انا 24 ساعه امر عليه مو الجامه اللي راحت بس الا الدعاميه كلها راحت .......ياساتر >_<

ماكو الا ابرقع السياره !! :shock22:

لوول لك مواقف يا عادل.. :D موضوع رائع :biggthump

بالنسبة للبنجرجي.. من وين جت هالكلمة؟ :31:

مرة بالدائري الرابع هندي يسوق حوت 2004 ومنزل الدرايش

خخخخخخخخخ الحوت 2004 انتم الخليجيين عندكم مصطلحات فرعونية XD!!!

اقتباس:

---

المشاركة الأصلية كتبت بواسطة KJF

لوول لك مواقف يا عادل.. :D موضوع رائع :biggthump

بالنسبة للبنجرجي.. من وين جت هالكلمة؟ :31:

مرة بالدائري الرابع هندي يسوق حوت 2004 ومنزل الدرايش

خخخخخخخخخ الحوت 2004 انتم الخليجيين عندكم مصطلحات فرعونية XD!!!

---

انا الحين اشرحلك معنى البنجرجي :

اللي يشتغل في الساعات يسمونه (ساعاتي)

اللي يشتغل في النظارات يسمونه (نظاراتي*

الميكانيكي اكثر شي يشتغل في تعديل تواير السياره التاير لمن ينفجر احنا نسميه ( بنchر)

فهو يشتعل في ال ( بنchر) فسميناه ( بنchرchي) ... الحين اكيد اوصلت المعلومه :p

واي مصطلح في بالك قوله لا تستحي ..وشكرا على المرور

يعني تقصد اسمه محرف حيل :D
اقول سمعت بمصطلح اسمه ميكانيكي؟ :08:

اقتباس:

---

المشاركة الأصلية كتبت بواسطة KJF

يعني تقصد اسمه محرف حيل :D
اقول سمعت بمصطلح اسمه ميكانيكي؟ :08:

---

هو من ناحية محرف فهو محرف جدا

ومصطلح الميكانيكي صعب على لهجة الكويتيين فبنجرجي افضل :P