تقرير حول معرض جيتس دبي2004 (فرع البلاي ستيشن اكسبيرينس)

السلام عليكم ورحمة الله وبركاته ^^

طبعا الشارع زحمه(رحت بعد المغرب) تخيلو قعدت ساعه وربع في السياره من الزحمه -.-
الشارع ما يتحرك من اسبوع بسبب معرض جيتكس ووصلت وقعدت ساعه اظن -.-
--------------------------

معرض بلايستيشن اكسبيرينس:
اول معرض أقيم في الشرق الاوسط وكانت بداية عام 2003
في دبي مع معرض جيتكس للكمبيوترات , وقد حقق نجاح العام
الماضي وهاهو يرجع هذا العام ليكمل نجاحه السابق, لكن هذه
المره لم يكن معرضا لوحده وانما قسم في عالم سونيsony world

وقد تضمن المعرض مجموعه جيده من الالعاب الجديده ....وهي:
-DEATH BY DEGREES
-EYE TOY PLAY2
-F1 04
-GRAN TURISMO 4
-JACKIE CHAN ADVENTURES
-JAK 3
-KILL ZONE
-RATCHET AND CLANK3
-SING STAR PARTY
-THE GET AWAY BLACK MONDAY
-THIS IS THE FOOT BALL 2005
-WRC 4
-ACE COMBAT 5

الاقبال على قسم البلاي ستيشن :
كان الاقبال على قسم البلاي ستيشن يم الثلاثاء جيد
وذهبت ايضا يوم الاربعا وكان المكان مزدحما جدا
لدرجه انني لم اجرب بعض الالعاب التي كان ودي ان
اجربها هناك :17: ....

اجواء المعرض :
اجواء المعرض رااائعه بالنسبه لمعرض تجريبي
في الشرق الاوسط , فهو اصغر من العام الماضي فهو مجر فرع
يحمل في جعبته معجموعه جيده من العاب البلاي ستيشن الجديده وسبب
صغر المعرض هو انضمام كثير من الشركات هذا العام الى المعرض...

------------------------

الالعاب جربتها :

DEATH BY DEGREES:

هذي اللعبه الكثير ينتظرها , وطبعا بطولة نينا وليمز(ما بتقدر تسحق لارا كروفت:09: )
طبعا بأختصار خاب ظني فيها , التحكم زفت ! والسبب هو لما نينا تضرب
التحكم باضرب يكن بالانالوج اللي على اليمين غباء صراحه , حتى في القفز
اتحس ان حركتها بطيئه -.- , والجرافيكس تحس انه في بعض الاحيان جيد
وفي البعض الاحيان عادي .....


GRAN TURISMO 4:
وينك يا msm عن اللعبه , صراحه في قمة الروعه حلوه وايد ^^
خلاص ناوي عليها مع اني ما كنت مهتم كثير لها , وكان الاقبال على اللعبه
ممتاز جدا ^^ الجرافيكس راائع والتحكم ايضا ^^

JACKIE CHAN ADVENTURES

جاي كاشن بعد ما حقق الجزء الاول الذي اصدر على البلاي 1
نجاح هاهو يعود مره اخرى لكن بثوب جديد وبرسم جديد ايضا
وهو بالرسوم الكرتوني , طبعا اللعبه عاديه واقبال كبير عليها
من الاطفال -.- وأقبال عادي من الكبار.

JAK 3:
هذي اللعبه بأختصار ما عليها كلام لكن تحس انها تقريبا نفس الجزء الثاني
والجرافيكس رااائع جدا , طبعا ديمو اللعبه يحتوي على اربع مراحل انته تختارهم
بنفسك وانا جربت مرحليت ومنضمنهم مرحلة السياره ((فعلا روعه), لكن الاقبال كان
عليها ممتاز من الاطفال , الكبار ما يقربون من اللعبه هذي , مع انها للكبار .....


KILL ZONE:
اسرت قلبي عجبتني كثيييييييييييير, الجرافيكس راائع التحكم حلو
وسهل , اجواء اللعبه كأنك في حرب حقيقيه (نسيت شي اسمه ميدل اوف اونور)
لكن في البدايه ما عجبتني كثير وبعدين لما جربت مرحله ثانيه عجبتني ^^
وتقدر تختار 3 شخصيات تلعب فيهم , طبعا هناك من يساعدك في اللعبه , في انتظارها ...


THE GET AWAY BLACK MONDAY:
ما جربتها ما كان في مجال بسبب الزحمه


RATCHET AND CLANK3:
ما جربتها ما كان في مجال بسبب الزحمه


THIS IS THE FOOT BALL 2005:
ما أحب الكوره

--------------------
الذي لفت نظري:

اللي لفت نظري في المعرض هو البلاي ستيشن 2 الجديد PStwo
حجمه صغييير ونحيييييييف جدا وشكله حلو و CUTE ^^
كانو جايبين جهاز واحد وحاطينه في صندوق زجاجي يدور
وصورته ^^

اشيا اضافيه:
الاشياء الاضافيه اللي عجبتني هي
وجود جميع هواتف نوكيا الجديده التي لمت تصدر بعد
وسني اريكسون الجديد S700 ^^(عجبني وايد)


-----
بعد ما جربت الالعاب قررت اني اطلع لكن عطوني ورقه
اكتب فيها رأي والشياء الناقصه في المعرض
طبعا تبت في الورقه (نبغي شركة ننتندو تكون موجوده بعد :tongue2: )
وانهم يكبروا المساحه (كانت المساحه زينه بس -.- ) وعطوني كتيب
فيه العاب البلاي ستيشن الموجوده في المعرض ...

