قبل ان نبدا بسرد هذه القصة اود ان ابلغكم انها لاتشير الى أي حدث واقعي سابق او أي اتجاه سياسي(ايه هيّن )...وشكرا
ابطال هذه القصة هم على النحو التالي :
عليّان (حي الشفا بالرياض) حامل شهاده ثانوي قسم ادبي ولما عزم يكمل دراساته العليا دخل المعهد المهني بالرياض تم فصله لسوء سلوكه...عمل سكيورتي في كذا سوق في الرياض وتم فصله ايضا لسوء سلوكه
سطام(حي منفوحه) خريج ثانوي بمعدل جيد جدا ولم يتم قبوله في أي جامعه او أي معهد ...ويعمل سكيورتي في احد الاسواق في الرياض
دحومّي(حي المصيف) عاطل ,صايع ...اذا له من سجّل فهو انه يتتن له 17 سنة يعني من يوم عمره خمس سنين
البدايه,اوتوبيس طالبات جامعة الملك سعود يقف امام احد المنازل ...وطالبة تنزل من الاوتوبيس ....شاب مشخص (عليّان) يتجه الى شباك السائق الهندي ويساله عن سوق تجاري وفيما السائق الهندي منشغل في الحكي مع ذاك المخيس اقصد الشاب....شابيين مدججين بالزبيرات وعقالين وجوال الكاتيل (مافي ارخص منه) يقتحمون الاوتوبيس ويعلنان احتلاله ...تذكرون الشاب اللي كان يكلم السواق ..عطا السواق لكمة قاضيه على راسه والنتيجه ...امتلت يد الشاب بالزيت من شعر الهندي...وبعدها لحق اصدقائه الاثنين الى داخل الاوتوبيس وعندها اصبح الاوتوبيس رسميا تحت الاحتلال قصدي الاختطاف .........
(عليّان) ياشباب ترى الان الجزء الاول من الخطة نفذناه بالكامل.....(دحومي)حلو طيب وش الجزء اللي بعده ...هاااااه نغتصبهم..(سطام) لا لا ياشباب وش اغتصابه احنا اتفقنا على اننا نخطف الاوتوبيس ونرقم البنات اللي فيه كلهم ونسوي قدامهم حركة مرجله وبس لاتنسون...(دحومي )اقول ياعليّان خلك من سطام وفلسفته اول شي خل كل البنات يفتشون كلهم ولا اقول لك خلني اتلذذ بهالشي ارجوووكم لاتحرموني...بارفع غطوة هذي...الله حلوة وبيضا ياناس في سعوديات بيض...,وهذي لا لا ياربي ما اقدر استحمل شعرها اصفر وناعم شوفوا ناعم ارفعه بيدي ويرجع يطيح ...وهذي ايوة ياحلوة....لااااااا وووووعععععععع عبده معنا عبده لااااا هم وراي وراي وقفوا الاوتوبيس بارميها برا ياربي ما اقدر استحمل..(سطام) دحومي وش اتفقنا عليه ماقلنا بس نرقمهم ونمشي لانكلمهم ولانتعرض لهم يعني انت ودك تسوي جنايه ولاتودينا في داهيه.....(عليّأن) ياسطام ياحبيبي هناك مستجدات في الامر وتعديلات طفيفة على الخطة بصراحة تبينا نكون في اوتوبيس فيه مالايقل عن 40 بنت ...تعرف وتستوعب معنى كلمة بنت تكفى قل لي ايه .....خلنا نشوف شي حلو لومرة واحده قبل مانموت ياشيخ كنت احس اني باموت ناشف...
