قواعد القيادة الصحيحة ...!!!؟؟؟

1.الأفضلية دائما للسيارة الأكبر حجما، فكلما كبر حجم سيارتك كلما كانت لك الأفضلية في فعل ما تشاء.
2. عند الدوارات أو التقاطعات فإن الأفضلية لمن يدخل مقدمة سيارته أولا.
3. إشارة المرور ماوضعت إلا لكي تقطع ! وإلا فماذا سيقطع الناس لو لم توجد إشارات المرور ؟
4. استح على وجهك وخلك رجال ولا تربط حزام الأمان لا يضحكون عليك الناس ويقولون مصدق نفسه !!
5. اسقط من اليمين ومن اليسار وماعليك من أحد..
6. السرعة القصوى في الشوارع، هذي ماوضعت لك هذي وضعت للي سياراتهم ما تقدر تسرع .. أما انت فادعس بنزين لين الآخر
7. الحين من قال كان أعلى سرعة تقدر توصلها هي 120 ؟ يعني اليابانين والامريكين والألمان يتعبون أنفسهم ويحطون سيارات بسرعة 200 و220 ليه ؟ بتصير أحسن منهم ؟
8. لا تدق إشارة قبل ماتلف .. ترا مايدق إشارة إلا الخوافين والسواقين بس !
9. امسك المسارالأيسر .. واللي يرفض انه يفتح لك لزق صدامك بصدامه .. لين يخاف ويفتح.
10.المراية اللي قدامك ما وضعت إلا علشان تشخص فيها.. وماله داعي انك تناظرفيها اللي وراك.
11.إذا كنت مروق ذاك اليوم .. امسك المسار الأيسر وامش 80واللي مو عاجبة يشرب من البحر.
12.خط المشاة ؟!!! وش هو خط المشاة ؟ أصلا وشوله يمشون ؟ مافيه ليموزينات ؟
13. ترا اللي خططوا المسارات ماعندهم سالفة.. فإنت امش في الشارع بالشكل اللي تبيه.. لو في النص بين مسارين.. أهم شيء ما يتعكر مزاجك
14. إشارة "قف" !!!!! أقول تراكم مصدقين انفسكم من جد !
15. اثنين احذرمنهم .. خط البلدة .. والليموزين. فعندهم القدرة العجيبة على نقل سرعة السيارة من 120 إلى صفر في خلال ثانية وذلك اذا شافوا زبون واقف على الشارع ويأشر لهم !
16.أهم حاجة انك تكون مثقف، فما فيه أي مانع انك تقرأ جريدة أو أي ورقة وأنت تسوق.. أحسن من انك تطالع الأزفلت الأسود...

هلا amarants أجل طلعت مايكل شوماخر وحنا ما ندري :09:

أبصملك عالخمس طعش ساعة وبيتقفل الموضوع :D

.

نصائح ولاأروع من موبدعنا amarants ( شرط ان تصــدم في اول يــوم ) :D

.

مدري أقول تســلم ولا مــشكور :D

.

تــدري عاد مو لازم :09:

.

مــشكور ياغالي :biggthump

مشكور اخي انا تقيدت بتعليماتك بالحرف
لكن مدري ليش صارت الناس والسيارات تروح يمين شمال وتسب وتعيط
وفي 100-150 اذا مو اكثر راحوا منبطحين وصدقوا نفسهم وما عاد قاموا ! ترى تدري ليش؟!!
سلام !

اقتباس:

---

المشاركة الأصلية كتبت بواسطة DARK KILLER

هلا amarants أجل طلعت مايكل شوماخر وحنا ما ندري

---

أشكرك أخوي DARK KILLER على هذا الإطراء :D

اقتباس:

---

المشاركة الأصلية كتبت بواسطة الحكيم النشط

مشكور اخي انا تقيدت بتعليماتك بالحرف
لكن مدري ليش صارت الناس والسيارات تروح يمين شمال وتسب وتعيط
وفي 100-150 اذا مو اكثر راحوا منبطحين وصدقوا نفسهم وما عاد قاموا ! ترى تدري ليش؟!!
سلام !

---

أنا متأكد أخوي الحكيم النشط إنك ما طبقت التعليمات كلها أكيد في شي ناقص ....
لازم تتأكد لأن هذي القواعد صحيحة ومعتمدة دولياً...:D :D

مشكور على النصايح .... بكره بتشوفني اول واحد مطبقها :D .. واليوم الثاني بتلقاني

:boggled:

اقتباس:

---

المشاركة الأصلية كتبت بواسطة DREAMCATCHER

بكره بتشوفني اول واحد مطبقها :D .. واليوم الثاني بتلقاني

:boggled:

---

ألف سلامة عليك ....
بس ترى مالي دخل ما ضربتك على إيدك.. ;)