وشلون ماتِهَنـّيـنـي ...!!
وأنا أدري إنّ إتّصالك ، ومرسالك ، هو بيجيني ...
لا قريت الكف ، ولا نشدت عرّاف ، لأخبارك يُوفيني ...
لكن والله ، قلبي يدري ، إنّك بالحيل تغليني ...
أدري ، والله أدري ، إنّك تحيا وتموت فيني ...
إيه ما هقيت بِتِهْنا .. ، وتضْنيني ...
* * *
... لا لا ما هقيت ، يطاوعك قلبك ...
حتّى لو إنّي قسيت ، وغيرتي عليك تعميني ...
من زود حرصي ، والخوف عليك ، عيّى يخلّيني ...
حتى لو هو دلال ، من حقي أعرف وش كثر تغليني ...
وهو صحيح ، بترخص الدّنيا ، وتشريني ...
* * *
... آه لو تدري وش صار فيني ...
بلحظة مرسالك يناديني ...
أعلّمك وش صار فيني ...
لا لا .. أَزْين تدري ساعة تحاكيني ...
والوكاد بتلمسه بنظرت عيني ، يوم إنّك تجيني ...
بس والله ، لو موب إنت أوّل من يِهَنّيني ...
كان أهمل ثوبي الجديد ، وأنضم أبيات القصيد بأنيني ...
يا كل من لي ، ويا كل هَلي وربعي ، ويا جنيني...
يا منوتي ، وبالفرحه تناديني ...
ويا عمري الباقي ، لآخر سنيني ...
* * *
... تدري بس بأقول لك شي ...
لا .. يجي يوم وبه تجرحني وتكويني ...
ولا .. تأخّر موعدك ثواني ، ترك بتنهيني ...
وبغيبتك ، لا كِنْ العيد بِجيّته يعنيني ...
* * *
... آه ياويلي ...
القلب والعقل ، يمّك ، وتبي بَعد تقاضيني ...
بس قضاة الحب ، من كثر حبّي لك عاذرينّي ...
وبيحكمون عليك ، تراضيني ومن العقاب تعفيني ...
* * *
... المهم و الأهم ...
إنّي أحبّك ، وإنت تحبّني ، وهذا يكفيك ويكفيني ...
ونْماري العاشقين ، ابجنانك وابحنيني ...
ونْحِر إللي مايبون الله ، يرضيك ويرضيني ...
وكل عام وإنت بمليون خير ...
بحضني مِهْتِني .. ومِهَنّيني ...
وجعل عيدك مبارك يا قرّة عيني ...
وحُبّك عن الدّنيا يغنيني ...
