بناتنا وشارع التحلية (فوق 18 سنة)

ذات صباح ربيعي حالم في احد منازل والدي المطله على الكورنيش ( اها بس.. كرنيش وادي حنيفه مفرق الحراج )

وانا في سوبات عميق, ما دريت إلا جوالي يدق,واقوم ونفسي في خشمي.. يعني فيه احد يدق السعه 11 هالايام؟

,

اناظر الرقم بعين ونص ( ايه وش على بالكم.؟ هي عندها آه ونص وانا بعد عندي عين ونص) بس نص عيني مغمصه, اناظر الرقم .. لااااااااااااااااااااااا مو هذا وقتك.. ابوي..؟

انا: هلا يبه وش تبي <= الله من زين الاخلاق



ابوي: ثلاثه بليله بدون زعتر ( حتى ابوي صار يذب علي :rofl: ) قم انت وخشتك نايم لا شغل ولا مشغله, قم اطلع برى بيتي <== شكله يستهبل..؟




انا وانا احك خشمي واناظر التقويم: اليوم جمعة وين اطس.؟

ابوي : ادري قم يابقرة الصباخ جب الجريده ( يلعن ابو اليوم اللي كذا )






بعد ساعه

جالس في الصاله امارس هوايتي المفضله اسوي كور انواع الكور ادداس... كور بلاستيكيه.. كور كبيره..

كور صغيره.. كور لا



وابوي يقرا الجريده

شوي.. إلا ابوي يهاوش :chairshot وينطل الجريده في وجهي.. ( ليش دايم مضطهد )




مامسكت الجريده خليتها على وجهي لأني جالس في مشروع اعداد كوره جديده وتبطي جريده تخرب علي


بعد ماخلصت من صنع القذيفه مسكت الجريده باوخرها.. عن وجهي..



إلا تطيح عيني على موضوع ( السماح للمرأه السعوديه بقياده السيارات اعتبارا من اليوم )
وانا اللي انطل الجريده وركض على الشارع ابي اكحل خاف اصبر ليما الاخبار ثم ينفون الخبر



واطلع وإلا بنات حارتنا كل وحده لاقطه ددسن سواقهم وتدور في الحاره :shocked: وفاتحه الدريشه ومطلعه الكوع ( الاسود طبعا ) ومشغله بشير حمد شنان



و كل عيال حارتنا طالعين يتفرجون وكلهم من ربعي يعني يحبون ينفعون بلدهم بصناعه الكور




واناظر إلا واحد يصفر ( هي اصلا اسمع بس والله مشواار امسحها اخاف ارجع امسحها ويروحون بنات حارتنا )

ادور الصوت ويطلع الدحمي الدلخ ( وكلنا دلوخ لله ) يقولي تعال مشينا المواصير نوره عوض بتخش

انا سمعته وإلا ماسمعته واطلع البي ام حقتي( تراني كشخه ) شفيكم شكلكم مو مصدقين
.. لوحتها بعد
س ق ا 666 صح اني دلخ بس ذيب س سماح ق قياده أ المرأه


وامر الدحمي اللي إلى اللحين ما استوعب الوضع ونروح نعبي بنزين عشان لزوم الهجوله :D

وانا والله ابي اصرفه شين ( عاد من الملح عندك انت ووجهك المسود اللي تقول ركبه سعوديه )


قلت له تكفى يابو الدحم انزل شوف ضغط الهوا في الكفر, نزل الدلخ وانا اللي افقع واخليه..



واروح لشارع المواصير ويالهول مارأيت ( ثبيييييت ) بنات يجتولون رايحين جايين.. اللي حاطه شماغ


فلسطيني http://www.eqla3.com/vb/images/smilies/S_45.gif واللي طاقه الكاب.. واللي سادحه المرتبه.. واللي طالعه مع الدريشه..
والشارع يخترش بنات..




والشباب لازالوا يسوون كور ( سعوديين ) شوي .. إلا بنت طالعه من دريشه سيارتهم تطق التنده حقتي

برااااااااااااااااااااع ياتمسااح

( آآآآآي ليش بس :17: ) عاد انا أوؤمن بان الرجال قوامون على النساء قلت : تخسين يالزلابه انتي اللي بررررع.. صدق بنات

اخر زمن هذا شارعنا من زمان انتي وش جابتس انتي ورعبعتس..؟ يوم قلته إلا تحدني البنت وتحول علي ومعها

مفك مكياج ويوقف الموكب كله ويطقوني عاد انا مسوي راعي قوميه جلست اصارخ : يامعشر الرجال.. وارجالاه.. الفزعتو




الفزعتو.. مادريت إلا النشاما جايين مهب ريح : قلت كفو

ويجيك ذاك الطويل العريض قلت : تكفى ابي تفله في وجه قطاع الطريق ذولا .. قام اهو وبلمحه مباغته وعالجني بكف

(امحق علاااج ) وانهمرت الايدي علي... ( ليش العيال يقلبون على ربعهم اذا السالفه فيها بنات :naughty2: )

ومن رجل لرجل ومن يد ليد ومن كف لكف .. وربي ما افرق بين رجل البنت ورجل الولد في ذيك الدبغه إلا بشئ واحد..