صوت دورية مسرعه تلحق الاوتوبيس (وي وي وي ويو ويووووييووويويوي) المجرمين الثلاثة يتلخبطون..(عليّان) من بلغ من صرح باننا اختطفنا الاوتوبيس....(دحومي) يلعن ابووووووهم عندهم دبابيسات ماكفاهم الدبابيس في كل مكان..(سطام )قلت لكم نرقمهم ونمشي شفت ياعليّان شفت يادحومي كان رقمناهم وخلصنا......(الدوريه) ياسواق الاوتوبيس وقف على جنب ولاتكثر حكي وقف على جنب....عليّان يطلع راسه من الدريشه قصدي النافذه ويقول ...الاوتوبيش مختطف من قبل جماعة...الا وش اسم جماعتنا ياشباب..(دحومي)حلوين الرياض ولا اقول لك طخوم الرياض ولا اصبر ايه الاقمار الثلاثة..(عليّأن) هذا الاوتوبيس مختطف من قبل جماعة الاقمار الثلاثة...(الدوريه) ياورع اسكت ودخل راسك انا اكلم السواق ...ياسواق الاوتوبيس وقف على جنب اقول لك...(دحومي) يكلم السواق ترى قسما بالله قسما بالله لو توقف بالعقال على ظهرك فاهم....(الدوريه) وبعدين وقف ياسواق الاوتوبيس....(عليّأن) ماحنا موقفين زين.... ماحنا موقفين, الاوتوبيس مخطوف لين تتحقق طلباتنا ....شباب عطوني طلبات ....(الدوريه) القضيه باين انها جد ..شوف ياورع منك ليه, الاختطاف والاوتبيس هذي تتفاهموا فيه مع الجهات العليا...اهم شي عندنا ان سواق الاوتوبيس يربط حزام الامان ...(عليّان) بس كذا دحومي ربطه ربطه تكفى لو بحبل......في هذه الاثناء سطام يبكي على وهو جاثيا حلوة جاثيا على ركبتي بنت وهي تطبطب علييه(سطام)والله كان قصدنا بس نرقمكم وبس, يعني حركة جديدة وطلعه وزي مانتي شايفه لا فيصليه قادرين ندخلها ولا احنا بذاك الزين ..شيف بعيد عنك..(البنت)لا لاتقول كذا انت مو شين انت وسيم انت حلو بس لاتبكي علشاني ...امانه امسح دموعك....
(عليّان) يمسك الهاتف الجوال ويدق على رقم 999 ....(العمليات) الو معك عمليات الرياض ..(عليّان) انا المتحدث بالنيابه عن جماعة الاقمار الثلاثة اعلن عن كامل مسئوليتنا عن اختطاف اوتوبيس من جامعة الملك سعود للبنات ..الاوتوبيس رقم415...(العمليات) ياوجه الله وش تهرج انت وش اوتوبيس بني انت ووجهك وش تحكي عنه ...(عليّان)المهم احنا الان اجبرنا السواق على انه يمسك الدائري الغربي وفي حوزتنا قرابة 37 بنت رهن الاختطاف...(دحومي) لااااا 36 بنت هالعبده قلبي مو مرتاح لها بالمرة ياخي احس اني شايفها من قبل في قهوة (القمر فريند) مو شكلها شكل بنت (العبده)مقيوله من حبك سبك, انا ياعمري اسمي نسمة انت دحومي الله لايقين على بعض (دحومي) اسكتي جاك البلا في شكلك أي لايقين على بعض انا قبل ما الوق لك اذبح نفسي زين ...(سطام )وبعدين ياشباب وبعدين يادحومي قلنا نرقمهم ونمشي ولا خلااص مو لازم حتى نرقمهم بس مانرتكب حماقات اخرى...(العبده) لالا واللي يخليكم لاتخلونا اختطفونا اختطفونا على الاقل اختطفوني انا ترى قلبي و قلب دحومي تعلقوا ببعض ياربي يسلم لي هالطول....دحومي راح يرفع غطوات بنات ثانيه ...الله اللله تعلمي يالعبده هذا يسمونه لون ابيض ..هاه وش رايك ياعليّأن (عليّان) حلوة بس لا لا فيها حبة خال وتعرف اني اقرف من حبة الخال وووووعععع غطها غطها ياشيخ....
