Fight Club !

الثلام عليكم ^^ ..


انا وش حليلي .. هادي ودايم ابعد عن المشاكل >>>> Good Boy :biggrin:

بس مهما يكن .. ومهما حاولت تبتعد عن المشاكل .. لازم تتمشكل مع احد .. او تتضارب مع احد ..

الزبده هي قلنا المضاربات الي تضاربتها او المشاكل الي صارت لك مع اشخاص اخرين :jester: .. والبنات المهاوشات الي صارت لهم :09: والمشاكل بعد ..>>>> يوه عاد فله نقعد نسمع هواشاهم .. تفطس ضحك عليهم :laughing: >>>> شكلي لازم اجهز الـFirst Aid .. خخخخخخخخخ :D

FiGhT CluB

~~~~~~~

بالنسبه لي .. اذكر اني تضاربت من جد .. بسنة ثالث ابتدائي .. المشكله اني كنت مرررررره مؤدب وعلى نياتي -__- .. بس تعرفون الــBullies >_< ... المشكله هذا الـBully بالذات .. ابوه من اعز اصدقاء ابوي !! ..

بس كان مسوي قوة علي .. المهم اذكر اننا طلعنا من المدرسه .. وكانت هو يتحرش .. وانا مسكت تراب وابغى ارميه علي .. ( كنت متوتر " ما عمري تضاربت " ) .. على كل جتني تشجيعات من الجمهور الي وراي >>> حركات السعوديين :laughing: .. وبالنهاية رميتها عليه .. وهو رمى علي وحده ..

بعدين جاء واحد ويقاله فصل بينا .. ( اموت على المضاربه ) .. :08:

~~~~~~

اخر مشكله صارت لي .. قبل كم اسبوع مع راعي محل خط الانتظار .. كنت حاط جهازي الاكس بكس عندهم عشان يصلحونه .. وكنت اجيهم دايم واقولهم خلص يقولي لا .. وادق عليهم اقوله خلص يقولي تعال بعد العشاء واذا رحت له ويقولي لا ..

وعاد بيوم كنت معصب مره وصاكه معي .. ورحت لهم وقلت له وكالعاده الاجابه كانت بالنهي :12: ..

عاد انا ما قدرت اتمالك نفسي وصارخت عليه .. وقعدت يقولي الله لا يوفقك ياخي لي اسبوعين وانا اجيك كل شوي تقعد تصرفني .. وتراني ما اطر امك ومدري ايش >>>> انفجرت ولاول مره :cool: " :tongue2: " ..

عاد هو عطاني جهاز ثاني وقال خذ هذا .. واذا صلحنا حقك تجي تاخذه وترجعلنا هذا .. قلته طويب -___- ..

وللاسف الشديد .. رحت لهم بعد اسبوع وما خلصوه بعد :shock22: .. عاد انا بكل برود قلت له جب الجهاز وخذ جهازكم الله لا يوفقكم ..

والى الحين الجهاز خربان :17: ... شباب عشاني لاحد يروح لذا المحل :09: ..

~~~~~

ولد خالي (نفسه الي كنت العب معه ) ..

يا الله يا كثر ما تضاربنا انا وياه .. ولله من جد كنا نتضارب ونعصب على بعض ..

وصياح ونياح .. خخخخخخ .. وانا احلف له " ولله ما اطب بيتكم مره ثانيه " والدموع تذرف من عيناي ..

والاسبوع الجاي اكون اول واحد جايهم :tongue2: .. لووووول يا حليلنا انا وياه ..

حتى مرات كنا نستهبل على اهلنا واهله .. نسوي انفسنا متضاربين ونقعد نسب بعض .. عشان يعطونا وجه ونقلقهم :biggrin: .. ودايم نستغلهم بهذي الطريقه :laughing: ..

~~~~~

هذا الي بجعتي الان .. ترقبوا المزيد من مواضيعي الغبيه عما قريب :28: ...


ثلالالالالام ^_^ ..

تضاربت مره وحده بحياتي.. في أولى ابتدائي مع أسمن الطلاب في المدرسه.. التفاصيل محجوبه للمحافظه على السمعه في المنتدى:creep:...

وبعدين انت تودي جهازك لمحل اسمه خط الإنتظار وما تبي تنتظر:31:

اوه ذكرتني بأيام الابتدائية .. كنت شراني بشكل فظيع ..!! عكس الان تماما .