العيال يجيك السروال منشق من عند الركبه وتلقى معمل طبي متكامل تبرع بالدم وبنك دم وجروح وخياطه وشك

وتطريز فيها... والبناتنا تعرفون وش يميزهم في ركبهم




ومافكني منهم إلا كامري فاكه اللوح ومضلله تمشي مليون و.. سف الحدييييييييييييد .. كفو يالنشميه..

والله وتقص ذاك الدوار والبنات يصفقون وانا انحشت منهم..

وارجع للمحطه والقى الدلخ الدحمي جالس مريته قلت : عمى انت إلى اللحين جالس..؟ قال: ليش..؟ انا ادري انك تبي تستغل

الوقت رحت تعبي بنزين في نفس الوقت اللي كنت اعاير فيه كفر السياره :D والله انك ذيب <= والله ما

الذيب إلا انت وشرواك




واروح اتروش وانظف عمري عشان لزوم شارع التحليه الليله غير..

يوم جات الساعه 9 حكما إلا انا مستنتر في التحليه .. وانواع الجموس تخترش في الشارع بس الليله مافيه

سواقين ولا لكاعه يقدم عند الاشاره وإلا يدق ريوس

والبنات عند كل اشاره يشكشكون ( صدق والله بناتنا مايعطون وجه :D )




وانا اسوي اتميلح ما اناظرهم اصد عنهم ( دروا عنك تكفى )

وقفت عند اشاره الضباب إلا همر وردي واقف جنبي ( ايه اسلم ) ومشغلين ابو نوره ( ماشاء الله عليك ) وانا اللي اجلس اهز

لان مسجل سيارتي خربان ( بي ام اجل :p ) غصب ابو نوره ما اقدر لازم اطرب.. وعاد هي تناظر مع الدريشه .. وتقول:

عاشوا عاشوا .. وانا اللي اتهيض واقوم اهز هزٍ موب صاحي شوي وتجلس تقول ( شو هالحلا شو هالدلال ) انا يوم

سمعتها وقفت قلت : عمىىىى لبنانيه ياويل قلبي :D .. وانزل من السياره و,, تنكاااااااااااااااااااااااااااااااااس فوق التنده





والعالم يوم سمعوها جلسوا يخوبطون عاد اهي مسكت معها ونزلت من السياره .. وطبعا عين أي شاب سعودي في

لحظه نزول بنت قدامه من سياره تكون على السيقان مدري ليش..
وانا سعودي وجالس اكحل يوم نزلت رجلها تعرفون الهمر رفيع وتطلع سيقانها على شوي شوي :bigeyes: وانا اللي اقوم اخوبط


مانيب صاحي وترتفع زياده نعنبو هالارض ما ابعدها .. وترتفع وهالبياض اللي يلق في هالسيقان .. وماش إلى اللحين

ماوصلت الارض والسيقان كل مالها تكشف والعالم وقفوا ماعاد رقصوا بس يناظرونها





واللي ماسك خوييه ومتسند عليه عشان مايطيح واللي ماعاد شالته رجليه وجلس واللي جلس لأسباب خاصه بالشباب اذا


بغى يستر على شئ ( موتوا قهر يالبنات تعرفونه ) وانا من الربع التالين..





المهم شوي وتطلع الركبه و .. يؤؤؤؤؤ تصوروا ركبه سودا..:bigeyes: الجميع بصوت واحد سعوديه وععععععععع


ونروح ونخليها..


شوي إلا ابوي يتصل علي ويقول : ثووووول ان شاء الله رجعت ترقد.. ؟ وين الجريده يابقره الصباخ












مايستفاد من القصه..





1-لا احد يشجع قياده المرأه لأنه بينجلد في شارع المواصير



2-صناعه الكور من الصناعات المزدهره بين الشباب السعودي
وتشكل نسبه استقطاب للبطاله بنسبه 60%



وهو القطاع الوحيد اللذي نسبه السعوده فيه 100%

3-اشتر شريط ابو نوره الجديد لانه يمكن يجي جنبك همر وردي



4- ولا شئ بس استهبل :D



5- الواحد لازم يجهز معها عفريته ومفك عجل لأنه اذا ساقوا حريمنا بيحتاجون دعم فني على الدائري



6-نام بكير واصحا بكير وشوف الصحة كيف بتصير



7- ترانا كلبونا املح من اللبنانيين




8-ولا شئ استهبل بعد..





