بتشوفوني في طاش 13 .. في دور ارهابي

اخواني اخواتي ..

اخواتي اخواني ..

اخواني اخواني

اخواتي اخواتي ..

<<قالوله انه خفيف دم .. وقام يستخف دمه .

باختصار للمشوار ..

بعد سنين من العطاله والبطالة المزمنة والمعتقه ..

ذهبت لشركة الهدف المحدودة المنتج لبرنامج طاش ماطاش ..

بعد ان سمعت من المقربين لي .. بان هناك شواغر ويبحثون عن كوميدين .. مثلي وشرواي .

الوكاد .. دقيت عليهم في مقرهم في العليا .. وطرحت عليهم السي في .. واني انسان عاطل عن العمل .. والاحظ اني خفيف دم .

فشوفوا وش اللي يضبط معكم وخذوه .. الزبدة عطوني راتب .

المهم وبدون كثر هرج ..

عطوني موعد زي خشة القصبي يوم انه بزر .. سم سم سم .. سم سم سم .. سم سم سم .

ماادري وش العلاقة بين الخشه والتوقيت .. لكنها علاقة وثيقة .

المهم واجيهم بعد صلاة المغرب من يوم الاربعاء .. واقدم الطلب .. مع صورة .

طبعا يوم شاف الاستقبال طلبي .. او صورتي بالتحديد .

قاللي .. بتفسح معيز ؟؟>>الخشه سوت تأثير سلبي .

قلتله لايكثر ودخلني على القصبي .

قال وجهك قوي بعد ..

قلتله .. تبي نتناطح؟؟

قال وقلتله قلتله وقال .. الزبدة خلصنا على ان تنلطع ساعتين في انتظار تجريبك هل تنفع ولا لا .

قعدت في الانتظار والشرر يتطاير من محياي .

وقاعد افكر باكثر نكته قوية .. وافتش في كتاب الطرائف والنكت >>فصحى تراه .. من زين الدبره .

ذهب فلان الى المتجر وطلب علبة سجائر وقال له البائع لايوجد .<<هذي نكته ترا .

الزبدة .. دخلوني على الاستديو .. وحطوني مع الحبيب >>هو حبيب واسمه حبيب .. حلوها انتم عاد.

قلتلهم يالقصبي .. يااقصبكم .. وبعدين الشنب لاتلمسونه .

قالوا وقلت قلنا وقالوا .. <<صارت قلطه ذي.

الوكاد .. قالوا ذي تجربه بس .. وبعدين اذا فلحت .. شفنا لك دور مع القصبي .

قلت .. يصير خير .

وطبعا الاستديو صغير .. اقسم بالله كنه جحر فار .

مسوي انا بقلد على الممثلين .. واطامر بالاستديو ..

مره في الباب .. ومره في الجدار .

الله لايوريكم مكروه .

المهم .. الدور خلاصته .. كنت انا والحبيب( شغله اسمه ذا) .. اخويا .. ومن زمان ماشفنا بعض ..

وطبعا صدفة لقاء حميمي .. وسلام وكلام .. ومزح ومدري كيف .

مااطول عليكم .. الدور كان دون مستواي .

لكنني ابدعت فيه .. وتوصى فيني الحبيب .. والله اني احبه .

وحتى بالماريّه .. تبادلنا ارقام الجوال ..

وجوالي مفصول طبعا .

المهم قالوا لي خلاص .. الدور سجلناه وبنعرضه على المخرج الغانم .

وبعدها السدحان .

قلت والقصبي؟؟

قالوا .. ياانك نشبه .. القصبي بالاردن يصوّر .. مايمديه يشوف الدور .

قلت خلاص بس ترا السدحان دمه ثقيل ومايقدر المواهب .. يعني خلوكم متساهلين .

قاللي المصري .. مدير الاستديو .. ماتغلطش على المعزب .. ولا مافيه وظيفة .

قلت على هالخشم .

المهم .. قالولي ان الدور المتوقع لك . . ارهابي .. وبنصوره في جده .

قلت مابدهاش .. لكن ارهابي مره وحده .

قالوا شكلك مايأهل للمغزلجيه .. وبعدين انت ماتبي تحلق شنبك .

قلت الله المستعان .. صار الشنب هو اللي يوظف ويفصل .

ارهابي ارهابي .. لكن اهم شي الدراهم .

قالوا .. بعد التصوير تستلم على الحلقة 10 ريال .

ويمكن نلقالك دور ثاني .. لكن بعدين .

قلت الله من زود الشفح .. 10 بس .. الحين الراس الواحد عليه مليون .. وانا راسي بعشره الاف .

حتى بالارهاب مافلحنا .

الوكاد .. قلتلهم خلاص متى ماوافقتكم ازهموا علي في شقتي الكائنة في حي الشقردية .. لان جوالي مفصول .

وان سددتوا الفاتورة على الحساب .. فماقصرتوا .

