شهر الكرم .....مجموعة نصائح

شهر الكرم .....مجموعة نصائح
اوصي بقرائتها لنهايتها

انتهى شهر رجب وشعبان
وشرفنا شهر الكرم رمضان
فيك بنحس بالأمن والامان
وجوانا شعور تاني بالصدق والايمان
كل الناس فيه سعيدة شهر الخير رمضان
حس السعادة اللي في السطور وبين الكلمات كمان
طول النهار تلبي امر ربك
تصوم العين والفم واللسان
وكنا هننسى كمان صيام الإيد والرِجل والأذان
عينك ما تبصش لغيرها من المحرمات
هو دا صوم العينان
والفم لا ياكل طعام بالنسبه ليه هو دا الصيام
واللسان يبطل يجيب في سيرة اخوه الانسان
والرِجل لازم ما تمشيش في حرام
والإيد ما تفتريش بيها على خلق الله
ولا تتمد لحرام
ما تتصنتش على غيرك هو دا صيام الاذنان
والصلاه شئ اساسي مش بس في رمضان
اخشع لربك في صلاتك
داانت ياما عملت ذنوب في حياتك
يمكن تكفر عن اللي فاتك
وتلاقي سند يوم مماتك
صلي كأنك قبل ما تخلص صلاة هتموت
لَحسَن يسيبك قطر المغفرة ويفوت
ولو ما منعتش نفسك غير من الشراب والطعام
يبقى جنيت على نفسك يا غلبان
وما خدتش من صيامك غيرانك كنت جعات وعطشان
إفهم باءة وما تضيعش عليك شهر الغفران
ربنا بيغفرفيه لألف ألف انسان
ليه ماتكُنش واحد منهم وتكون انت الكسبان
خللي بالك دا شهر الامتحان
حسنات كتيرة وماليهاش عدد
ويارب منك انت بس المدد
صَوِمْ جوارحك غصب عنها
ونفسك روضها
ذلها لربك ولفعل الخير وجهها
ليك دعوة ما تتردش كل يوم
اوعى تنساها يمكن
يرضى ربنا عنك في يوم
اجمع أهلك حواليك
ونفذ امر ربك عليك
صل الرحم اللي قربت تكون ناسيه
وسمحت لنفسك يوم انك تعديه
وصالح اللي كان مخاصمك ومعاديك
علشان ربنا يرضى عنك ويراضيك
إفدي نفسك من النار بنص تمرة
دي تهلُك الارض لو نزل منها ربع جمرة
إعطف على الفقير ولو بدينار أو جنيه
وحِن على اليتيم وطبطب عليه
وإطعم المسكين دا الفضل لربك
راجع اليه
واوعى تِنهَر سائل أو تِئسى عليه
إقرأ القرآن مع الصيام شفيع
والله هتلاقي كل حياتك ربيع
لازم نحمد ربنا ونشكره
حصلنا شهر رمضان ربنا لازم كتير نذكره
حسين درويش