fainal fantasy:sad's story
هااااااه….
في البداية كيف حالكم شباب ؟؟؟طيبين؟؟؟حلوين؟؟؟اووه اسف..المهم
وانا جالس(اتمردح)بين المواضيع …قريت موضوع الاخ(rpgmodest)بعنوان(فكرة حلو يا شباب) المهم..و انا اقرا الموضوع بدا يطلع مني غبار..ليييش؟؟؟ لان الموضوع ذا فتح عندي ملفات قديييييمة ..هااااه(مرة ثانية) ..سالفتي...اوكي..من زماااااان ...يوم كنت بثاني متوسط(قبل 6 سنين) كنت ما اعرف وشو السوني ..اذا من باب اولى اني ما اعرف الار بي جي...المهم كان ثاني اسبوع من بداية الدراسة و غيرت فصلي لان الفصل اللي كنت فيه كله(دشير)(الترجمة:شباب تعبانين) (لحوج)..المهم في فصلي الجديد جلس وراي واحد شكله شوي حضاري(طبعاً انخدعت فيه و بعدين تعرفون ليش)... تجي الفسحة و ما كنت اعرف احد غيره..فاتمشى معاه..وكان هو اللي يتكلم و انا اللي اسمع(واااو بالنسبة لعمره ...كان يعرف انجليزي) انبهرت فيه...يوم ..اسبوع ..شهر..صرنا اصدقاء(اخويا)(ربع)و ما كنت ادري عن معرفته الواسعة بالالعاب الفيديو الا يوم قالي ان ابوه بيسافرو وصاه يشتريله ننتيندو 64)من امريكا..انا قلت؟؟؟؟ننتندو؟؟السوبر؟؟؟ضحك و قال يا متخلف السوبر هذا 16بايت وهذا....الخ..و بدا يتكلم مثل العادة المهم صار ما لنا سالفة الا الننتدو64 و عن العابه الخارقة..المهم..بعدها في يوم من الايام انعزمت في بيت ولد بنت عمي(مشوااار)و كان ابوه دكتور و سفراته كثيرة المهم..المفاجأة..اني لقيت عنده الننتندو 64(تخيل شي تسمع عنه اشهر و بعدين بدون لا تتوقع تشوفه؟؟)جربت سوبر ماريو64..و ما اذكر انني نمت عقبها(من السوبر الى ال64..ما انلام)(طبعاً جربت السوني و لعبت فيه لكن ما اقتنعت فيه لان كله مربعات .. و لاني شفت الننتندو64 ..و لاني صديقي كان يقولي السوني غباء) و انا كنت اسمع كلامه..المهم قبل لا اشتري الجهاز شريت مجلات و قريت عن لعبة اسطورية اسمها فاينل فانتسي 7 راح تنزل على 64 ...و هنا كانت بداية المأساة.
الضاهر انكم زهقتوا ..اذا تبغوني اكمل قولولي...