كنا انا واخوي مصيطرين على الحارة ما يمر شهر الا ونطق واحد !!



اوف ياما جو الجيران عند ابوي و معاهم عيالهم يتشكون .. واخرتها ناكل تهزيئ من الوالد :laughing:



بس والله اذكر مواقف جد ودي اذبح نفسي الحين لما افكر فيها .. كيف سويت كذا :28: بس اطمن نفسي واقول قلعتهم يستاهلون .. بس ولو :31:



بتحفظ عن الجرايم حتى ما تخرب السمعه .. لاني الان مختلف تماما :31:


ما عقلت الا بصف سادس ابتدائي .. اذكر على يد استاذ حبيته وتعلقت فيه الله يذكره بالخير ...تغيرت تماما وصرت عاقل بسببه :08:

أنا مشكلجي كل يوم مضاربه ودلليل أني والله اليوم متضارب خخخخخخخخخخخخ مع واحد عريض أسمه محمد المشرف بيني وبينكم صطرني بس يالله تجري الرياحو بمالاتشتهي السفنو خخخخخخخخخخخخ شكرا على موضوعك في الأخير باياتو^_^

الدنيا بخير اذا انا مو فيها :p

بأعطيك سالفة وحدة بس ما ادري وش فيها طويلة شوي :tongue2:

اختبارات الفصل الدراسي الثاني ( الاختبار النهائي ) توجيهي ( اختبار الوزارة ) :wow:

كل الطلاب جالسين في بيوتهم يوم الجمعة ... استعدادا ً لإختبار الرياضيات الشرس :12:

الا انا :D

اخوكم في الله راح الحلاق ينعم <--- يلعن ام المزااااااااااااااج :p
خلص التنعيم ... قلت للعامل ( بنقلا :p ) : كم الحساب ؟
قال : 15 ... وهو المعروف انه عشرة :wow:
قلت : اقول انت الحين البودرة حتى ما حطيتها وتبي 15 ليه شايفني احلب الفلوس من البقر :laughing:
قال : اس كلام ... في يدفع :mad:
قلت : لا .

بووووووووووووووووووووووووووف .


وقامت مشكلة ... صوت عالي على صوت واطي وياخذ الكلب خشبة يبي يلخ بها وجهي :shock22:
فآخذ مقص ... استعدادا ً للمواجهة :12:
والله ويفزع بنقلا ثاني ويساعد خويه ... ويكتفني :17:
ففكيت يدي بسرعة والمقص في يدي ... فقطعت جرح بليغ في يد الي فزع <--- يستاهل بنقلا كلب :biggrin:
والله وتوصل السالفة للشرطة ... ويسامح البنقاليين على اني اعطيهم كم ؟؟

15 !؟



خخخخخخخخ

لا

يبون 1500 :shock22:
بعد التفاهم رميت 500 في وجيههم لا ردهم الله ...
وبعد هذا كله تبيني اجيب نسبة كويسة في الرياضيات :biggrin:
وهذي هي السالفة ... طويلة صح :08:

يعطيك العافية على الموضوع ... وكويس انك رجعت تتكلم عربي يا السعودي ... توقعتك بتجحدنا :09:

خط الانتظار اسوء محل مسويين فاهمين ومايدرون عن السالفة
خاصة في العاب الاربي

انا اروح المحل الجنبهم فيه ابو يمن بس اخلاق واحسن منهم

اما انا مرة تضاربت مع من تدري مع حقين الهيئة صكيته بكس على كيفك

بس بعدها جالي ترفيس

والله ظلم غلط وجاب سيرت امي على لسانه وانا صغير

يحسبن خايف صكيته بوكس واخوي النشمي رفسه في ظهره اخوي انحاش بس انا :bigeyes:

