الذاهبه (للمبدع ناصر القحطاني) والفنان أبو نايف

الله اللي راد والعقده قضاها اللي عقدها
لاعلى الدنيا سلام ولا لباقي العمر زينة

الفضا ماكنه إلا خيمة طاحت عمدها
والفرح ماكنه إلا شيخ انقصت يدينه

والعمر قطعة زجاج ان**رت ولاطال أمدها
والعرب في العيد بدموع اليتامى مستهينه

والشوارع لفها ثوب الظلام اللي هجدها
والبيوت أطلال من عقب المحبه والسكينه

والشتا والليل والبرد والسما يصرخ رعدها
والعيون اللي وراء الشباك مذعورة حزينه

طولوا في الكهف الأصحاب وبقت روحي وحدها
كنها في كوكب ثاني خلا من ساكنينه

الوداع اللي بعلم لعيني اعبر من رمدها
والوداع اللي بلا علم لقفص صدري غبينه

والوداع اللي بلارجعه على أمر وادهى
والله إنه غرغرة سم وسكاكين سنينه

والعنود اللي جفيت الناس والدنيا بعدها
مدة الفرقا لغاليها وهي تعطي الثمينه

وينها كيف تركتني ليه ماجت في وعدها
والقمر لاطل خابرها تجي بيني وبينه

رحت انادي واتلمس في مهب الريح يدها
كني حصان بلا صاحب طوى البيدا حنينه

رحت اصيح الصبح وينه والعرب مارد أحدها
ماسمعت إلا صدى صوتي يقول الصبح وينه

كنهم من يوم ذيك الشمس غابت عن بلدها
طلعوني في النفوذ وصكوا ابواب المدينه

كنهم من يوم ذيك الذاهبه محد وجدها
كل رجال من الشرهه قلع الدرب عينه

اثرها ماتت وماتت كل فرحه في مهدها
والربيع اقفت به اللي كانت التاج لجبينه

جاورت عقب الحدائق حفرة ماأقسى لحدها
حفرة ماني مصدق كيف ضمت ياسمينه

للحزن فيني مثل ماللطهاره في جسدها
ويش اسوي لافتشت اللي لها وسط الخزينه

زخرفت حلم وبنت له مسكن وسمت ولدها
آه لوغرد ولدها في خميلة والدينه

عاهدتني وظفرت بيمين أقوى من عهدها
والصبي لاخير فيه كان مانفذ يمينه

ماتتقى عن رثاها عرق أقتض بشهدها
ولاتبقى خلف قضبان الجفن عذراء سجينه

كيف عند العالم ايام العزاء محصى عددها
ولا انا طالت شهوره والله اعلم كم سنينه

لا الثرى فيها نبات ولا المشي خفف نكدها
لا السما فيها طيور ولا البحر يمه سفينه

لاالقمر هذا مساه ولا العصي هذا رغدها
لاالزهر هذا شذاه ولا الذهب هذا رنينه

قالوا الشيخ الفلاني مرجع القوم وسندها
قال ابشر بالعوض والعلم جينا ناقلينه

ساق لك بدر البدور اللي نشدها من نشدها
جادل هزت عروش وخيبت روس ذهيله

قسمها في رسمها في جسمها ألا في رشدها
واسمها ان جا الغضب قومه على الالسن رطينه

اترك الناي وعطيه شيخنا غنى لسعدها
وانبسط ياعم وانسى اللي ورى التربه دفينه

قلت ولصدري تناهيد تروع من شهدها
آه وا ويلاه من يجذب على قلبي ضنينه

خلوا اغلى ذاهبه ترعى ربيع اللي فقدها
والعطا راعيه محدن صوبه الله لايهينه

لو ضمنت الجنه وتفاحة القلب وشهدها
قلت من بكره عسى مجنونها تاقف سنينه

وسلامـــــــــتكم

هذه القصيدة رائعة من روائع المبدع ناصر القحطاني, هذا الشاعر أشهد أنه محترف رسم بالكلمات, ومحترف وصف للمشاعر. الذاهبة قصيدة لازالت ترن في أذني من أيام ماكنت متولع بها قبل كم سنة, خاصة يوم يقول : جاورت عقب الحدايق حفرتن مقسى لحدها... حفرتن ماني مصدّق كيف ضمّت ياسمينه.

أنصح الجميع بمتابعة أعماله, وعنده قصيدة رائعة في أحمد ياسين تستحق البحث لها.. شكراً عزيزي المواطن.

شكرا على الرد ثريول أشكرك



وإلى الأمام ........تحياتي