السلام عليكم ..
حبيت اقول لكم كل عام وانتم بخير ..
ومبروك عليكم شهر رمضان ...
وشهر مقبول وآكل معقول:biggthump
-- الموضوع ومافيه : انا اليوم سجلت
وبصراحه اعجبني بالمنتدي شئ واحد
الي هو قسم الانجليزيه . طبعاً الحين بكل
لمنتديات قسم انجليزيه .. لكن هنا الوضع
بصراحه يختلف فيه تعاون رائع جدا بين
الاعضاء والكل يقدم الي عندة عشان الفائدة
تعم الجميع وهالشئ راح يكون عند الله تعالى
اجر وثواب واقول لكل الي يقدم نصحيه او فائدة
او معلومه بقسم الانجليزي جزاك الله الف خير
وعساك علي القوة ..
-- والشئ الثاني انا سجلت اليوم قبل الفطور
تقريبا بنص ساعه او ساعه مااذكر بالضبط
بس كنت وقتها مستعجل .. وجبت العيد ..:31:
الا هو النك نيم (User name ).
هو المفروض يكون sky tears:08:
وليش النك الي موجود حاليا .. فاتمني من الادارة
اذا ماعليهم امر يعدلون النك نيم ..:D
- والشئ الثالث : ودي اتكلم بنقطه مهمه جدا
بس قبل راح اكتب نبذة بسيطه عن طريقه تعليمي
للغه الانجليزيه .. الحمد لله في بدايه شهر شعبان
دخلت اكاديميه الجزيزة من المستوي الاول الي فن ون
وبحمد لله نجحت اليوم وبتقدير رائع جدا ..
وبديت بالمستوي الثاني .. عشان اكون صريح واضح
انا دخلت الاكاديميه واطلاعي او خبرتي باللغه الانلجيزيه
اعطيها 15% يعني تحت الضعيفه .. ولكن الحمد لله
عزمت واصريت اني اتعلم والحين وبفضل الله تعالي
تطورت بشكل جميل صرت اترجم بعض القصص وبعض
الكلمات الي اشوفها بشارع ولا بلوحه ارشاديه
صار عندي دفتر صغير مايفارقني .. تعلقت باللغه
حبيتها موووووت فيها ;)
لاحد يفهم غلط :biggrin: الموهم . ودي اوجه رساله للمبتدئن امثالي
اهم شئ العزيمه والاصرار وحب انك تتعلم اللغه خلي اخر اهتمامك
بالشهادة اذا انت طالب جامعي او اكاديمي ادخل علي انك تبي تتمتع بسماع
الجميع والكلمات وايضا تركيب الكلمات معا قواعدها عشان تطلع جمله مفيدة
تخيل يوم من الايام وانت قاعد معا واحد من اصدقائك وقاعد تترجم له فلم او نشرة
اخباريه راح تشوف المتعه وتحس فيها .. وايضا لما تدخل مجمع تجاري راقي
كيف تتعامل معا اصحاب المحلات وكثير من المواقف ..
