الرسايل الواردة لهذا الأخ
جلس أبو نزار على كرسي مكتبه بعد انتهائه من كل الأعمال و قد بدا عليه التعب و الارهاق و أخذ جواله..
فتفاجأ بكم الرسائل الواردة له ....
وقال في نفسه : الحمدلله أحد ذكرني...أخييييرا بتصير الذاكرة مليانة رسايل
وهو في قمة السعادة بدأ يقرأ الرسائل
•رسالة من أم نزار (تقول فيها)
يا ساتر الدنيا حر ..ما قادرة أتحمل أحد
تجي بالطيب تصلح هالتكييف وللا تشوف خلاقينك عند باب البيت
•رسالة من مدير الشركة
هلا أبو نزار
تعرف زميلك أبو محمد مسافر للعلاج
وابوعوف في المصيف
و أخوك بو راشد أعطيته اجازة
يعني تبقى انت تداوم و تخلص الشغل
على فكرة أنا مسافر سويسرا وراجع بعد كم يوم
•رسالة من الجار أبوصالح
وينك ما صرنا نشوفك يا رجال
تعال نرمس في بيتنا ..لا تفوتك المباراة
ولا تنسى تجيب في طريقك العشا
ترى أم العيال والعيال عند الله يذكرها بالخير عمتي
•رسالة من شركة الاتصالات
لقد تم اضافة الرقم 999 أمام كل رقم ثابت و محمول ومنقول ومدقوق
وانتظروا خدماتنا الرائعة القادمة لكم
•رسالة من ؟؟؟؟؟؟؟؟ (مجهول)
How r u raju
??
What about the passport
*رسالة من أخو أبو نزار
كيفك أخوي ... أعرف انك شرهان علي
وش أسوي ظروف الحياة
حبيت أسلم و أقول لك ممكن تسلفني 1000 ريال
وان شاء الله برجعها لك بأقرب فرصة
•رسالة من أخت أبو نزار
السلام عليكم
اذا ضاقت نفسك
وحاس انك مخنوق
وتريد ترفه عن نفسك وتنسى الهموم
اغلق المحمول وبترتاح وبتنام مسرور
تتوقعون ويش بتكون ردة فعل أبو نزار بعد قراءة هذي الرسايل ؟؟
(الله يستر):shock22:
للمعلومية هذي الرسايل واقعية جدا جدا
الواحد ما يذكره شخص من زمان و فجأة تجيه رسالة و ينصدم :boggled:
تحياتي
:icon6:
