لاهل الرياض : وين كنت ساعة انفجار الداخلية ؟

مساكم الله بالخير او صبحكم الله بالخير كلن يختار الي يعجبه

طبعا الموضوع باين من عنوانه

الله يهديهم بس

ما فجروا الا يوم الاربعاء
يوم العطلة قبل الاختبارات و العالم ضايقة صدرها خلقة
و انا رايح اشتري لابتوب جديد و طاق مشوار للعليا و بالاخير ارجع خالي الوفاض بسبتهم

المهم كنت في العليا
و تحديدا قدام الفيصلية بالضبط عند مكتب الخطوط السعودية
رايح احجز على رحلة لباريس < = حدك حوطة سدير و تخب بعد يالنصاب:tongue2:

لا فعلا كنت رايح احجز
لكن مو لي
لخدامتنا ودها تروح لاندونيسيا تبي تشوف اهلها وش صار عليهم عقب سالفة عدنان و لينا اللي صارت عليهم - الامواج المرتفعة و الزلزال و غرق بعض الجزر اللي صار يوم الاحد الي فات-
و لما خلصت و ركبت السيارة
التفت على ورى
الا اشوف ذيك السحابة الحمراء الي طلعت كانها بركان يثور
قلت بس تفجير
الا تطلع شوية كور نارية ذهبية
قلت لا اشوى شكلها العاب نارية
الا بعدها بخمس ثواني يجي ذاك الصوت
دوووووووووووو
و تنقز السيارة ذيك النقزة
و اوقف على جنب و التقط انفاسي من الروعة

حسيت اني بفيلم
بس الحين وش علثتهم ؟
وزارة الداخلية الي يشتغلون فيها يهود و الا القبو فيه امريكان ؟!

هخخخخخخخخخخخخخ..

كنت في بيتنــا بس سمعــت صوت الانفجــار <------- نصــاب ..

اجل نعريك يا نصاب خخخخخخخخخخخخخخخخخخخ أنا كنت في كارفور ودق خويي قالي في أنفجار ورجعت البيت

الظاهر اني كنت نايم ..

لاني شايف كوابيس ذيك الليله .. اني سكيرتي على بوابة الداخلية .. لكن ربك ستر .

ترا التفجير كان تحت الكوبري اللي جنب الوزارة ..

بس التفجير كان قوي .. زي المحيا ..

أنا ما دريت عن التفجير (( ساكن بالحمرا))و كنت وقتها قاعد احك راسي باصبع رجلي الكبير وأفكر شلون أنجح بالرياضيات و ما دريت إن فيه تفجير إلا يوم جابو الخبر على
http://montada.com/images/smilies/new_icons/33.gifالإخباريه
و على قوة الإنفجار يقولون إن محد مات من العسكر و الناس الي يشتغلون !!!.... و الله مدري عنهم ذولي الإخباريه ما غير يفقشون علينا و حنا نصدق

كنت في البيت و لكن الانفجار كان قريب مرة (2 كم)
الحمدلله ما انكسر الشباك :33:

لا خلاص انتهت موضة الأمريكان :31:

الحين يبون يفجرون الحكم بكبره :tongue2:

الله يعين بس ...

انا سمعت طلق الرصاص حق حي التعاون وطبعا كنت بالبيت ونايم
اول شي كنت احسبه عرس بدوان بس يوم زودوها عرفت ان السالفة اكبر من عرس