التليفون يرن ...(عليّان )مرحبا .من معي .....(العمليات ) ياولد انت هرجك جد ولاكذا وكذا, معك اوتوبيس بنات ولا انت مريض ولاتمزح ترى رقمك طالع بالكاشف والله لو تكون تلعب اني لاوريك شغل الله....(عليّان) انت ياعسكري ماتفهم ولا انت تستهبل والله اننا خاطفين اوتوبيس بنات واحنا الان في الدائري وماراح نسلمهم الا لما تنفذون لنا كل مطالبنا...(العمليات) ياولد اسكت سكت زيرك انتظر لين احولك للضابط المسئول يعرف يتفاهم معك وانا اخو رقيه اخوها...ترن ترن ترن(الضابط)من معي...(عليّان) معك المتحدث الرئيسي باسم جماعة الاقمار الثلاثة والمسئولة عن عملية الاختطاف....(الضابط) مفهوم مفهوم سمعنا ان لكم مطالب ...ممكن اعرف مطالبكم؟ (عليّان) مدري....لحظة ياحضرة الضابط باخليك شوي على الهولد ولا اقول لك بارجع ادق عليك بعد 5 دقايق.....شباب وش مطالبنا....(دحومي) اولا يسمحون للشباب بالدخول للفيصليه ويمنعون المحتشمات من دخولها ونبي جولات ارقام سبيشل ونبي سيارة فيراري ومليون ريال لكل واحد مننا...(سطام) انا اقول ياشباب مانبي الا الستر قل لهم ياعليّان انهم يسامحوننا ويادار مادخلك شر وقبل مانطلع نرقم البنات...(عليّأن) انا اقول اننا نطالب بطيارة هليكوبتر تنزل في مدرج في مطار الملك خالد وتودينا للبحرين ومن البحرين على ماليزيا ومن ماليزيا الى لبنان ونصير لاجئين سياسيين هناك ولكل واحد مننا مليون دولار ..هاه وش رايكم ويعني بنات لبنان عن بنات الرياض ماهنا فرق كلهم بنات ..هااه وش رايكم خلاص باكلم الضابط.
(عليّان) الو ياحضرة الضابط انت الضابط اللي كنت تسولف معي من شوي (الضابط) أي نعم هااه وش مطالبكم ..وقبل كل شي نبيكم تضمنون سلامة جميع الطالبات (عليّان )يعني الهندي والاوتوبيس مسبلينهم انشالله ( الضابط) لاتستخف دمك بس انا اقصد جميع الركاب.......صراخ بنت دلووووووعه.... يمممممممممممي لااااااااا ..دحومي كان يعفط ويلعب بوجهه قدامها ويحط اصبعه في خشمه ثم يحطه في فمه على باله انه خفيف دم......(الدلوعه) ياقذر ابعد عني سبني في حالي...(دحومي)اسبك لا لا انا ما اسب البنات الحلويين اصلا السب مايليق لك اللي تستاهل السب والشتم والجزمة...هم بعض الناس ..واللي على راسه بطحا يحسس عليها يانسمة....(نسمة العبده) يا يا يواد ياثقيل يادحومي ياتاعبني ياااه انا بالي طوولي وانت انت عاجبني ...طنبق طنبق طمبققق ..ورى ورى ورى ....(الضابط) وش اللي يصير الان عسى ما اعتديتوا على احد ركاب الاوتوبيس وش اللي صاير الان يا عليّان...(عليّان) ابدطال عمرك ماصار شي بس اختلاف في وجهات النظر .وترى ياحضرة الضابط مطالبنا على النحو التالي مليون دولار لكل واحد وطياره تاخذنا من البحرين الى ماليزيا ومن ماليزيا الى لبنان ونصير لاجئين سياسيّن هناك ..(الضابط) على العموم راح اوصل طلباتكم للمسئولين والى ان ارد عليك ارواح الطالبات امانة في رقابكم ..فاهمني؟؟؟؟....(عليّأن) ابشر ......شباااب شكل مطالبنا بتتنفذ هههههه...(سطام) ياخوفي نتوهق ياشباب ترانا بعدنا كثير عن الخطه المرسومة....(دحومي) سطام انت بنت يومك تذكر الخطة الى الحين (الخطّه=لعبه شعبيه قديمة) ....(نسمة العبده) حلوة حلوة يادحومي ياقاهرهم انت كذا صدقني انك كذا اكه .. .(دحومي)(اككوكيي انتي وامك وابوكي ورموكم للكلاب انشالله) اقول ياشباب عندي فكرة توها طانّه براسي وش رايكم ناخذ البنات للثمامة و...(نسمة العبده) لا لا كل شي الا الاعرااض انا ما ارضى ...اما اغتصبني بروحي ولالا انا زي الفريك ماليش شريك ...