بص على اسمك في الكشف

http://www.boswtol.com/mastaba/image...rtoon_eyes.jpgصدقني ملوش لازمه الإحباط.. خليك فريش احنا في رحلة.. أيوه صحيح، والله كلنا ضيوف على العالم، ومسيرنا في يوم نسافر.. يبقى احنا فعلاً في رحلة.. خليك فريش بقى.. علشان؛ كمان نتائج الإحباط اللي إنت فيه ده مش كويسة خالص فمثلاً تلاقي نفسك انعزلت عن العالم حواليك وممكن تكتم في نفسك، ويطلع على اللي حواليك وبعدين فيه حالات كتير لو حالة الإحباط تطورت، بتقلب بمشاكل نفسية معقدة، وتحتاج لعلاج بعد كده! ومتلاقيش فلوس تتعالج فتحبط أكتر وهكذا!

علم النفس بيقول: إن فيه طرق غير مباشرة بيستخدمها الإنسان المحبط؛ للخروج من الإحباط واسمها في علم النفس الحيل العقلية، وهي عبارة عن سلوك هدفه تخفيف حدة التوتر المؤلم الناتج عن الإحباط، واستمراره لمدة طويلة، وهي حيل لا شعورية بيلجأ ليها الفرد من غير ما يحس. من الحيل دي: الكبت، والنسيان، والتكبير (يا عم كبّر دماغك)، والإسقاط (أيوه تسقط يعني)، وأحلام اليقظة والانسحاب، والنكوص. خد بالك واوعى تحبط بقى!!