معلومات عن فيفا 2005

ياخي هاللعبة مع انها سقيمة الا انها اكثر لعبة كرة قدم منتشرة في العالم

بصراحة انا ما احبها لكن لانها كانت اول لعبة كرة قدم حلوة عرفتها في حياتي من ايام السيجا احس اني مجبر اني اتابع اخبارها على امل انها ترجع للمقدمة مرة ثانية
المهم نرجع للموضوع الاساسي :
FIFA 2005
Publisher
Electronic Arts
Developer
Electronic Arts
Genre
Sports
Origin: U.S.
Release Date
October 12, 2004
ESRB Rating: E

اهم التطورات لها الجزء هي اضافة نظام اللمسة الواحدة - الصراحة انها المشكلة الوحيدة في اللعبة :tongue2: - و ايضا تطوير نظام الكارير بحيث صار بامكانك ان تكون في مكان رئيس النادي بحيث انك تعين الجهاز الفني المناسب و ترعى الحالة المادية للنادي و تشتري و تبيع اللاعبين و اللي تتاثر اسعارهم بحسب مستوى فريقك في الدوري -كرة قدم ادارية تقريبا-.
الغلاف راح يظهر عليه اندري شيفشنكو نجم نادي ميلان الايطالي و فرناندو موريانتس نجم ريال مدريد المظلوم و لاعب مكسيكي ما ادري وش يبي بالضبط اسمه اوزوالد سانشيز - اسمه الاول يذكرني باسم شخصية كرتونية غبية ناسيها -.
المهم الاخ سانشيز المخفة مصدق انه مهم و يقول انه شرف كبير ان يكون على غلاف لعبة من العاب شركة اليكترونك ارتس - يا شين اللي يصدق عمره:31: -.
على فكرة تراه يلعب مع فريق Guadalajara - ابتلشت ما عرفت اقراها بصراحة فجبتها كما هي - المكسيكي و يقول انه يحب كل العاب شركة EA الرياضية - لا ياشيخ اجل بتقول انك تكرهها بعد ما حطوك على الغلاف!؟- خصوصا سلسلة فيفا - قل قسم :shock22: ؟!-.
و اخيرا تمت اضافة الدوري المكسيكي و الدوري الياباني ..
يقولون ان الكترونك ارتس لما حطت نواف التمياط على غلاف اللعبة حاولت تحط الدوري السعودي لكن الفضيحة ان اتحادنا السعودي - بقيادة الرئيس المفدى سلطان بن فهد اللي ما عمره مارس و لا رياضة و هالشي واضح من كرشه :09: و نائبه الاخ اسير الليل - طلب مبلغ لبيع حقوق الدوري ضعف مبلغ حقوق الدوري الايطالي و يا قلب لا تحزن :D.

الله يعطيـك العافيـه أخـوي E-Mad على الموضوع ... :)

مشكلـة فيفـا إنهـا تهتـم بالحقـوق و الدعايـة على حسـاب المتعـه لذلكـ غالبـاً مـا تجـد هـواة الالعـاب يتجهـون إلى WE... :)

اقتباس:

---

يقولون ان الكترونك ارتس لما حطت نواف التمياط على غلاف اللعبة حاولت تحط الدوري السعودي لكن الفضيحة ان اتحادنا السعودي - بقيادة الرئيس المفدى سلطان بن فهد اللي ما عمره مارس و لا رياضة و هالشي واضح من كرشه و نائبه الاخ اسير الليل - طلب مبلغ لبيع حقوق الدوري ضعف مبلغ حقوق الدوري الايطالي و يا قلب لا تحزن

---

اذا كـان الكـلام هذا صحيح ,, فبـالفعل يا قلب لا تحـزن يعني الحين يبون يخلون الدوري السعـودي أغلى من الايطـالي .. :bigeyes:

المفروض إنهم وافقوا على عرض الكترونك ارتس و حتى لو ببلاش على الأقل راح نحصل على دعـايه قويه لدورينـا ,,, :أفكر:

يارجل فيفا فاشلة بالحيل ...

مشكورين على المرور :)

ماشاء الله مر 10 سنوات على شراءاي اول لعبة فيفا D:
وهي فيفا 95
لكن تظل ويننج ايليفن الأفضل ومشور اخوي على الخبر

مشكور اخي على المعلومات على اللعبه العظيمة فيفا 2005


وفعلا فيها تطورات كبيرة عن الاجزاء السابقه " والله هالشركه انها خطيرة " :D