(عليّان) اقول يالكفر انثبري وانت يادحومي شف حل لخويتك تراها ابلشتنا ثانيا وش تبينا نسوي في الثمامة....(دحومي) انا اغتصبك يالخبله والله اموت قبل ما افكر حتى ...انا قصدي ياشباب نشغل اغاني ونرقصهم ونصورهم واحنا معهم نكسر عيون شباب العليا بهم يعنيي كل هالبنات يجون لمخيمنا...هااااه وش قلت.....(سطام) أي تصوير واي هبال احنا نبي حل للمشكله وانت تبي تزيدها لخبطة.....(البنت الدلوعه) واااااو- دي جي- يالله كم احب هالاشياء انا كتيييير ,وريكي مارتن وباك ستريت بويز واااااو اتز ريلي نايس .....(دحومي)هييي انتي وش تحكين...(نسمة العبده) اقول انتي يالدلوعه اشوف عيونك زاغت رحتي للبف حقي هاااه وش القصة وش انتي ناوية علي ....(البنت الدلوعه) يابايخه ..ايش معنى البف؟؟....(دحومي) يلعن شكلك ياعبده ياخبله انا اموت ولا ابف لواحده زيك, ثانيا الا الكلام القذر يعني بف في عين اهلك اللي جابوك....(دافورة) استنوا استنوا بف معناهاا على ما اعتقد رمز فيزيائي... ثانيا خلصونا ترانا تاخرنا كثير على الرجعه مو كفاايه من قبل نرجع اربع ونص العصر من دون شي والحين متى بنرجع على كذا.(عليّان) ياهووه يا دحومي وصارت تكتب اسمك على دفتر الفيزياء حقها ....(نسمة العبده) فيزياء في خشمك انشالله ياماما انا ادبي ابويا رفض اني ادخل علمي ثانيا ماتعرفون البف ...انتي يادلوعه ماتكتبي في رسايل جوالك الى بفي ...(الدلوعه) اناااااا ...ااه قصدها bfيعني البوي فريند ,فهمت عليك الا انت يادموحي صدق هي الجيرل فريند حقتك...(دحومي) وش دموحي ووش جيرل فريند لاتصدقينها والله لاخطبتها ولا سويت لها شي ...(سطام ) قصده يعني هل هي خويتك ...(دحومي ) لاااا الله لايقوله....
وبينما الاوتوبيس في طريقه واذا سيارات قوى الامن تنطلق وتحاصر الاوتوبيس من كل اتجاه وتامر سائق الاوتوبيس بالتوقف فورا.....(الهندي) بابا دهومي بابا اوليان هازا في مسكله كبير انا في وكف سيارة بادين ....والله وينط الهندي من شباك الاوتوبيس وينحاش .....وتبدا المفاوضات بين قوى الامن والمختطفون .....(قوى الامن) الى المختطفين الى جميع المختطفين الاوتوبيس محاصر من جميع الجهات نحذركم من استخدام العنف ضد الرهائن ...نكرر ممنوع استخدام العنف ضد الرهائن ....(سطام) شباب احنا الان محاصرين وش السواة دبروني ما معنا أي سلاح ....(عليان) انا اقول نفصخ جزم البنات ونخبط بها الارض بيطلع كانه صوت رصاص...(دحومي) حلوووة هالفكره ومنها فرصة نشوف سيقان يالله يالله 23 سنة ماشفت فيها الا بنت جيراننا ام 9 سنين وفي هذا اليوم الفضيل اشوف وجوه وسيقان مرة واحده ...احمدك يارب...(نسمة العبده) وشوو تراني اغار والله من جد خل سطام يسوي كذا بدل ماهو يتبكبك وانت يا دحوم قلبي تعال اوريك سيقاني تصدق انها تلمع ..مو مصدق تعال شوف ....(سطام ) وهو يبكيي ...ماتوقعت انها بتصير كذا سامحني يارب واللهي يابنات ماكان قصدنا بس ابليس الله يلعنه سامحوني ولاتفهموني غلط كل- البنات تعاطفوا معه - ووقتها نسمة العبده طلعت راسه من الشباك (نسمة العبده) الحقونا الحقونا راح يغتصبونناا وش يغتصبوننا قصدي يغتصبوني يراودوني عن نفسي أي أي لامش كده .....(عليّان ) _وكان متسلح بعقال وجزمة كعب شوكتها طولها 12 سم_ترى سلامة الطالبات في خطرلاتخلوننا نتهور ترا نتهور ونخربها كل البنات الان حياتهم مرهونة بتصرفكم معنا ....(قوى الامن)كم عددكم ايها المختطفين؟؟.....(نسمة العبده) ثلاثة ثلاثة وفيهم واحد جرح الواد تبعي دحومي ...(عليّان) دحومي شف لك صرفة في هالعله اذبحها ارمها من الشباك... .(دحومي)اقول نقتلها احسن وش رايك بس؟.....
