أنقل لكم هذه القصيد أبغى رايكم فيها :)
روحي الله لا يردك
روحـي الله لايـردك واتركيـنـي للعـنـا
وانسي إني كنت أحبك وأعشقك وآموت فيك
انتهـت لحظـة مـودّة مـن حكايـة حبنـا
وابتدت لحظة فراق وخاتمتهـا مـن يديـك
والله إنـي ماهقيتـك تهدميـن اللـي انبنـا
ياحسافة قلبي اللـي كـان يهـواك ويبيـك
تحسبين إن التجاهل منـي لشخصـك ونـا
لا وربي بس حالف ماتنـازل لـك وأجيـك
لأنك أشبه بالفقير اللي بعـد جـوع أغتنـى
ثم نسى ويش كان حاله من بعد وضع ٍ ركيك
ماني اللي يقطف ثمار الشجر لي هـو دنـا
أرتكز وأرقى على الأغصان لين أجيب ذيك
دامك اللـي عفتـي أيـام السعـادة والهنـا
بعد ماكنتـي تقوليـن أعطنـي ممـا لديـك
باتركك أنت وغرورك فـي متاهـات الفنـا
جربي حظك مع اللـي يدعـي بإنـه إليـك
وألا أنا بعدك بعيني صار لـي يـوم المنـا
المحبة مـا أبيهـا دامـك بفكـري شريـك
عفت حبك وأنتي أعرف منـه اللـي باعنـا
ومستحيل إني أعوّد لك وأسومك واشتريـك
اتركيني وارحلي ثـم لا عرفتـي مـن أنـا
لاتجيني ... بس قولـي يرحـم الله والديـك
م ن ق و ل ه