--------

ملاحظه :
صورت في المعرض الاعب بصور عاديه وصوت فيديو
لكن ما أعرف كيف ارفقهم في المنتدى , ارجو امن لديه الخبره
يرسل لي على الخاص ^^ وشكرا ^^

(جميع الحقوق محفوظه لدى المنتدى )

واو ...:wow:
مشكور على التقرير .. ..اخوي تومب رايدر :)

بس ما جابوا ألعاب معربة :D



سلام

امس سرت GITEX ويا الشباب..بس للأسف ما سرنا المعرض مال الـShopping (و الفضل يعود لـKOF:MI و Naruto 2 اللي ما خلونا نرقد في الليل :12: )..

بس ما اشوف العاب مهمة بالمعرض..حسب القائمة اللي حطيتها..
يعني الظاهر ما فوت على عمري شي كبير..
شكله مال السنة اللي طافت كان احلى..

عالعموم مشكور و يعطيك العافية..

شكرا على التقرير

بالتوفيق ...

مشكورر Tomb raider على التقرير الحلو, واتمنى ان الصور والمقاطع تكون موجوده قريبا انشاء الله

Bye

:ciao:

السلام عليكم و رحمة الله و بركاته,,,
الله يعطيك العافية بو لارا على التقرير العملاق و الشامل عن قسم الألعاب في معرض جيتكس 2004
بس بغيت أسأل سؤال بخصوص

اقتباس:

---

KILL ZONE:
اسرت قلبي عجبتني كثيييييييييييير, الجرافيكس راائع التحكم حلو
وسهل , اجواء اللعبه كأنك في حرب حقيقيه (نسيت شي اسمه ميدل اوف اونور)
لكن في البدايه ما عجبتني كثير وبعدين لما جربت مرحله ثانيه عجبتني ^^
وتقدر تختار 3 شخصيات تلعب فيهم , طبعا هناك من يساعدك في اللعبه , في انتظارها ...

---

من الأفضل هالو 2 و لا كيل زوون؟؟ :06: :33: :icon6:
تقبل تحياتي و شمكور على الإجابة مقدماً^^

Flanteus:شمكور على الرد واللعبه المعربه هي THIS IS THE FOOT BALL 2005 وشكرا ^^

NsaN: اممممممم بالعكس شي العاب جديده هي :
GRAN TURISMO 4
JACKIE CHAN ADVENTURES
-JAK 3
-KILL ZONE
-RATCHET AND CLANK3
THE GET AWAY BLACK MONDAY
-THIS IS THE FOOT BALL 2005
-WRC 4
-ACE COMBAT 5
كلهن العاب يديده ^^

واظن انك انته سرت المركز التجاري قاعة المعارض , ما سرت اللي صوب المطار ؟ :33:

Exiled King: شكرا على الرد^^


Devil8xx8: شمكور على الرد, بحاول احط لكم الصور قريب بأذن الله ^^

~SNYMA~: شمكور على ردك كيوب لوفر ^^والله صراحه ما أقدر احكم على بينهم لأني جربت اللعبه لدقائق معدوده فما أقدر احكم لكنها رااائعه :biggthump وشمكور ^^

يعطيك العافية بو لارا .. ماقصرت والله :biggthump .. بس باقي تتحفنا بالصور ..

اقتباس:

---

GRAN TURISMO 4:
وينك يا msm عن اللعبه , صراحه في قمة الروعه حلوه وايد ^^
خلاص ناوي عليها مع اني ما كنت مهتم كثير لها , وكان الاقبال على اللعبه
ممتاز جدا ^^ الجرافيكس راائع والتحكم ايضا ^^

---

لازم تذكر تجربتك مع اللعبة بالتفصيل الممل :tongue2: .. جربت طور الصور؟ ..

روعه , بس كان ناقص تجرب لنا راتشيد :17:

يعطيك العافية :)

أشكرك يا قمر على التقربر

msm: اللع يعافيك ^^مراقبنا ^^ , شو تبغيني اتذكر اكثر اول ما لعبت هههه اصطدمت بحاجر (من اولها يامفتري:09: ) , ابحط الصور لكن بعد ما ارفع الصور يقول لي جاري التحميل الرجاء الانتظار -.- نص ساعه وبعد مايصير , ما جربت طور الصور لأن زحمه على اللعبه وفي غيري يبغي يلعبها واجد كان ينتظر دوره لعبت السباق بس , اقول تعال اليوم دبي ترا اخر يوم بالمعرض :tongue2: .

ash 90: الله يعافيك مراقبنا ^^ , ما جربت راتيشد كان اقبال الاطفال كبير , اذا واحد مسك الجهاز ما يهده كان نفسي اعطيه كف , لكن قلت هدي بعدين مال السكيورتي بيجون بسوون لي مشاكل :09: , وشمكور نراقبنا ^^

Jeremiah: شمكور على الرد الرائع ^^

يعطيك الف عافيه بولارا على التقرير الرائع و مشكور على صور جاك 3 :) و الصراحه اهم شئ عندي من الالعاب اللي ذكرتها فالمعرض JAK 3 و RATCHET & CLANK 3 : UP YOUR ARSENAL و GT4 :D مشكور مره ثانيه على التقرير و ننتظر جديدك :cool:

تقرير رائع

صراحة حمستني لــ KILL ZONE وإن شاء الله تكون بالمستوى المطلوب

تحياتي

تسلم يدك تومب على التقرير المتميز ;)

جي تي 4 كل يوم أتحمس ألعبها أكثر
وكيل زون يبدو انها بتطلع بمستوى رائع :)

ثانكس تومب ;)

جميل جداً .. مشكور أخوي .. :)