يعني خل هالاشياء البسيطه الي ذكرتها تكون دفعه لك علي انك تتعلم اللغه
ومو شرط تتعلمها في يوم وليله مستحيل طبعا ابداء بدايه بسيطه حاول انك
تحفظ باليوم عشر كلمات كتابه ونطق وايضا حاول انك تتابع اى شئ له علاقة
بالنطق للغه مثل الاخبار و الافلام .. لاني من تجربه تأكدت ان الأستماع اهم اهم شئ
وراح اذكر موقف بسيط .. عشان اكد لكم ان الاستماع ضروري جدا للمبتدي
مرة من المراير كنت اتابع فلم (bad boys) يمكن بعضكم شاف الفلم
المهم فيه جمله كررها بطل الفلم مااعرف اسمه بالضبط كررها مرتين بس
وسبحان الله علي طول تحولت الكلمه علي لساني ورسخت مجرد انه كررها
والكلمه الي قالها هي angry :biggrin:
طبعا عارفين المعني .. وفسبحان الله مجرد سمعت هالكلمه مرتين
اتوماتيك رسخت وكاني اعرف معناها من زمان واهم شئ بالموضوع النطق الصيحيح
وهذا اهم نقطه .. طبعا الكل عارف اطلس منزله بالاسواق حاليا أصدار جديد 707
والنطق بشري وقاموس بصراحه روعه انصحكم فيه ولكن اهم شئ لا تعتمد علي اطلس
وتخليه هو كل شئ عندك انسا ان عندك هالجهاز ولا تستخدمه الا بالنطق وعند الضرورة
وانسا منه خل في جيبك قاموس صغير والحكمه من هالشئ اني ابيك تتعب وتدور المعني
للكلمه لان راح تمر عليك كلمات كثير وهالشئ مفيد لك ... وعلي فكرة انا اعتبر نفسي
مبتدئ جدا ولكن ليش قلت هالنصائح لاني بصراحه الي الان ولله الحمد والشكر في قمه
حماسي ويوم بعد اليوم اتعلق اكثر باللغه الانلجيزيه ابي اتعلم كل يوم شئ جديد ..
مو شرط ادرس الي اخذته بالاكاديميه .. او انتضر وش الدرس الي بدرسه بكرة
لا اعتمد علي نفسك اطلع علي كل شئ مااقول لا تدرس منهجك لا ادرسه بس ماتخليه
كل شئ وانك تتصور انه بيعلمك اللغه .. انشالله انك تتعلم بس حاول انك تشارك في كل شئ
اقلب حياتك 180 درجه اذا انت ماتحب الافلام لازم تحبب نفسك مو شرط بس اقلمها .
اذا ماتحب تسمع للاخبار والانفجرات والارهاب فحاول تطول بالك :biggthump
اطلع وادخل اى محل تشوف فيه ناس تتكلم لغه ذب عليهم كلمتين يمكن تزيد وتقوى
الثقه بنفسك اذا جيت تتكلم الانجليزيه .. لان فينا طبع الي هو الخجل ( السحا) :31:
ولازم انك تهيا اوضاعك في المكان الي مستقر فيه اما معا الاهل او لحالك لازم انك تكيف
وضعك وانصحكم بالاطلاع بشكل مفصل لموضع الاخت Another_One
الي بصراحه مااقدر اقول الا الله يعطيها العافيه... وانشالله نشوفك مشرفه بمنتدي اللغه الانجليزيه
وبالاخير عارف اني طولت وباقي بصراحه عندي كلام ابي اطلع الي بداخلي بس مو الحين
كل شئ في وقته راح ادعي رب الكون انه يوفق كل انسان بيبحث عن العلم والاستفادة
وبنيه صافيه ولاتنسون اهم شئ واهم نقطه للي يتعلم اللغه :--
انك راح تخاطب وتتكلم معا الغرب .. وقبل ماتبداء الكلام معاهم خل شعارك
انك تنشرو توصل وتقرب لهم ديننا الاسلامي وتحببهم فيه لان الله راح يوقف
معاك وراح ينصرك وكلنا نعرف لما الرسول صلى الله عليه وسلم طلب من احدى الخلفاء
الراشدين ان يتعلم واحد فيهم اللغه العبريه لنشر الاسلام ذهب وتعلمها في 15 يوماً
فسبحان الله ... الله انصرة وسهل كل شئ عليه..
واخير اتمني اني ماكنت ثقيل عليكم لان هذي اول مشاركه لي ..
وانشاء الله تكون هذة الانطلاقه عشان ابداء اكتب واشارك واكسر
كل الحواجز ..
وطلب اخير ياليت من الي ملم باللغه بشكل كبير الوقوف معانا وتصحيح الاخطاء
لان هالشئ راح يساعدنا ويسهل علينا ..
وراح انزل موضوع او صفحه للكتابه لكل مبتدئ ويكون معانا مصحح ويشاركنا
بكل شئ عشان نكسر الحواجز والله يوفق الجميع ..:)
اخوكم عبدالكريم
اكاديميه الجزيزة العالميه
