انا ويـن ...... والمافيا ويـن
السلام عليكم ... وبعد
قناة الصرقعة ...
تقدم ..
انا ويـن ...... و المافياويـن
تدور أحداث هذه القصة مع اثنان من شباب المنتدى .... كالعادة الأخ الموقر / S.W.A.T_911 ... والأخ المبجل / مصرقع اس اس
في عام 2004 هجري ، وبعد معاناة من البطالة , قرر سوات ان يعتمد على نفسه في الحياة ... وفكر ... ثم فكر ...ثم عصر مخه
الى ان طرت على باله فكره .... واخبر بها مصرقع ....
سوات : ياخوي ... ملينا من هالعيشه ... قسمن تقول كلاب ... اكل ونوم و(ط.....) .... وبعدين ؟
مصرقع : ولا أبلين ... وش تبغانا نسوي ... غصب نتوظف ... مافيه وظايف ... كل مانروح نقدم .. يقولون عوايل << انا اشهد انك مدوج
سوات : انت صادق ياخوي ... عز الله ماكذبت
مصرقع : والحل ....يعني نموت ؟ <<< موتت جدي
سوات : اممممممممم .. اممممممممممم....... لقيتها !
مصرقع : هاه ... الحقنا ... وش عندك
سوات : ما لنا الا نسافر برا ... وندور شغل
مصرقع : اقول سد فمك ... ترى ادحيه من الرمل الي قدامي
سوات : يا خوي روق ... طول لي بالك شويه
مصرقع : روقنا ... اخلص ... ورانا هدت المدارس ... نبي نفرفر عليهم
سوات : لاحق عليهم ... بس خلنا نفكر في مستقبلنا <<< الله يالمستقبل !! ... آخرتها مروجين
مصرقع : اللهم طولك ياروح ... اخلص يله
سوات : انا ابغى ابيع سيارتي الميتين أل 84 ... واجيب فلوس التذكره .. و نسافر لـ United State of America
مصرقع : بأي كوكب هذي ..؟؟
سوات : هذي امريكا يا حبيبي ... القوة العظمى !
مصرقع : من جد ... تسولف ؟
سوات : لا من عم ... اكيد ياخوي انت وش فيك
مصرقع : بس فلوس التذاكر غالية ... والخردا موترك مايجيب شي
سوات : أقول لا تغلط على النعامة ... يا ما فكتني من الدوريات و الهيئة ... و الجيوب اللي بدون سفتي <<< دوريات المخدرات
مصرقع : بس ولو .... ما اظن انها راح تجيب لك التذاكر ... ما راح تكفي الفلوس
سوات : أفا عليك , تندبر الدراهم ... انا وانت نبي نغزي على الشايب الي ساكن جنبنا
مصرقع : وش تبي بالمسكين , والله لو تنفض الشايب ... ماتحصل هلله ... انت شوف ثيابه ... قسمن لو يفصخها لتوقف من كثر الوسخ
سوات : يالهندي ... ركز شوي , و خلني اسولف ... الشايب مو عنده غنم ؟
مصرقع : ايه عنده .. ليش ..... شتبي فيها ؟
سوات : ابي اربيهم ......
مصرقع : بس التربية محتاجة فلوس و لا تنسى المدارس و بعد لا تنسى .......... <<< مشت عليه السالفة
سوات : يالخبل !! .... حنا نبي ننطل = نسرق الغنم و نروح نبيعها
مصرقع : حلو ... التذاكر و دبرناها .... بس وش راح نشتغل اذا رحنا لامريكا ؟
سوات: لو نبسط بالشوارع و نبيع طواقي حجازية ,ابرك من العيشة هنا , وين ما تروح عوايل, ليش يا اخوي الشباب عيال ( زنـ ....)
مصرقع : خلاص الليلة نجيب الدنا.... الدنا = شاحنة صغيرة لها حوض مصنوعه باليابان و لها .... <<< اخلص علينا ..
سوات : و انا ابي اجهز الجوازات و الملابس .... و الوعد الليلة
و تمت العملية التي خططوا لها بنجاح تام ... و عدت الليلة على خير , و في الصباح الباكر ... باعو غنم الشايب <<< يا ويلهم من الله
و اخذو النقود واشتروا بها التذاكر ... وذهب كل من سوات & مصرقع لكي يودعوا عائلاتهم
سوات : يبه ... يبه ؟
ابو سوات : وحطبه .... وش عندك !
