آه من شوقك آه، حبك سرق النوم من أطراف عيوني، حبك دمر رغبتي بالحياة، لأجلك بضحي بروحي و دنياي، حرموني من شوفتك، حرموني من لمسك، حرموني من حبك و رضاك، اتفرقنا و أنا لسة ما وعيت على الحياة، اللي قبلي شافك و ما عاد قادر على الفراق، و أه من الفراق، لو بأيدنا ما تركناك لو بعنا رواحنا فداك، بس إيش أسوي و أنا شايف كرامتك عبتغتصب يوم ورا يوم، و حقك مهضوم و مش من حقي إني أحكي، كيف بصون كرامتك و أدافع عن شرفك و الأمة العربية كلها واقفة بيني و بينك عبتتفرج على مسرحية الحياة، و الله يا حبيبت قلبي، يا أمي يا أختي يا وطني، يا فلسطين الحبيبة، بدفع مالي و عيالي لشوفتك و لو مرة بالحياة، عنا كل شي في هالحياة، بس والله يا فلسطين ما ناقصنا نحن العرب إلا شوية كرامة لنسترجع الوطن و القدس العزيزة، فاستني هاليوم، و كوني من الصابرين، و لا حولة و لا قوة إلا بالله.