وشكرا

يالله طلعو فضايح مشاكلكم زي ماطلعة انا ^_^

الادرينالين و ما يسوي :31: ..
انا بارد بصراحة تجاه الاستفزاز في الواقع ..
يعني احب التطنيش ..
لكن لما الواحد يغلط علي و يزيد الطين بلة بانه يتمنكح فوقها بعد ..
وقتها يطلع واحد ثاني يتفاهم معاه ..
يعني ينطبق علي مقولة اتقي شر الحليم اذا غضب <== انا اشهد :cool: ..
اخر مرة تهاوشت فيها كان مع واحد من حقين جمارك السعودية على جسر البحرين ..
كنت ناسي قوطي بيرة في السيارة و مسكه علي الرجال ..
في ناس على طول صدقت على ما يبدو :31: ..
لا كنت رايح انا و واحد للبحرين و على حظي هالواحد طنت في راسه انه يشتري جوال كاميرا ..
المهم الاخ رمى العلبة حقت الجوال في المرتبة الخلفية ونساها ..
و لما وصلنا للتفتيش جانا واحد اقشر ..
اغلب المرات اللي رحت فيها للبحرين و رجعت اسوأ تفتيش يسوونه لي انهم يفتحون الشنطة او الدرج الي عند الراكب بالكثير ..
لكن هذا على حظنا الظاهر كان مهزأه المدير و جا حط حرته فينا ..
الاخ كان باين انه ناوي على شر ..
جا للسيارة من غير نفس و حتى سلام ما رده ..
بالاول فتح الشنطة و رفع الغطا الي فوق الاستبنة ..
ثم قال لي نزل الاستبنة ..
قلت مو مشكلة الرجال يبي يشوف شغله ..
نزلتها ..
دور هنا و هنا ما لقى شي ..
راح للسيارة ..
حاس ابو الدرج و جلس يلعب في المراتب الامامية ..
ثم راح للمرتبة الخلفية و كان ناوي يفكها من مكانها بعد !!
لكن لقى الكيس الي فيه علبة الجوال الكاميرا فانفرجت اساريره ..
قال هذه علبة جوال كاميرا ؟
قلت له ايه ..
قال وينه ؟؟
طلعه خويي ..
جلس يقلب فيه شوي ثم قال تعالوا لها الغرفة ..
رحنا للغرفة ..
الاخ كان يبي يفتشنا تفتيش ذاتي ؟!
كانه لاقي معنا مخدرات !!
قلت له وين يالاخ ؟!
الجوال و اخذته وش تبي اكثر ؟؟
قال هذه الاجراءات ..
قلت الله لا يعافيك انت و اجراءاتك الجوال و لقيته قدامك يعني ما هربنا و لا شي ..
و حاطين لك الكرتون في مكان واضح لانه على بالنا ان الاستعمال الشخصي مسموح فيه ..
لكن انك تسوي لي فيها ماسك معنا مخدرات و الا خمر فهذه موب على كيفك ..
الاخ بدا ينافخ و بغت تقب لولا ان جا كم عسكري و مسكونا ..
الزبدة صادروا الجوال و قالوا اذا تبون ترجعونه في البحرين ما عندنا مانع لكن انه يدخل مانقدر ..
قلت و لا يهمكم نروح نرجعه ..
و ندخل للبحرين و نطالع فيلم ثم رجعنا للسعودية و الجوال معنا ..
بس من جد علي حظ ..
كنت مسافر في العطلة الصيفية لمدة شهر لسوريا و لما رجعت للشرقية ..
رحت للبحرين الا الكهرباء مقطوعة عن كل الديرة :31: ..
صارت كانها ريزدنت ايفل من الظلمة ..

والله أنا بطبعي قليل المشاكل وهادئ

لكن مرات اخرج عن طوري احيانا


يعني في كل حياتي ما تضاربت الا مع واحد في المتوسطة والصراحة طلعت حرتي فيه لأن الحق عليه


لكن ماصار شي بعدها أخذنا الوكيل وسوا لنا محاضرة وانتهينا


لكني الى الآن أعصب من بعض الأمور لكن ما أحب اضرب لكن ابدي انزعاجي عن طريق وجهي البشوش :cussing:

RPG_master

من اول ابتدائي مره وحده !! .. اعوذ بالله ..

لوووول حلوه .. بس حتى ولو انا عادي انتظر بس ليش يقولون تعال خذه وبعدين ما يكون مخلصينه !! ..



Odin

كنت اكره الي مثلكم ..

لووووووول احسن P: ..

جزاه الله خير ذا الاستاذ ^^ ...



(anime kinght)

مبروك على تغيير الاسم ^^ ..

خخخخخخخ مسوي مهايطي انت ووجهك P: ..

اجل صفقك .. خخخخ .. يلا خيرها بغيرها ..



mod

هههههههههه وش ذا الحلاق الكلب .. لا تروح ذا الحلاق مره ثانيه >>>> يعني اكيد مب رايح له P: ..