سوات : يبه .... مع السلامه انا ماشي
ابو سوات : مشى بطنك .... وين تبي تذلف ، امسك القاع واركد لا اقوم عليك والعن خامسك <<< العن ام المذله
سوات : اقول ... لا تنافخ وخلك خوش ابو <<< اعذروه .... البطاله وما تسوي
ابو سوات : لا اضربني .... تعال خذ العقال ومحطني فيه ... اسمع يا بزر , طلعه برى البيت مافيه زين
سوات : ان شالله يبه <<<< بلع العافيه
فذهب سوات الى امه لكي يودعها ...
سوات : يالغاليه توصين بشي
ام سوات : وين ياوليدي ؟
سوات : ابغى اروح لـ United State of America <<< حفظها وبلش العالم فيها
ام سوات : خذ اخوانك معك <<< العجوز تحسبه مجمع تجاري
سوات : خير نشالله ... يله مع السلامه
وقبل سوات راس امه ثم ذهب مع مصرقع الى المطار ... وبعدها توجهوا الى امريكا
ونزلوا في مطار لوس انجلوس ... وفي المطار... فتش الأمن مصرقع و سوات تفتيش ذاتي دقيق
سوات : والله يابن الحلال .. ما معنا شي ... ابك حنا هجينا = هربنا من الطفره ... حنا لاقين ناكل على شان ندنفس = سوالف يمين يسار
مصرقع : هو صادق ... يالحبيب حنا على باب الله مساكين
رجل الأمن : shut up….. don`t say anything!
سوات : عطه التذاكر ... شكله يبغاها
مصرقع : سم ياطويل العمر .. هاذي التذاكر
رجل الأمن : let me finish my job …. Alright !
مصرقع : على هالخشم
رجل الامن : عليه الشحم !!!
و بعد ان انتهوا من التفتيش .. خرجوا من المطار
سوات : اقول .... خلنا ندور تكسي ... ونمسي ونعين من الله خير ... والصباح رباح
مصرقع : ابغى ... ننزل في سويت << ياكبر شرهته
سوات : ايه خير سويت ... شكلنا راح ننام مع الي ينامون في الدواعيس << يقصد الشواذي الي في الزقاق
مصرقع : يا تكسي ..... يا تكس
راعي التكسي : what you want ?
سوات : ولا عليك امر ... شف لنا مكان نرقد فيه الليله ...
مصرقع : أي والله ... ونبي مكان يطل على بحر
راعي التكسي : where are you going ?
سوات : ايه معانا فلوس.... تاخذون ريالات <<< يعني فاهم
مصرقع : قل له نعطيك خمسين ريال ... بس خله يدور لنا شقه جنبها عوايل << يبي يبرد حرته في العوايل
و بعد نهار طويل , استطاع سائق التاكسي ان يفهم ما الذي يريدونه
فركبوا معه و أوصلهم الى عمارة يوجد بها شقة بالمواصفات التي يريدون
وناموا الشباب ، وفي الصباح ...
سوات : اصبحنا واصبح الملك لله ... يامصرقع ...... مصرقع و وجع ؟
مصرقع : هاه ...... خلني انام شوي .. اعوذ بالله تقول ديك على هالصبح ... خير وش عندك ؟
سوات : قوم صحصح ... خلنا نفطر ونعين من الله خير
مصرقع : وش فطورنا ؟
سوات : مادري ... بس ابغى انزل ادور محل فوال ، يبيع خبز تميس <<< استغفر الله ، تميس في لوس انجلوس
مصرقع : بسرعه لاتطول علي انا انطرك
سوات : ثواني وجايك ... بس على فكره شسم الحاره الي حنا فيها ؟
مصرقع : مدري .... بس كلهم عبيد ... اظاهر انها مثل البطحا في الرياض
سوات : يعني اقول لهم البطحا ... وهم يدلوني ؟
مصرقع : الله الله ...بس لا تبطي علي
وذهب سوات لكي يحظر الأفطار ، وفي طريق العودة صادف سوات شباب من الأفارقة
الشاب :what`s up man
سوات : والله ما سبيت ولا قلت شي <<< أفا خواف الولد
الشاب : what are you doing here
سوات : الله الله ... انا جاركم ، والرسول وصى بسابع جار <<< يبه هذولا مايعرفون الله
فأخرج الشاب من جيبه سكين وقال :
الشاب ! give me your money
سوات : ياخوي ... مدري وش تقول ... هدي خلنا نتفاهم
الشاب : don’t ( fu…. ) with me
سوات : والله مدري وش تقول ؟
الشاب : بالعربي عطني بيزاتك ... ياثور
حينما رأى سوات الشرار يتطاير من عين الافريقي ، عرف ان الدعوه ليست مزح ، وقرر الهروب <<< افاااااااا
وحين ما انطلق سوات مسرعاً يريد الفرار .... رفع الشاب الافريقي حديده ، ثم قذفها في الهواء .... باتجاه سوات .