قالوا .. شين وقوي عين ..

قلت صادقين والله .

المهم مالكم بالطويلة .. انا الان الدور شبه معروض علي .. لكنني متردد .

العرض جيد وقابل للنقاش .

ولكن الدور خطير بعض الشيء .. كبداية .

وبعدين ماادري وش هالارهابي اللي بيصير كوميدي ..

شكلهم اكتشفوا اني ثقيل دم لدرجة القتل .

فحطوني في هالدور ..

على فكره بتمثل معي زينب العسكري .. مدري زوجه او اخت .. الزبدة الله يخارجنا!

لكن يقولي لي الحبيب .. هي يوم شافت صورتي .. تقول بطلت ..

تبي تصور بالبحرين ..

قلتلها معصي .. وش هالزوجه اللي منحاشه من رجلها .

زوجه يعني في بيت الزوجيه.

والابناء .. بزاران السدحان .. الله لايرده هو وذره .

ياكثرهم .. وبعدين خششهم ماتركب على خشتي .

والشله الارهابيه .. السكيرين (مسوي لي مطوع ذا الدلخ ) وهو المفتي لنا .. وعبدن عندهم مدري وش يقاله هو مهرب الاسلحة .. وولد السدحان الكبير هو الدلخ في الشله وبيورطنا .. وانا المفجر .

الدور عندي .. جميل وهو حلقتين .. لكن الى الان ماصورنا .. يقولون قريبا .. مدري متى ذا القريباً .

اهم شي اني بمثل مع القصبي والعسكري :biggthump .

وش رايكم انتم .. الوعد في رمضان؟

وش تقول انت

سحقا أخذت الدور مني :buttkick:

خذ الدور
خلنا نشوفك :D

هو جا طاش 12 ..؟؟؟.

المشكله اللي ما تخليني احدد طبيعة ردي بالظبط هي اني ما اعرف شخصيتك ولاطبيعة اارائك ولا ظروفك المعيشية..الخ

لكن..

من الناحيه الشرعيه(وهذا هو اللي المفروض نجعله مقياس لكل عمل من اعمالنا)اسهل ما عليك انك تتصل على احد المشايخ وتسأله عن حكم الشرع فيها...مع اني اتوقع انك تعرف الحكم..

يعني لاحظ انه هذا يمكن يصير مصدر رزقك وانت شف وش تبي يصير مصدر رزقك(حلال والاحرام؟)..

ثاني شي..انت وش نظرتك للممثل اللي يجي في ادوار زي السدحان والقصبي؟

هل هي نظرة احترام واعجاب وتقدير؟ او تاخذه على انه واحد تشوفه عشان تضحك عليه وتضحك على اللي يسويه؟


ثالث شي..بعض الافكار اللي يتبناها طاش يبدو ان عليها ملاحظات من الناحية الشرعيه..والملاحظات هذي قد تصل الى امور تخل في صلب العقيده(يعني ميب مسألة ارتكاب صغائر)..عاد شف نفسك اذا كنت تبي تكون جزء من فريق عمل يتبنى افكار زي كذا والا لا!!



هذا اللي جا على بالي الحين..ولا تدقق اذا فيه اخطاء املائيه




(ومن يتق الله يجعل له مخرجا*ويرزقه من حيث لا يحتسب)

صدز .. :31:

أجل بتمثل في طاش ... :31:

ولكن قد قريت خبر يقول انهم انتهوا من تصوير طاش

وانهم الان في مرحلة المونتاج..

يعني الظاهر انهم سحبوا عليك ... :p

والشيء الثاني طاش اللي فات كانت فيه

حلقة عن الارهابيين ولكن الرقابة منعت من عرضها... :o

عموما اتمنى لك كل خير وانشاءالله اشوفك

تمثل مع كاميرون دياز أو انجليناجولي :09:

أما سحبوا عليك .. مالها داعي .. :tongue2: ..

||

أظن أنه يقصد السنة الجاية .. :08:

خخخخخ يحليلكم

|| مدري هو من جده || :31: ؟؟.

وانا قالوا لي نبي تمثل اصوات بفيلم FMA عام 2005 بس قلت لهم ماابي :08:


الله يوفقك , بتمثل مع زينب اجل ...

لو تبي الصراحه لو يجوني يقولون لي خذ الدور باقولهم معصي :09: , اصلا مستحيل افكر فيه :p


سلام

الى الامام -_____- ..!!

هارب ممكن توقع على ظهري ؟ >>>> يعني بتنشهر بتنشهر P: ..

اقتباس:

---

خخخخخ يحليلكم

---

جخجخجخجخجخجخجخ والله من جد :D

يلي يشوفهم يقول مقهورين :p :laughing: :p

لا تشيل هم يا هارب ... نحو التقدم امضي .... واذا احتجت وسايط ولا شي فلا تتردد بأنك تقول لي :D