الله يعافيك ^^ ..لا تخاف الانجليزي ما اكتبه الا بموضوع الاسئله ^^ ..


فيصل سنيك ..

اي ولله .. سا شينه ذا المحل ..

ههههههههه بكس مره وحده ! ..

العفو ..



عماد 18

يا شين حقين التفتيش ..



الباحث ..

^_^ ..



والف شكر على مروركم ^^ ..

مره مردغت خمسه بالكورنيش :08: جاني ضرب شوي بس بالنهايه قالوا انتظر ربع ساعه نروح نجيب فزعات ونجيك , وانا بلحالي :08: , طبعا ماصدقت وانحشت فاضي لهم انا ...



بس عموما انا قليل المشاكل , تقريباكل الي تصيرمعي معهم مشاكل يصيرون ربعي بعدين , نادرا اتخانق , لاني مااتحرش بأحد ,واذا تحرش اتفاهم وياه , اذا تأزم الوضع إستعملنا العنف وكم جستو معاه :p

الجماعة كلهم متوحشين من هم صغار... وعقلوا لما كبروا

اما انا فكنت ولد مؤدب من الكباريه للبيت ومن البيت للكباريه.... (للي ما عرفوا المدرسة نفس الكباريه بس مشفر الاخ)

ما كنت احب الضرابات ابد... وانحاش دايما اذا طجت في مشاكل مع الاولاد اللي (كلهم) اقوى.... :31:

ما صرت مشاغب الا من الثالث اعدادي.. لكن مع ذلك ضليت بعيد الضرابة الا اذا حد اراد انه يضارب... (هو بالاساس ما اعرف اضارب حتى)


لكن في الجامعة.. قمت اتضارب ويا ربعي اللي احبهم واعزهم...

وكله نصور الضرابة... :biggrin:

بتسأل هن المضاربات ؟؟؟؟؟؟؟؟

يا حبيبي انت بتسأل خبيير فيها من زمان ايان الابتدائية


بس الحمدلله تبت

انا اقولك قصة حصلت معايا :

مرة انا و اصحابي جالسين نفطر

الا واحد جاي يأذي و يشرد

طنشته مرتين

المرة الثالثة لعب الشيطان براسي

قمت اجري ورا الولد و امسكه بخمس ثواني من كثر العصبية

و الله ما اكذب عليك

رفعت الولد

و رميته بصندوق الزبالة

و الولد اشتكى للمدير

و كدت اني انطرد من المدرسة

و هذي الحادثة هي اللي خلتني اتوب

Mada Mada Dane

لووول ويني انا بس عشان افزع معك P: ..

لووووول .. تقلدني يا وصخ بالجتسو P: .. اهم شي لا تستخدم اي Forbbiden Jutsu طيب ؟ .. محنب فاضين يصير لك شي P: ..



RPG fan

خخخخخخخخخخخ .. تقرير مبسط لحياتك بالمضاربات ^^ ..

سلملي على ربعك ^_^ .




Titan

خخخخخخخخخخخخخخ شكلك كنت عنيف -___- ..

الحمدلله انك تبت ^_^ ..

ومبروك تغيير اسمك ^^



ومشكورين على مروركم ^^ ..

اول مره تضاربت بثالث ابتدائي كان فيه واحد من طلاب خامس قاعد يتحرش بطلاب ثالث يكب عصير ذا ويطيح اكل هذا والشباب قامطين (بخامس كبير بيسطرهم)

ذاك اليوم من ردى الحظ كب السنتوب حقي وعلى بدلة الرياضه وانا عندي مباراة (بالفسحة الثانيه) .. قمت عاد انا حاقد منب قادر العب المباراة كذا وادفه (يقالي قوي) ارتد علي واشتبكنا في معركة ضاريه (صح تسطرت بس وشمتله خده بعضه يحبها قلبك هههههه) :tongue2:


عاد ذاك اليوم وصلت الوكيل .. كلمو ابوي وجا ياخذني <-- نفخت على الوكيل ليه يعاقبنا كلنا وهو اللي كب علي السنتوب يقالهم عطوني تعهد .. جا ابوي علمته السالفه قال (تعجبني .. لا تسكت لهالأشكال) هههههههههه اما من جد لا تسكت لهالأشكال هذي قويه :p لا ويقاله ابو ينصح ولده :08: