السلام عليكم ورحمة الله وبركاته
هذي اول مشاركة لي كـ موضوع في هذا المنتدى الرائع اللي طالما استفدت منه ومن خبرات اعضاءه ( يطولي بعمركم ) وعلى رأس القائمة المشرفين الاعزاء اللي كان لهم بصمة واضحة في رفعة منتدانا العزيز وبداية العودة للعصر الذهبي ( الله يرحم ايام الشباب !! << لا يكثر وخلصنا مع موضوعك ! http://montada.com/images/smilies/new_icons/biggrin.gif )
المهم حبايبي انا اليوم جايب لكم برنامج اقل ما يقال عنه رائع .. بصراحة استخدمته لفترات طويلة وكان استخدامي له جداً بسيط .. ولا كنت اعرف اضبط اعداداته على النحو الصحيح .. لكن بتوفيق من الله تمكنت منه وطرحته ارضاً << داخل مصارعة !! http://montada.com/images/smilies/new_icons/biggrin.gif
الزبدة .. اول شي نعلمكم نبذة عن البرنامج : البرنامج اسمه E-color وانا مرتين حصلت عليه من كروت MSI ( يجي مع سيدي التعريف حق كروتهم ) البرنامج مهمته يساعدك على ضبط الوان الشاشة ودرجة الوضوح .. وانا اعتذر حالياً عن توفير رابط للبرنامج .. لاني ما بعد لقيت له لنك .. لكن كل الي عندهم كروت من MSI يقدرون يستفيدون منه .. وان شاء الله نوفر الرابط في اقرب فرصه ..
على كل ٍ , انا خصّيت المنتدى العام للالعاب بهذا البرنامج لاني موجه الشرح لهذا البرنامج لفئة محبي الالعاب .. لانهم بيستفيدون منه اكثر من المستخدمين العاديين ..
نبدأ بالشرح :
بعد ما ننزل البرنامج ونشغله .. راح تطلع لنا شاشة الترحيب في البداية وعليك انك تختار نوع الشاشة الي تستخدمها مثل مافي الصورة :
( المطلوب هنا انك ترفع الاضاءة ( Brightness ) و الالوان ( Contrast ) << اتوقع اسمها كذا ! )
-------------------------
(( ملاحظة : انا راح اواصل الشرح لاصحاب الشاشة CRT الكبيرة .. واصحاب شاشات الفلاترون ما راح يعوق معهم شي باذن الله .. ))
بعد ما نختار نوع الشاشة , راح يطلب منك انك ترفع الاضاءة لاخر حد .. وبعد كذا تخفضها الين الوحش الاخير يصير مختفي ...
وهذي هي الصورة الثانية :
------------------------------------------------
بعد ما نظبط الاضاءة , راح تظهر لنا الشاشة اللي بعد شوي ويطلب منا فيها نختار المستطيل الي نشوف منه بس لمحة لون ( الي اللون فيه مرة خفيف !! )
هذي الشاشة الثالثة :
-------------------------------------------------
بعد كذا , الخطوة الي بعدها رح يطلب فيها البرنامج اننا نحدد المربع الي فيه اندماج بين اللونين في المقدمة والخلفية , كما في الشكل التالي :
-----------------------------------------------------
افتر ذات , راح يطلب نفس الطلب .. وهالمرة عشان يحدد شدة السطوع , نحدد المربع الي فيه اندماج كما في الشكل التالي :
-----------------------------------------------------
بكذا نكون احنا ضبطنا كل الاعدادات .. بس باقي علينا انا نسوي لها Apply وذلك بالضغط على زر set game gamma زي الي في الصورة هذي :
-------------------------------------------------
هذا كل الي عندي .. اتمنى اني افدتكم ولو بالشيء البسيط .. وارجو انكم تسامحوني على التقصير الي حصل .. وان كان فيه اي غلط او ملاحظة تقدرون تناقشونها هنا لتعم الفائدة ..
فإن اصبت فمن الله , وإن اخطئت فمن نفسي والشيطان ..
شاكر لكم حسن متابعتكم على امل اللقاء معكم في حلقة اخرى والسلام عليكم ورحمة الله وبركاته << بالله واحد يسكته !