سطام يلطم ويلطم ويلطم لامرة ولامرتين بل ثلاث مرات ....(سطام )ياربي سترك يارب ويروح يكلم البنت اللي كان جاثيا عند ركبتيها...والله ماكان قصدي انا الغلطان...(البنت ) لا لاتسوي في نفسك كذا ربي يعلم انك طيب بس اصدقائك وحشين يالله يابنات قولوا له ان طيب وحبوب وكيوت مرة ...مو؟؟.........(نسمة العبده) وياللومي وياللومي من يشبه دحومي ....ون تو ثري دحومي يسوى عمري....(عليّان) شباب رايكم نستسلم الان وولانبدا بالمقاومة العسكريه.....(نسمة العبده) دحومي ياعمري احرقهم علشاني احرقهم....(عليّان) وش تقولون ياشباب ............وفي هالاثناء دحومي يمسك البنت الدلوعه مو العبده وينصا بها للشباك الامامي ويربط حول رقبتها عقال (دحومي) اطلقوا سراحنا ولا قتلت هالبنت...(قوى الامن) لاتتهور يا اخ اترك البنت وحافظ على سلامتك...(دحومي) اطلقوا سراحنا واتركونا احسن....(البنت الدلوعه) يامامي اتركني سبني سبني ...رقبتي تعورني.....(دحومي) انا الحين باقتلك وانتي تبينيي اسبك طيب انت حماره ودبه لاوبطريقه بعد....زين .(قوى الامن) نكرر لكم اتركوا البنت واطلقوا سراح باقي البنات كلهم ولا كذا بتعرضون حياتكم للخطر.....(سطام) دحومي وش تسوي لاتتهور تراك بترتكب جنايه كذا انتبه للي تسويه.......(دحومي) اسكت بس اولا مافي حل , ثانيا ماتحس باللي انا حاسة ياشييخ ماسك قشطة كريم كراميللي يلعن ابو ابليسها يدها ناعمه ماتتصور كيف. ودي انربط بها طول العمر
وفي هذه الاثناء تشتب الغيره في قلب نسمة العبده وتدرك ان حب حياتها في خطر وتنطلق باقصى سرعتها الى دحومي وفي قفزة من الحركات البهلوانيه بالكعب الخلفي على راس دحومي ومن ثم تنطلق الى عليّان وتمسطه بظفيرتها ويطيح عليّان من التهاب حاد في عيونه من القمل اللي كان في شعر نسمة... وعندها بدوا البنات بالاحتفال وبادت قوات الامن بالتوافد الى الباص من اجل القبض على المختطفين واطلاق سراح الطالبات .....وبالفعل تم القبض على الثلاثة
الشرير......(عليّان)
الماصل.....(دحومي)
الطيب.......(نسمة العبده) اعطت سطام عبايتها واخذت شماغه وتقمصت شخصيه ولد وكل هذا لعيون دحومي.....فيما معظم البنات تعاطفوا مع سطام وتستروا عليه ...وذهب على انه بنت من ضمن طالبات جامعة الملك سعود.....وهكذا وعلى قولة الشاعر الجهبز..........من يزرع الخير يلقاه .
منقول والحقوق محفوظة للكاتب