وطخ ...... اتت في مؤخرة راس سوات ... وبدء الدم في التصبب من رأسه ... و اتت شلة الافارقة و اخذوا النقود منه
ثم ذهب سوات الى مصرقع في الشقة وهو يمسح دموعه <<< رجال طول بعرض وتبكي خخخخخخخخ
مصرقع : انا ابن ابوي ..... قولي وش فيك , من عليك ؟ <<< ابوك يا المطنوخ
سوات : عبنده تحرشوا فيني ... ويوم تصافقت معاهم .... واحد طلع حديده وكفخني على راسي , و سرقوا كل الفلوس
مصرقع : قصدك فلوسنا كلها راحت ؟
سوات : بلفوني العبنده .... ما خلو معي ولا ريال <<<< هذي حوبة الشايب اللي سرقتوا غنمه
مصرقع : وش نسوي نطر يعني ؟
سوات :... بس هذولي جعوص ، بخلا عيال الكلب ؟
مصرقع : وش رايك ... نبصط بالشارع ... ونبيع طواقي حجازية وشمغ ؟
سوات : أي طواقي ... واي شمغ .... وش السالفه !!
مصرقع : تذكر يوم قلت لي ( لو نبيع طواقي حجازية )
سوات : ايه اذكر
مصرقع : انا جبت طواقي و شمغ بعد !
سوات : يلوموني فيك ..... ذيب والله ذيب
مصرقع : ههههههههههه , افاااا عليك اعجبك <<< ارتفع المخفه
فتوجهوا الى الشارع قاصدين البصط فيه ، وترويج سلعهم اللي مثل وجيهم ............ وتربعوا في احد الشوارع الرئيسية <<< فضحتونا الله يفضحكم
مصرقع : قررررررب ياولد قررررررررررررب
سوات : الزين عندنا والشين حوالينا <<< الشباب قاعدين بحراج ابو قاسم
فاتت امرأة أمريكية تريد بان ترى وش عند ذالخبول
المرأة : how much this thing ?
سوات : يس يس .... ذس از طاقية ... فور .. الوغدان
المرأة : okey … how much this ( taqia ) ?
مصرقع : هذي يا طويلة العمر تنلبس كذا .......... <<< يعني فهم عليها
فأخرجت المرأة من محفظتها 10 دولارات ومدتها اليهم , وهنا جن جنونهما
سوات : والله راس مالها 15 ريال .... ما يصير كذا
مصرقع : كسرتي سوقنا يا بنت الحلال <<< الخبول ما يدرون انها تسوا اكثر من 30 ريال خخخخخخخ
فأخرجت المرأة من محفتها خمسة دولارات أخرى و أعطتهم اياها
سوات : على شانك ابي اعطيك اياها براس مالها <<< شفطوها شفط وهم ما يدرون
وبعد ساعة .... باع الشباب جميع ما لديهم من سلع , و كسبوا أكثر من 500 دولار تقريبا
سوات : والله وناسة الامريكان .... لا يكاسرون على السعر ولا شي
مصرقع : يا ولد شكلنا نبي نجيب بضاعة بعد
في هذه الاثناء .... حاوطهم عدد من الرجال , وتقدم احدهم
الرجل : come with me … right now !!
سوات : خلاص يالغالي .... قفلنا
مصرقع : المرة الجاية ان شالله
فأخرج الرجل من جيبه بطاقة ... مكتوب فيها ( دائرة الهجرة ) <<< مثل الجوازات بالسعودية خخخخخخخ والله قوييييييييية
سوات : والله مار علي راعي الصورة هذي ... وين وين <<< يحسبه يسأل عن واحد
مصرقع : لا والله يالغالي , ما شفناه قبل كذا !
فأشار الرجل الى الذين معه بعينه , ثم تقدموا وقاموا باعتقالهم , وأركبوهم بسيارة دائرة الهجرة
يتبع
مشاركة: انا ويـن ...... والمافيا ويـن
هههههههههههههههههههههههاههههههههههههههههههههههههههها
هوووووووووووووووووووووووووووووووهووووووووووووووووووووووووووو.
وقسما كذا القصص ولا بلاش ....
اقول ليش ما تعطيها لطاش عشان يمثلونها ...
وقسما القصبي يبدع فيها ...
مشكور على القصة ...
