السلام عليكم :
في هذا الموضوع راح اطلع الأشياء اللي تقهرني ودي اصارخ بكل صوتي واعارضها فهذا الموضوع لتنفيس غضبي
عموما
ابدي باكثر شيئ غاثني وهو للأسف يحصل في احسن البيوت وهي بيوت الله
تخيلوا معاي
انت تصلي وتوها الصلاة مخلصها فجاة جائتك رغبة انك تلتفت وراء او على جنب ولا تشوف رجال ولنقل من اهل الوطن (( كويتي )) وجنبه هندي وجنب الهندي اخر كويتي
فهذا الرجل راح مد يده ليسلم والهندي فرح لأنه سلم عليه لكن بكل حقارة دفع يد الهندي وكمل يده للرجل الأخر !!!!
يعني لم يسلم على الهندي !! ولا حتى تعب نفسه يسلم عليه
بالعرف شنو هذا الكبر في بعض الناس وعلى فكرة الموقف تكرر وليس مرة واحدة يعني تخيل شعور الشخص المسكين اللي فرح انه يسلم عليه احد لكن !!! مرات ودي اقوم من مكاني واصارخ ازف فيه :08:
او الرجال اللي ما يرد السلام لو اللي سلم ما يعرفه او اصغر منه يعني تخيلوا صار معاي شخصيا !!! شفت رجل اعرفه بالمسجد سلمت عليه ((بس للتنويه صوتي كان واضح )) لكن ما رد السلام واكتفى انه يحدق فيني كاني اهنت كرامته واهدرت رجولته ....... وعلى فكرة هذا الرجل لو تسوي معاه خطأ سهوا قلب الدنيا وما عليها
حتى لو ما كنت مسؤول
أجل رجل يطلع العقال يضرب اطفال ما يعرفهم بالمسجد !!! المشكلة اتهمهم بانهم اطفأوا النور وهم مساكين بس قاعدين يلعبون بعاد جدا عن المصلين ولا حتى قربوا جنب الزر
وعندكم شيئ ثاني اكره ما عندي انك لما تكلم واحد من زمان ما شفته بالتلفون كنت تعرف انه زين لكن اخترب وفجاة خط لك صوت وفيه احم احم او يتفاخر بالمعصية لو نكون ادق
والشباب اللي تشوفه يدخن بالله ليش تدخن !!! مجنون انت !! يعني انت رجل !! لا مو رجل منو قال ان التدخين رجولة اللي جال جذي هو ******** او اللي بس شغلتهم يدورون في المجمعات ولا حتى هدف (( يا ليت لو كان هدفهم حتى يأذون العالم لكن لأ يدورون ولا هدف لهم ))
واخيرا اكثر موقف تأثرت فيه لدرجة اني شوي وابكي
كنت رايح مجمع الرحاب (( مجمع مشهور للكويتين وغير الكويتيين ايضا :biggrin: )) عموما كنت مع الوالد ولا فتى ميت بسبب جرعة زائدة !!!!
تدرون وين مات !!! راح تقولون محل لأ تقولون مطعم لأ تقولون cafenet لأ
مات بالحمام !!! شوفوا خاتمته شلون بالحمام
اتعظوا !!
ونهايتنا الجريمة البشعة التي حصلت باسم (( الجهاد )) والجهاد بريئ منه وهي جريمة مقتل الشرطيين الله يرحمهم
وهذا يدل على ان عقول الشباب تغسل بمعلومات خاطئة عن الجهاد وانت يجب عليهم قتل المدنيين حتى يخرجوا الأمريكان
وصدقوني مو بهذة الطريقة يخرجون بالعكس قاعدين يعطون دافع اقوى للبقاء
في أمان الله
