قصة حب غريبه لا من جد عجيبه!!!

ابد قصتي:- كان فيه واحد يقاله مربوع وكان مربوع هذا له خوي من اعز اخوياه ان لم يكن الاعز فيهم يقاله مسعود المهم.. كانو في الاجازه اللي بعد 3 ثانوي قدموا وينتظرون القبول قبل اربع سنوات هالكلام تقربا... وفي يوم من الايام كلم مربوع بعد مارجعوا من بشكتهم على خليله مسعود (كلعاده كل يوم بعد ما يرجعون من الشباب يسولفون بالتلفون من الفضاوه ساعتين او ثلاث) قال مربوع لمسعود يابو السعد وش رايك نروح للقهوه نتكي الا ان تجي صلاة الفجر نصلي وبعدين نفطر ونعطيها نومه رد مسعود وقاله لا والله يابو المرابع انا تعبان وودي انام قاله مربوع بكيفك انا الحين راح تدق على البيت وحده وبنسولف ونفل امها وهاتك يا تشبيك وهاتك يا حنيه المهم راح مسعود ينام وجلس اخونا في الله مربوع يطقطق بهالريموت كنترول يدور له شي يشوفه الا ان تجي الصلاه... وبعد مكالمته لمسعود ب 45 دقيقه دق التلفون وهذي المحادثه
مربوع: ال نعم
المتصل ساكت
مربوع : الوووووو الووووو مين اعوذبالله وش هالمزاج اللي يبي يستهبل على واحد صوته مثل صوتي وباخر الليوي وبعدين طبببب (صك السماعه)
دق التلفون مررره ثانيه
مربوع:الو نعم
المتصل ساكت
مربوع:- وبعدين وش هالليله اللي ماهيب فايته على خير ذي انت بلا بلاهه اذا انت طفشان انا العن منك
المتصل يعطس
مربوع اهتز قلبه العطسه حنونه شوي وفي داخل نفسه يفكر( يوووووووه والله صدق كلامي لمسعودوه يلعن ابو الفله) يالله اتكلمي ترى انضحتي
المتصله: ممكن نتعرف (تتكلم بلهجه مصريه)
مربوع:- انتي مصريه
المتصله:- لا بس ببايا متجوز من مصر
مربوع:-اشوه وشلونتس
امتصله: تمام انت كيفك
مربوع:
ماشي الحال
بس ترى ماتشرفنا بمعرفتك
المتصله: انا أمر(اسمها قمر )
المسيكين مربوع راح فيها ما عمره سمع صوت انثوي ولا وتطلع بعد اسمها قمر
مربوع : وانا اسمي مشاري(ملكع الولد)
مربوع : كيف عرفتي رقمي
قمر: والله العزيم بالصدفه
مربوع : اكيد واحد معطيكي ايه
قمر: والله العزيم لأا
قمر: يالله مع السلامه بابا رايح يصلي اكلمك بعدين

مربوع بداء يعرق وما يدري وش يسوي مهوب مصدق

مربوع: لازم اعلم مسعود الفقر علشان ينقهر
طوط طوط طوط (هذا صوت التلفون يدق) الو عفوا على الازعاج بس ممكن اكلم مسعود ترد اخت مسعود بصوت جذاب لاول مررره طول حياته وهو يكلم على مسعود يحس فيه ومع ذلك ما فكر من اللي رد عليه

قضت الصلاه واخونا مربوع ماصلى كالعاده يحتري هاتف المحبه.... المهم والله ودق التلفون ويرد مربوع
مربوع: هلا
مين قمر
قمر ايوه ماشاء الله عليك عرفتني
مربوع : شدعوه خلاص

وبعد سوالف ساعه كامله من اللي عطاتس الرقم وهي ترد ما اقدر اقوللك..
قمر: يالله مع السلامه بابا جاء من الصلاه اكلمك بعدين
على فكره ترى مربوع بالنسبه لزملائه يعتبر متميز بالطيبه والتفوق الدراسي يعني عند كل اخوياه كان مشهور مررره بالخير طبعا

المهم
دق التلفون

مربوع : هلا قمر
قمر: هلا مربوع
مربوع: كيف عرفتي اسمي الحقيقي
قمر: اسمع انا اسمي مها (باللهجه السعوديه) وانا اخت زميلك مسعود
مربوع: خنقته العبره وقال لها اكلمك بعدين
الضعيف قعد يصيح من هول الصدمه مده طويله وبدأ يحتار وش يسوي هل يعلم مسعود هل ينصحها وخلاص هل يطنشها المسكين تايه... القصه انتهى علمي بها او بالاحرى القصه تراها حقيقيه بس صاحبها طلب اني اكتب الى هنا بس ويبي رايكم لو انكم مكانه كيف تتصرفون
لكم مني فائق الحب والاحترام
مالك