بس عطنا البقية بسرعة لا تتأخر :biggthump
مشاركة: انا ويـن ...... والمافيا ويـن
هههههههههههههههههههههههههههههههههههههههههههه وربي اضحك من قلب هههههه :p
اما عليك حركات! والله و طلعت مصرقع و حنا ماندري عنك خخخخخخ :D
رهيبه السالفه ذي! لاه و التعليقات تبعك شي الله لا يحرم هلك منك :laughing:
تسلم يمينك خيو على هيك سوالف و يخليك ربي :08:
مشاركة: انا ويـن ...... والمافيا ويـن
ما شاء الله عليك مبدع .
كاتب جديد انضم لنا و موهبة جديدة . :09:
ناطر التكملة .
و الف شكر لك .
مشاركة: انا ويـن ...... والمافيا ويـن
هههههههههههههههه
حلوه سوات وننتظر البقية
اقول سوات انت ناوي تسرق مني الضوء بها المنتدى
تراي معطيك وجه ولا نزلت موضوع من زمان
بس اصبر وابوريك المواضيع السنعة
مشاركة: انا ويـن ...... والمافيا ويـن
هههههههههههههههههههههههههههههههههههههههههه
مشكور اخوي سوات على هذي القصه ولا اروع
مشكور
:D :D :D :D :D :D :D :D :D :D
مشاركة: انا ويـن ...... والمافيا ويـن
ههههههههههه
صراحة كاتب مبدع----------->الى الامام
مشاركة: انا ويـن ...... والمافيا ويـن
السلام
والله مشكور على القصة ذي
وناطر التكملة
مشاركة: انا ويـن ...... والمافيا ويـن
اقتباس:
هههههههههههههههههههههههاههههههههههههههههههههههههههها
هوووووووووووووووووووووووووووووووهووووووووووووووووووووووووووو.
وقسما كذا القصص ولا بلاش ....
اقول ليش ما تعطيها لطاش عشان يمثلونها ...
وقسما القصبي يبدع فيها ...
مشكور على القصة ...
بس عطنا البقية بسرعة لا تتأخر
http://montada.com/images/smilies/ne...iggthumpup.gif
هههههههههههههههههههههههه
والله ماادري وش ارد عليك
لكن اشكرك على المشاركة الحلوة
تسلم لي هالضحكة
اشكرك على المشاركة
و احرجتني بكلامك الحلو
اشكرك على المديح .... وانشالله نكون عند حسن ظنكم
و الف شكر على المرور
اقتباس:
هههههههههههههههه
حلوه سوات وننتظر البقية
تحلى ايامك يالغالي
اقتباس:
اقول سوات انت ناوي تسرق مني الضوء بها المنتدى
تراي معطيك وجه ولا نزلت موضوع من زمان
بس اصبر وابوريك المواضيع السنعة
ههههههههههههههههههههههههههههه
الا على فكرة ..... يا خي ترا ما صارت ..
متى تنزل موضوع ..... صار لك فترة ما اتحفتنا بقصة حلوة
ننتظر قصصك على احر من الجمر
انت الاروع .... وشكرا على المرور و النجدة خخخخخخخخ
اقتباس:
ههههههههههه
صراحة كاتب مبدع----------->الى الامام
ههههههههههههههه
من دون متابعتكم القصة ما تسوا شي ..
يعطيك العافية على المشاركة
اقتباس:
السلام
والله مشكور على القصة ذي
وناطر التكملة
العفو حبيبي
يعطيكم العافية على الردود الحلوة
بصراحة انتو تشجعون ان الواحد يستمر
على شان كذا ... التكملة غدا أو بكره ان شالله
وسلامتققققققققققققققققققم
مشاركة: انا ويـن ...... والمافيا ويـن
قصه رهيبه بس وش دخل المافيا يمكن في الجزء الثاني
مشاركة: انا ويـن ...... والمافيا ويـن
Ha Ha Ha..:laughing:
What a geart Story..
Thanx..S.W.A.T._911
:You_Rock_ I am Wieting 4 the rest..ok
see u..later
مشاركة: انا ويـن ...... والمافيا ويـن
هههههههههههههههههه:biggrin:
بصراحة موضوع رااااااااااااااائع وإلى الأمام
..............
مشاركة: انا ويـن ...... والمافيا ويـن
هاهاهاهاها ......
والله أنك مصرقع بمعنى الكلمة!!!
يالله فين التكمله؟؟
مشاركة: انا ويـن ...... والمافيا ويـن
قصة بقمة الرووووووووووووووووووووووووووعة ...
وننتظر القادم إن شاء الله :cool:.
مشاركة: انا ويـن ...... والمافيا ويـن
لا ياولــــــد طلعت منت هين فاهم الحركات والكسره والضمه<<معليش يعجز لساني عن التعبير:06: .......التكمله يابو الشباب<< وييييييييين مافي اسلوب.........
وسلامتققققققققققققققققققم