9- ترى بناتنا وربيعنا وانا اولهم مانننعطى وجه الواحد مايكون مخفه وبرحه وجنط ويردد الكلام بدون مايدري وش مغزاه



10- صح بناتنا شيون والركب سود بس ترى سترهم مغليهم عندنا حيل ;)

روووووووعه الموضوع واهم شي الفائدة وترى (نام بكير اصحى بكير شوف الصحة كيف بتصير) هذي احلى ما في مواضيعك :biggthump

خخخخخخخخخخخخخخخخخخخ :D خخخخخخخخخخخخخخخخخخخخخخخخخخخخخخخ :D خخخخخخخخخخههههههاااااي

اشهد انك مصرقع :biggrin:

الله يرجك رجا نافعا غير ضار :laughing:

كثر من هالمواضيع :D ;) :D

هههههههخخخخخhttp://montada.com/images/smilies/new_icons/laugh.gif خخخههههههخخخخههhttp://montada.com/images/smilies/new_icons/laugh.gif هههاااايhttp://montada.com/images/smilies/new_icons/hahaha.gif

هذه المواضيع ولا.......فيها فوائد كثيره وووو الخ......
الله لايهينك كثر منها وتسلم ..... ويستاهل 7.5 / 10 http://montada.com/images/smilies/new_icons/dot.gif ............... تحطيم............

loooooolحلوة يامصرقع

هههههههههههههههههه هاع هاع هاع هاع هاع هاع هاع
عزاه لو يسوقون ربعنا ؟ والله من الفله !!!!!!! :cool:

بس سواقه سنعه...... مو مثل ( مايكل شومخر )

أو شباب الرياض الله يصلحهم ( الكامري .. العقده .. ) :bigeyes:

http://www.m7m7.com/up/files/lool-1093970666.gif

هههههههههههههههههههههههههههههههههههه

ههههههههههههههههههههههههههههههه

حلوه .. حلوه

مشكور مصرقع اس اس على الموضوع الرائع

http://www.m7m7.com/up/files/lool-1093970698.gif

خخخخخخخخخخخخخخخخخخ

انا استفدت من القصة كثييير بالذات من ولا شي استهبل

اقتباس:

---

روووووووعه الموضوع واهم شي الفائدة وترى (نام بكير اصحى بكير شوف الصحة كيف بتصير) هذي احلى ما في مواضيعك

---

هذي معطيني بسبتها جائزة نوبل:bigeyes: للتفحيط:biggthump

اقتباس:

---

خخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخههههههاااااي

اشهد انك مصرقع

الله يرجك رجا نافعا غير ضار

كثر من هالمواضيع

---

العفووووووووووو
وترى مواضيعي :D كلها نفس ذي الطريقة وكلها فوق 18 سنة :p
انشاء الله

اقتباس:

---

هههههههخخخخخ خخخههههههخخخخهه هههااااي

هذه المواضيع ولا.......فيها فوائد كثيره وووو الخ......
الله لايهينك كثر منها وتسلم ..... ويستاهل 7.5 / 10 تحطيم............

---

احمممم

بس 7.5:12:

اقتباس:

---

loooooolحلوة يامصرقع

---

العفوووووو

اقتباس:

---

هههههههههههههههههه هاع هاع هاع هاع هاع هاع هاع
عزاه لو يسوقون ربعنا ؟ والله من الفله !!!!!!!

بس سواقه سنعه...... مو مثل ( مايكل شومخر )

أو شباب الرياض الله يصلحهم ( الكامري .. العقده .. )

---

والله انواع الفله;)

اقتباس:

---

هههههههههههههههههههههههههههههههههههه

ههههههههههههههههههههههههههههههه

حلوه .. حلوه

مشكور مصرقع اس اس على الموضوع الرائع

---

العفوووووووووو
وهومة:D

اقتباس:

---

خخخخخخخخخخخخخخخخخخ

انا استفدت من القصة كثييير بالذات من ولا شي استهبل

---

ههههههههههههههههه:D

ههههههههههههه


حلوة ...

وينك من زمان عنا ياشيخ ...

والله إن بمواضيعك يحلى المنتدى.....

ونعرف نتصرقع... :09:

أبوجمـــال

ههههههههه
والله حلوه القصه اخوي
ومشكور

اقتباس:

---

ههههههههههههه


حلوة ...

وينك من زمان عنا ياشيخ ...

والله إن بمواضيعك يحلى المنتدى.....

ونعرف نتصرقع... :09:

أبوجمـــال

---

العفوووووووو ابوجمال
لا تحرجنا ما يحتاج

اقتباس:

---

ههههههههه
والله حلوه القصه اخوي
ومشكور

---

العفوووووو

ههههههههههههه الكور شكلها صناعه خليجيه عندنا بعد يسوونها ( ما يعرف شو السالفه ) .

همر لون وردي ما مرت علي . :09:

اكبر فضيحه بنات يكفخونك . :09:

و كالعاده قصص مصرقعه من عضو مصرقع .

تسلم ايدك .

اقتباس:

---

المشاركة الأصلية كتبت بواسطة مصرقع اس اس

10- صح بناتنا شيون والركب سود بس ترى سترهم مغليهم عندنا حيل ;)
[/color][/size][/font]

---

هذه النقطه عجبتني كثير


تسلم يا الذيب على الموضوع

خخخخخخخخخخخخخخخخخخخخخخ

والله انك مصرقع يا مصرقع اس اس

والله اني فطست على نفسي من الضحك حتى اني بغيت اموت<<<<<<<<<الله يالفقاش


مشكوووووووووووووووووووووووور اخوي