البلاستيشن 2 يبي يفشل والسبب..........غريب.
قبل كم سنة اشتريت السيغا ميغا درايف يوم طفو العالم بالعائلة وكلنا
يعرف ان هذا الجهاز (السيغا) شبه فشل بعد ما غطى عليه السوبر ننتندو،
وبعد كذا يوم نزلت الاسطوانات بداية بالـثري دي او ، قررت اني اشتري
واحد ويوم رحت للمحل لقيت السيغا منزلين الساترن والارفف مليانة ،
وكان موجود بالزاويه جهاز واحد بلاستيشن مركون لوحده ، وبالطبع انا قلت
السيغا اكثر شهرة وشريت الساترن وكلكم تعرفون انه انتهى بفترة قصيرة،
و من عقبها ما شريت البلاستيشن ابد (شريت الننتندو 64 لكن ما كان بتلك
الاهميه)، وبعدين الدريم كاست وهذا على وشك السقوط ( شين مو 2 هي
اللي تبقيه لفترة).
يعني ان كل جهاز اشتريه يفشل واللي ما اشتريه يربح، انا وحظي ، والحين
عندي بلاستيشن 2 و كلنا يعرف ان الاكس بوكس قادم ، وانا اتعهد بانه اذا
فشل البلاستيشن 2 اني ما اشتري الاكس بوكس فلا تخافوأ.....!!!!؟؟؟!!!.
